Ask @LupNa_MuhammaT:

تكملة الحلقة الثالثة عشر... 🌸💙

♡~LüpŃä~♡
فغضبت السيده عائشة (غارت😊)
وقالت:
أوَلم يخلق الرب غيرُ خديجة، والله قد أبدلك الله خير منها
"قصدها على نفسها بأه" 🙊
فالنبى عليه الصلاه والسلام رد عليها وقال:
يا عائشة.. لا والله ليس في الدنيا مثل خديجة، لقد آوتني حين طردني الناس، وصدقتني حين كذبني الناس وواستني حين حرمني الناس،
أوَ في الدنيا مثل خديجة..! 👑
"يعنى هوه فيه فى الدنيا زى خديجه :')"
مرة الصحابة دبحوا غنم فالنبي ﷺ راح وأخد حته منها ولفها.. وقالهم:
أرسلوا به إلى صاحبات خديجة، النبي ﷺ عنده 25 سنة والسيده خديجة عندها 40 سنة واتوفت خديجه لما النبى ﷺ كان عمره 50 سنه.. يعنى عاشوا سوا 25 سنة وده أكبر رد على اى واحد بيقول إن الرسول ﷺ بيحب الزواج كتير..
لأنه عاش شبابه كله لم يفكر أن يتزوج بغير السيدة خديجة..
على فكره الزوجه اللي النبي ﷺ
اختارها بنفسه هي خديجة بنت خويلد وباقي الزوجات كان زواجهم بأسباب وفى منهم زواجهم كان بأمر من الله عز وجل..
وتعيش السيده خديجه مع محمد ﷺ في حب وسكينة وموده، قصة حب لم يشهد التاريخ مثلها.. لغايه ما تحصل حادثة جميلة أوي.. ابن أخو السيده خديجة اسمه حكيم ابن حزام.. ده كان كافر.. مرة حكيم كان ماشى فى السوق.. فلقي ولد صغير شكله جميل بيتباع في سوق الرقيق، وده طبعا قبل نزول الوحى على محمد ويجى الإسلام ويكرم البشريه ويكرم المرأة.. المهم حكيم ابن حزام دخل سوق الرقيق واختار ولد صغير يخدمه في البيت اسمه...
نكمل يوم تاني بإذن الرحمن 💙

View more

+22 answers in: “___♡”

نتابع الحلقة الثالثة عشر 💙 مقسمة علي سؤالين واللي فاتو حاجة يفتح الثريد من أوله.. 🌸 صل علي الحبيب 💜🎈

♡~LüpŃä~♡
سيرة الرسول ❄
الحلقه 13
يلا صلوا على النبى ♥
هنكمل النهارده حب خديجه و محمد ﷺ
بعد ما نفيسه لاقت السيده خديجه مشغوله بمحمد ﷺ فقدرت نفيسه مشاعر صحبتها الجميله اوى وقالت: يا خديجة تحبى أكلمهولك؟ ♡
ردت خديجة
وقالت: في إيه؟
قالتلها: في الزواج 🙈
فردت خديجه: من مين!
قالتلها: منك 😊
فخديجة قالت: ايوه... كلميه :') ♡
وراحت نفيسة للنبي عليه الصلاة والسلام فقالت:
يا محمد مش بتفكر فى الزواج
قال:
ومين تفكر تتجوزنى وأنا لسه فى بدايه حياتى..
فقالت: خديجة 😊
فالنبي قال: هيه ترضى؟! ♡
قالت نفيسة:
اممم طيب هكلمهالك واشوف.. وبسرعه تجرى نفيسة وهيه طايره من الفرحه لحد ما وصلت لخديجه وقالت:
أبشري يا خديجة قَبِلَ محمد.. قَبِلَ محمد..
ففرحت خديجة حتى بكت :') ♡
وغابت نفيسة يومين وراحت نفيسه لمحمد وقالت بفرح:
يا محمد.. قبلت خديجة.. قبلت خديجة.. ولما قلت لخديجه عليك قالت:
وهل مثل محمد من أحد!♡
(يعنى هوه فيه فى الدنيا زى محمد)
فرح النبي صلى الله عليه وسلم أوى وتم الزواج، كان بيحبها لدرجه أن النبي ﷺ بعد وفاتها كان لما يجي يتكلم عن خديجة كان يقول "إنى رُزِقت حبها" 💙
نحكى بأه شويه مواقف عن حب
خديجه ومحمد ♡
مره كان النبى عليه الصلاة والسلام قاعد في البيت بعد وفاه خديجه وكان اتجوز عائشة.. فالباب خبط، فالنبي ﷺ قال:
ايه دا.. كأنه صوت خديجة "صوت خبطتها" فيقول اللهم اجعلها هالة أخت خديجة" فيفتح.. ففعلاً تطلع هالة أختحج خديجة (عارفين أى حاجه تيجى من ريحه الحبايب.. ده بيخلى القلب يرتاح اوى) 🍃
فيدخلها النبي ﷺ ويقعد يتكلم معاها لحد ما تمشي..
ومره يوم فتح مكة يعني بعد وفاة السيده خديجة ب 15 سنة يدخل النبيﷺ مكه منتصر.. قائد لجيش عظيم معاه 10 آلاف جندي.. فيقف عند قبر خديجه ويبكى :') ♡
ولما كانت كل القبائل جاية تبايعه على الإسلام، النبي ﷺ يلاقي ست عجوزة جاية تتعكز على عصاية.. فالنبي ﷺ وشه فرح أوى بعد ماشافها وراح خالع العبايه اللى على ضهره وفرشها على الأرض وقعدت الست عليها وقعد يتكلموا سوا ساعه، وأول ما الست مشيت.. تيجي السيده عائشة وتقول:
يا رسول الله من هذه العجوز..؟ فيقول:
يا عائشة هذه صاحبه خديجة، كانت تأتينا أيام خديجة..
قالت:
وفيم كنتم تتكلمون..؟
قال ﷺ:
كنا نتذكر الأيام الخوالي ♡ أيام خديجة...
فغضبت السيده عائشة (غارت😊)
وقالت:
التكملة تحت.. 🤗

View more

+22 answers in: “___♡”

مــــســـ✍🏻ــــاحـــــ💭ــــةة 🖤

♥زَهْرة❤️
لا تعطي أحد الحق بأن يقول لك أنت لا تستطيع عمل شيء ما، بما في ذلك أنا، اتفقنا؟
إنه حلمك عليك أن تدافع عنه، الناس لا يستطيعون فعل شيء لأنفسهم ولذلك سوف يقولون لك بأنك لا تستطيع تحقيق شيء..، إذا أردت شيئاً فإذهب وحارب من أجله.. ✊💙

View more

تكملة الحلقة 12 🌸💙

♡~LüpŃä~♡
فنفيسة قالت لها:
أوليس غير محمد..!! ((هوه مفيش كلام غير عن محمد واخباره 😉))
بس نفيسة فهمت وقدرت إحساس خديجه رضى الله عنها ومشاعرها الجميله وقالت لها..
هنزلها بعدين لأنها حلقة جديدة دمتم بخير 🌸🍃

View more

+22 answers in: “___♡”

اللهم صل وسلم وبارك علي سيدنا محمد وعلى آله وصحبه صلاة تليق بجماله وجلاله وكماله ✨ الحلقة دي هقسمها ع سؤالين لعدم كفاية عدد الأحرف هنا أتمنى تاخدوا بالكوا منها لأن الجزء الباقي منها المرادي بسيط جداً... 🍃

♡~LüpŃä~♡
سيرة الرسول 🌿
الحلقه 12 ✨
صلوا على النبى 🌸
النهارده النبي ﷺ تحديدا عنده 25 سنة في ريعان شبابه.. أجمل مخلوق خلقه الله هو النبي صلى الله عليه وسلم..
بدأ النبي يشتغل في التجارة بعد تعليم عمه أبو طالب له.. وبدأت سمعته تنتشر في قريش وبدأت قريش كلها تتكلم علي محمد وعلى أخلاق محمد ومهارته في التجارة وأمانته وصدقه ووفاؤه لحد ما لُقِّب بين قومه بالصادق الأمين ♡
السيده خديجة عايشة بأه كان عندها 40 سنة وكانت جميله جدًا وغنية جداً جداً وكانت أرمله.. وورثت زوجها أبي هاله وكان غني جداً وعيلتها أصلاً كانت غنيه وهي كانت بتعمل حاجة اسمها المضاربه.. يعني تجيب تاجر تأجره في مقابل إنه ياخد التجارة بتاعتها ويروح يبيع ويشتري ويجيبلها بعد كده الربح (المكسب يعنى)
فبدأت أخبار النبيِّ ﷺ تنتشر لغايه ما وصلت لخديجة بنت خويلد فبدأ يدخل في قلب خديجة شئ من الحب إلى رسول الله..
لدرجه إنها فكرت وقالت للغلام اللي بيشتغل معاها اسمه "ميسرة"وسألته:
ماذا سمعت عن محمد..؟
فقال لها:
إنه صادق وأمين ووفيّ وماهر في التجارة.. وقالها كل صفاته صلى الله عليه وسلم وكل اللي قريش بتقول عنه :')
فقالت:
يا ميسرة اذهب إليه واسأل محمد هل يقبل أن يُضارب في أموالي بالأُجرة..؟
وفعلا ميسرة راح للنبي
وقاله:
يا محمد تسألك خديجة بنت خويلد أن تُتاجر في أموالها فهل تقبل..؟
فواااافق محمد ﷺ
(ومرفضش يشتغل مع إمرأه)
فخديجة جابت ميسرة
وقالت له:
يا ميسرة أنا هبعت محمد في تجارة إلي حدود الشام
وأنا عايزاك يا ميسرة تبقى عينك علي محمد وترجع تقولي، ايه اللي حصل وعمل ايه فى الفلوس واشتغل ازاي...
وفعلا سافر ميسرة مع محمد ﷺ وخلصوا التجارة بتاعتهم.. ورجع ميسرة ولقى السيده خديجة وقفاله على الباب..
فقالت:
ما فعل محمد يا ميسرة؟
ميسرة رد عليها بجملة واحده بس...
قال:
يا سيدتى لم أر في حياتي مثل هذا قط،
كان يفعل كذا وكذا وكذا.. وقعد بأه يحكيلها على أمانة محمد وعلى صدقه وعلى أخلاقه وعلى عفته عليه الصلاه والسلام.. فبدأ يقع في قلب السيده خديجة حب أكثر لرسول الله ♡ :')
وفي يوم دخلت عليها واحده صاحبتها اسمها نفيسة بنت المنبه.. وسألت خديجه عن اخبارها،
فبتقول نفيسة:
فلم تتكلم خديجة إلا على محمد ♡ ولم تنطق بكلمة واحده غير محمد 😀
فنفيسة قالت لها:...
التكملة 👇 افتحوا الثريد.. 😉🙊

View more

+22 answers in: “___♡”

في الأول بعتذر جداً علي التأخير والوقت الطويل دا.. 💔 ثانياً حابه افكركوا إنها منقولة 🙈 ثالثاً بقي صلوا علي الحبيب المصطفى ونبدأ بسم الله من جديد مع بعض تاني الحلقة الحادية عشر 💙

♡~LüpŃä~♡
سيرة الرسول🙊
الحلقة 11💜
وفضل بحيرة يقنع أبو طالب أن بلاش ياخد محمد صلى الله عليه وسلم للشام عشان خايف اليهود يقتلوه.. وبعد محاولات كتير من بحيرة.. خاف أبو طالب وقال خلاص مش هاخد محمد معايا للشام..
وبسرعه بَحيرَة راح للنبي ﷺ
وقاله:
يا بني لا تذهب إلى الشام، أقسمت عليك باللات والعزى..
تفتكروا النبي ﷺ وهو يدوب عنده 12 سنه يقول لبحيره إيه؟!
قال:
ما عبدتهما لأُقسم بهما ♡
فتأكد بحيرة أكتر وأكتر إن فعلاً محمد ﷺ نبى أخر الزمان
وأبو طالب عم محمد ﷺ جاب جمل وجاب حراس وجهز ترتيبات الرجوع وقالهم:
ارجعوا بمحمد ﷺ لمكة وأنا هكمل الطريق مع القافله
وعلى فكرة بَحيرَة كمان أتأكد إن محمد هو نبى آخر زمان من علامه تانيه.. هيه إيه؟
📌 خاتم النبوة (يعنى ختم النبوة) خاتم النبوة ده موجود عند كل الأنبياء
(الخاتم ده بيبقى فى ظهر النبى ومكانه بيبقى قريب من الكتف و هو عبارة عن لحمه "ناتئه".. يعني دايرة لحم بارز شويه عن الجسم حواليها دايرة من شعرات قصيرة وطولها واحد.. والدايرة مظبوطة جداً كأن حد ناحتها وكانت عند كل الأنبياء.. وكل أهل الكتاب ومرت السنين.. محمد ﷺ النهارده بأه عنده 20 سنة،
حصلت حرب في مكة إسمها حرب الفُجّار دي حرب كل مكة حاربت بعض فيها.. فجرت مكة وقتلوا بعض في الشهر الحرام والنبي لم يشارك في الحرب دي.. رغم إنه عنده 20 سنه يعني يقدر يشارك بس هو مش رضى يشارك، يبقى ده أكبر دليل إن النبى عليه الصلاة والسلام قبل النبوة كان برده مش بيحب الحرب..🕊
ويحصل بعد الحرب دي.. حاجة اسمها حِلف الفضول بعد الحرب اللي عملوها دي وكان من ضمن شروط الحلف أو المعاهده دى إن ممنوع حد يقتل حد عند الحرم (الحرم المكي) وممنوع يكون في ظلم في مكة، فمحمد ﷺ كان بيحب حِلف الفضول..🍃
النبي ﷺ انهارده عنده 25 سنة المرة الجايه هو زواجه من خديجة بنت خويلد،، بصوا مهما سمعتوا عن قصص الحب في الدنيا..، مفيش قصه أجمل ولا أطهر ولا أشرف ولا أرق من قصه حب النبي ﷺ لخديجة بنت خويلد ♥

View more

+22 answers in: “___♡”
Next