كل واحد فينا عندو ذكريات طفوله .. و اكيد كان في حاجات كتيرة كان بيعملها .. احكي اكتر موقف بيضحك حصلك و انت صغير و لما بتفتكرو بتضحك عليه XD
ههههههههههههه انا وبنت عمى كنا بنلعب بالعجله فى الشارع ,, و كنا عايزين نركب احنا الاتنين مع بعض بس العجله مش كانت بتمشى بسرعه ,, ف اتفقنا ان انا اركب و اسرع و بعدين هى تجرى و تنط تركب ورايا ,, والحمد لله عملنا كدا و اول ما هى نطت ع العجله اتشقلبنا انا وهى فى نص الشارع ,, وكان منظرنا زباله :D . و مره تانيه كنت انا و هى بنجرب نرفع رجل فوق ونط ,, هى عملت كدا ,, انا قلتلها يا بنتى دى حاجه تافهه دا انا بعرف اعملها كويس جدا حتى شوفى ,, و سميت الله و رفعت رجلى ونطيت ,, فجأ كدا والله اعلم لقيتنى مقلبوه ع ضهرى :D مش عارفه ليه اكيد الارض كان فيها مشكله :D ههههههههههه والله كانت احلى ايام كنت انا وهى بنعمل مصايب :D . و بضحك جدا لما افتكر منظرنا فى العيد ,, كنا نلبس ونتشيك و نخرج نشترى مسدس و نروح عند عمتى فى اولاد بيكونوا واقفين فى الشارع و معاهم مسدسات ضربوا فينا مره ,, فا احنا روحنا اشترينا مسدسات و رجعنالهم ,, و فضلنا نضرب فيهم و نجرى ورا العربيات و نعيش دور المغاميرين الخمسه ,, و احلى حاجه فى الموضوع شكل اسراء و هى ماسكه الشنطه و بتجرى ورا العيال تضربهم بيها :D هههههههههههههههه . والله احلى ايام ياريتها ترجع تانى ,, كنت بفرح جدا فيها مع انها كانت بسيطه جدا ^_^