Ask @M_7amada:

••

"لم تسقط الأندلس فى يومٍ واحدٍ بل ظلت تسقط لأربعةِ قرونٍ كاملةٍ... نحن نعلم أنها كانت تسقط لكن أهلها لم يكونوا يعلمون أنها ستضيعُ للأبدِ، فهل سينظرُ الينا أحفادُنا بعد 4 قرونٍ بمللٍ وشفقة لأن بلادنا تضيعُ منذ قرونٍ ونحن لا ندرى ؟! تميدُ بنا الأرضُ ولا نراها تميد كما كانت تميد بهم ويظنوها ثابتة ؟!"
~ تميم

View more

ضعُوا شيئًا لي، وسأجيب -قدر استطاعتي- إن شاء المولىٰ.. مساحة، سؤال، مُساعدة، طلب، ما شئتم!

تلك الدعوة ! قرأتها وما فارقت لسانى، فاللهمّ !
"اللهمّ لا هزيمة في منتصف الأشياء، بلغنا تمامها أو انزعها من قلوبنا"
يا رب 😔

View more

اي الحاجات الايجابية و السلبية فيها انا حاسبات الاقصر و هحول اسيوط لاني من سوهاج و دي اقربلي

معظم اعضاء هيئه التدريس غير متعاونين بالمره ودا بيصعب التعامل معاهم جدا دى الشئ السلبى الوحيد بالنسبه ليا... بس كـ community ايا كان ايه عندك حول علطول من غير تردد، الناس هنا احسن بكتير من عندك

View more

+1 answer in: “حاسبات اسيوط ؟”

«الخَوْشق: ما يَبقى في العِذْق بعدما يُلْقَط ما فيه؛ عن كراع» (لسان العرب). ولا حول ولا قوة إلا بالله 🙊😃

Fatema A Abdella
طبعا اللى بيقرأ السؤال مش هيفهم يعنى ايه خَوْشق ( بس انا فاهمة يعنى 😌 ) وهيقرأ التعريف ... هيلاقى فى حاجات مش فاهمها برضو ! ( بس انا فهمهم برضو يعنى 😌) فهتعمل ايه ؟ 🤔
هتمسك كل كلمة فى تعريف كلمة "خَوْشق" وتروح تدور علي تعريفها زى مثلا كلمة "عِذْق" ( اللى انا عارف معناها برضو 😁 ) فهتلاقى التعريف فيه كلمات تانى مش عارفها ! تروح تدور عليهم برضو لحد ما تعرف يعنى ايه "عِذْق" ( لكن انت لو سألتنى انا من الاول 🤔 ! )
المهم يا سيدى تخلص كلمة تدخل على التانيه ولنفرض انك مش عارف يعنى ايه كراع مثلا او ممكن تكون عارفها بس لو مش عارفها هتعمل زى ما عملت مع كلمة "عِذْق" وبعد ما تخلص كل الكلمات اللى فى التعريف ! مبروك يا فندم انت عرفت يعنى ايه "خَوْشق" ✊👏👏 وبحييك على المعاناه اللى عشتها وكفاحك فى سبيل الكلمة ،، واللغة العربية مقدرة تعبك ومجهودك ... اللى انت عملتة دا اسمه problem to subproblems وطبعا لو مستواك فى الانجليزى كويس زيى كدا 😌 وعارف ان ترجمة الكلمة دى "تجزئ المشكلة اللى مشكلات اصغر" فاحب اقولك it's not about the English at all ! 🤕🤕 اللى عملناه دا هو اللى قائم عليه خوارزميات كتير حاليا اللى انت حاليا شايف ان التكنولوجيا مبهرة وعبقريه وخارقه بسبب الخوارزميات دى ! طبعا انت ذكى وهتقولى عادى اى حد معاه حاجه كبيره يجزأها زى الساندوتش كدا انت متقدرش تاكله مره وحد فبتاكله لقمه لقمه ! فين العبقريه فى الموضوع يعنى !
اقولك يا سيدى ، كمية الاجزاء الصغير بتكون كبيره جدا جدا اكبر من قدرة الكمبيوتر ! ايوووه اكبر من قدرة الكمبيوتر 😬😬🧐 ، بس لو ركزت كدا انت تقدر توفر جزء كبير من الحسابات بحيث تسهل الموضوع على الكمبيوتر ! طبعا تلاقيك توهت منى دلوقتى مش فاهم توفر ايه وبتاع ايه !
طيب معلش ممكن نرجع ل "خَوْشق" ؟ نفترض التعريف فيه 5 كلمات انت مش عارفهم
وجيت فى كلمة "كراع" ( تحسها شبة كلمة كراش مش عارف ليه ) لقيت فى التعريف بتاعها 3 كلمات جديده عليك بس لسه شايفهم فى تعرف كلمة "عذق" هم كلمات جديده عليك اه ! بس انت عرفت معناهم من فتره صغيره خالص ! فانت لو مسجل كل تعريفات الكلمات الجديده عليك لو قابلتها تانى تقدر ترجع للورقه الصغيره بتعتك بدل ما تدور فى المعجم من الاول !
طيب يا سيدى وفرنا كلمتين تلاته برضو الموضوع مش عبقرى يعنى !
ما انت لو عارف زيى كمية الحسابات اللى بتتعمل ولو قسمتهم زى ما قولتلك فوق هتوفر عدد كام هتنبهر !
ممكن مثلا حاجه بتتحسب فى مليار خطوه نحسبها ب 1000 خطوه بس ! دا اللى بيخلى موبايلك الجميل اللى دافع فيه دم قلبك ( ابو 500 جنيه متسرحش يعنى ) يحسب الحاجه بسرعه ! فانت لازم تروح تشكر الراجل اللى قدر بامكانيات قليله يخلى موبايلك او لابك سوبر مان !! ايوه لازم تشكره !
حبيبى العفو العفو 😄😌😌

View more

بوست مهم عن استغلال الأجازة ووقت الفراغ عمومًا https://m.facebook.com/story.php?story_fbid=624191334646669&id=100011674242899

البوستات بتاعت الفيس بيتعملها لايك وsave فقط ! الناس اللى بتنفذ مش بتستنى بوستات الناس الانفلونسرز بتوع الفيس يعملو ليهم List ولا اساساً عندهم حاجه اسمها فراغ يكفى ل List كامله بالشكل دا فى جدولهم 😟 ! وفى نفس الوقت لو عندك الوقت اللى يكفى دا و ""خلصت"" حاجه من دول يبقا كويس جدا ! ... دى وجهة نظر شخصية، وطبعاً انت مشكور على مشاركتك اللينك معايا يا صديق 😌💚

View more

انت من اجدع الناس اللي عرفتها فعلا و بتمنالك الخير دايما و موفق ف اللي جاي و اشوفك ف المكان اللي تتمناه اصديق 😄 و باذن الله لو في حاجه ىسميه هتكون اول الناس اللي لازم تيجي و بتمني تبقي قبلي و ربنا يعلم معزتك عندي فعلا ،، احبك ف الله يا صاحب ♥🌸

RaFatoV✌
يااااااااااارأفت 😄💚💚 ربنا يكرمك ويوفقك يا رب... مستنى الدعوه بتاعتى يا عم 😁😁😁 ونيجى ونخربلك الدنيا ياض 😁😁 الا قولى هو انت ما جاوبتش سؤالى عندك ليه ؟ انت اتغيرت يا رأفت ! 😂😂😂😂😂😂

View more

ممكن الملخص عربى؟؟

بص يا سيدى اللى ع الشمال دا "اندى" واللى على اليمين "ريد"، اندى دخل السجن ظلم واتحكم عليه بالسجن المؤبد ( مدى الحياه مش 25 سنه ، فى شروط معينه عشان يخرج)،المهم فى اللقطه دى كان "اندى" قضى 19 سنه فى السجن وكان بيقول ل "ريد" انا نفسى اعيش فى المكسيك ويكون ليا بيت على شط المحيط الهادى بعيد عن الناس ويكون معاه قوارب صيد،"ريد" كان بيقوله انك بتحمل نفسك فوق طاقتها كدا ! خلينا واقعيين انت هنا فى شاوشنك(اسم السجن) وبتحلم تروح مكان بعيد جدا وبرا السجن، رد "اندى" معاك حق انا هنا فى السجن والمكان اللى عايز اروحه برا السجن، ودا يقودنا لأختيارين : يا اما تنشغل بالحياه يا اما تنشغل بالموت ... [فى اليوم دا "اندى" هرب من السجن عن طريق نفق صغير حفره خلال 19 سنه بدون ما يستسلم زى باقى المساجين، وراح المكان اللى كان عايز يروحه ❤️ ]

View more

+1 answer in: “صوره الغلاف بتدل ع اى؟”

صوره الغلاف بتدل ع اى؟

دى من فيلم the shawshank redemption
Red: I don't think you ought to be doing this to yourself, Andy. This is just shitty pipe dreams. I mean, Mexico is way the hell down there and you're in here, and that's the way it is.
Andy: Yeah, right. That's the way it is. It's down there and I'm in here. I guess it comes down to a simple choice, really. Get busy living' or get busy dying'

View more

+1 answer Read more
Next