Ask @M7mdShe7ata95:

ما النُّضج؟ وهل النُّضج هدف علينا أنْ نرنوا إلى تحقيقه؟!

نور الشامي
النضج بالنسبالي هو فعل وسلوك نابع من معرفه وعلم بالنفس .. معرفة حقيقية للنفس ودوافعها ونقط ضعفها ومكامن قوتها .. عملية بناء وتقويم مستمرة للنفس ومعتقداتها في طريق أصح .. رحلة اكتشاف و تحسين مستمر .. رحلة بتبني فيها ثقتك في نفسك على أسس صح حقيقية .. بتكون فيها مسئول تماما عن قراراتك و أخطائك .. بتتحمل نتيجة أفعالك بكل شجاعة .. بتبطل فيها هروب .. بتمشي فيها بالتوازي مع حياتك .. مش مجرد عزلة وافكار مثالية .. بتبدأ من اول لحظة تتحرك وتطبق على اللي انت اتعلمته .. رحلة صعبة وشاقة جدا .. بس تستحق .. تستحق فعلا تكون الهدف الأساسي في الحياة .. لأن لو مكانتش ف أي هدف تاني هيكون محاولة هروب و تعويض وخلل في الأولويات.

View more

إذا لَمْ يكنْ مِنَ الانتقامِ بُدّ؛ فما تُراهُ الانتقام الأعظم على الإطلاق؟!

نور الشامي
بالنسبالي التجاهل .. إن الشخص ميكونش واخد منك أي مساحة سواء حب أو كره أو غضب .. يكون بالنسبالك ولا شئ .. غير كدا محاولة الانتقام هتاخد منك زي ما هتاخد منه.

View more

ماذَا تعرّف عن الحُب ؟ .

بيكون شعور مؤذي ومدمر ومتعب لو مش في مكانه الصح أو مع شخص رافضه ومش قابله ومش عاوز يشوفه أو حتى يقدره ، أو الل حاسس بيه أضعف من إنه يتحكم في نفسه ويخضعه لعقله وللصح .. وقتها بيعمي عن الصح وبيكون مدخل للضعف المصبوغ بمظهر القوة .. بيكون تهور مش محسوب واندفاع قهري في طريق غلط مليان تخلي عن المبادئ والأهداف نهايته مش كويسة أبدًا .. فيه بيخسر الشخص نفسه وبتتحول نفسه لشئ فاضي مجوف من غير روح .. وبيتحول فيه الطرف التاني لهدف وغاية تهون علشانها أي شئ وكل شئ .. بيخسر الشخص نفسه علشان الطرف التاني .. اللي ممكن يكون شخص مؤذي بيستغل دا اكتر .. أو حتى مش بيعمل حاجة ورافض دا .. ووقتها الرفض برضو مش بيكون رادع .. والمسئول دايما هو الشخص الأول .. مسئول أنه يحافظ ع نفسه وع غيره من كل دا لانه بيغير نفسه وغيره للأسوأ .. حتى لو هيسميها تضحية وصدق وحب .. لكنها ف الحقيقة أذى واندفاع وإدمان.
.....
وبيكون شعور عظيم وحلو لما يكون في مكانه الصح ،، ومع شخص متفهم شايفه وعنده منه وقادر يديه ويقدره ، والل حاسس بيه فاهم نفسه وعارف دوافعها وبيخضع دا كله لعقله ومبادئه من غير اندفاع لهوى النفس أو رغبات لحظية بدون اعتبار للعواقب والصح والغلط .. بيكون وقتها قوة في الحق ودافع للإحسان والتحسن المستمر ،، بيلغي الخوف وبيمد بقوة وحب للنفس وللغير .. بيساوي وبيدي إيمان مضاعف بالنفس وبالغير لانه إيمان شخصين .. ومش بيخلي حد قبل حد او فوق حد .. ولو طرف حب يضحي علشان طرف هيكون اختياره مش علشان هو مجبر من نفسه ع دا .. بيكون كل طرف نفسه مش مجرد ظل للتاني .. بيسمح للاتنين ينجحوا في طرق مختلفه في الحياة ومع دا قادرين يتلاقوا في مساحتهم المشتركة .. بيظهر معاه رعب من المستقبل ومن الفقد .. رعب كبير كبر الحب نفسه ، ودا دور الإيمان إنه يلطف حدة الرعب دا ويهديه لكنه مش بيلغيه .. وقتها المسئولية بتكون مشتركة والتحسن مشترك والحب مشترك ..
.....
اكيد الحالتين تصور مثالي مرة بالموجب ومرة بالسالب .. والحقيقة بتبقى واقعه في منطقة بينهم أو حتى تأرجح بين الاتنين .. علشان كدا دايما بتمنى إني أكون بتحرك اقرب ناحية النوع التاني .. وأصدق إنه فعلا موجود مش مجرد تصور مثالي مستحيل يتحقق ...

View more

دي كلها افتراضات ممكن تحصل وممكن يحصل العكس تماما والحقيقة تسعدك وتسعد الطرف التاني. ليه افتراضاتك كلها سلبية وخجولة؟

هو السؤال كان عن إيه الل بيخلي اي حد يقول كلام غير الل هو عاوز يقوله ... ف طبيعي مش هكتب الحاجات الايجابية ،، صح ولا إية ؟! 🤔

View more

+1 answer in: “الخوف من إية؟”

الخوف من إية؟

حاجات كتير ..
- الخوف من ان الكلام يتفهم غلط ويوصل معنى غير الل جوانا ..
- الخوف من الحقيقة .. الخوف ع الشخص التاني من تأثير الحقيقة عليه ..
- الخوف ع نفسنا من رد فعل الشخص التاني ..
- الخوف من إننا ممكن منبقاش صادقين ف الكلام دا وانه مش حقيقي واحنا بنضحك ع نفسنا لغرض خفي عاوزينه ..
- الخوف إننا منلاقيش رد الفعل الل محتاجينه ...

View more

+1 answer Read more

لا أعرفك سيدي ولكن ظهر لي حسابك هذا زرته وخرجت منه افضل مما كنت وسرني جدا ف الحقيقة ، أراحك الله وحمل عنك ذنوبك وهمومك انت إنسان جيد استمر ..

شكرا ع الدعوات بجد، وع إنك وريتني إني سبت تأثير كويس عليك ولو بسيط .. يارب وانت كمان ^^

View more

Next