~المساحة لديك لكتابة شيء ما..? "أي شيء ببالك?"
هاد مرة من المرات ونا صغير كنت بالغرفة يوم الجمعة بطل من الشباك "عاساس اني بدرس" بأمان الله...
الا فجأة،، وبدون سابق انذار!! ييجي ضيوف عند جارنا ابو سفيان الي ساكن اخر الشارع،، وتنزل من السيارة بنت امورة وحلوة وبيضة وشقرا واشي عكيف كيفك!
خوف الله اذا لمستها باصبعي بشحبر وجهها ..!
المهم لملمت حالي وقلت لازم العب معها،، خصوصا انها نزلت تلعب مع ابن ابو سفيان السكع !
بعد ما عملت سلسلة من التشاورات والنقاش الحاد والمستفز مع نفسي قررت اني اشتري شكلاطة جلاكسي ام النص ليرة .. واروح اعطيها اياها
بنت زيها بتتزبطش بعلكة شعراوي الي بجرار الدوا خالص تاريخها من سنة وشهرين😏
المهم رحت على امي الي كانت تجلي جليات العزومة، الله يحميها، اطلب منها مصاري وقلتلها بدي اشتري من الدكان والعب مع ابن ابو سفيان #عالقافية..
المهم كالعادة فاجئتني بكلمة لا روح ادرس ..! #خربت القافية
انا هون فقعت معي ! ولعت، هاي القشة الي كسرت ظهر الفرس !
عملت حالي حردان وطلعت عالسطح
عاساس حدا يفقدني ،، يراضيني،، ينادي علي،، يشوفوا مالني،، يشفقوا علي..
بس ما حد سائل 🤦🏻♂️
طلبت اجتماع عاجل وضروري مع بنات افكاري وطارئ،، تناقشنا فيه عن خطة قوية تحسسهم انه في بني ادم عالسطح زعلان 🤨
واذا بفكرة شيطانية تتسلل الى عقلي ؛،
افصل المي عليهم من التنكات 😈
استجمعت قوتي ومسكت المحبس تاع الخزان وفصلته 😁
واستنيت عبين ما يطلعوا ،،
امي خلصت الجليات واهلي مطلعوش
صارت الدنيا مغرب واهلي مطلعوش
ابوي رجع من الصلاة واهلي مطلعوش
روحوا ضيوف ابو سفيان واهلي مطلعوش
رجع جارنا ابو مروان من مشواره واهلي مطلعوش
طلع ابو مروان عالسطح وهو معصب واهلي مطلعوش
ابو مروان هبدني كف وفتح المحبس ورماني عباب بيتنا واهلي لسا مطلعوش ..
طلعت فاصل على ابو مروان 🤦🏻♂️
اساسا انا مش قد الجلاكسي 💔
بديش اناسب دار ابو سفيان، بضل يفقع طابتي
كنت صف #ثاني🤦🏻♂️
طب ليش ما طلعوا ؟! 😒
#اصلا 🙏🏻
#الروائي_القلقيلي😎
الا فجأة،، وبدون سابق انذار!! ييجي ضيوف عند جارنا ابو سفيان الي ساكن اخر الشارع،، وتنزل من السيارة بنت امورة وحلوة وبيضة وشقرا واشي عكيف كيفك!
خوف الله اذا لمستها باصبعي بشحبر وجهها ..!
المهم لملمت حالي وقلت لازم العب معها،، خصوصا انها نزلت تلعب مع ابن ابو سفيان السكع !
بعد ما عملت سلسلة من التشاورات والنقاش الحاد والمستفز مع نفسي قررت اني اشتري شكلاطة جلاكسي ام النص ليرة .. واروح اعطيها اياها
بنت زيها بتتزبطش بعلكة شعراوي الي بجرار الدوا خالص تاريخها من سنة وشهرين😏
المهم رحت على امي الي كانت تجلي جليات العزومة، الله يحميها، اطلب منها مصاري وقلتلها بدي اشتري من الدكان والعب مع ابن ابو سفيان #عالقافية..
المهم كالعادة فاجئتني بكلمة لا روح ادرس ..! #خربت القافية
انا هون فقعت معي ! ولعت، هاي القشة الي كسرت ظهر الفرس !
عملت حالي حردان وطلعت عالسطح
عاساس حدا يفقدني ،، يراضيني،، ينادي علي،، يشوفوا مالني،، يشفقوا علي..
بس ما حد سائل 🤦🏻♂️
طلبت اجتماع عاجل وضروري مع بنات افكاري وطارئ،، تناقشنا فيه عن خطة قوية تحسسهم انه في بني ادم عالسطح زعلان 🤨
واذا بفكرة شيطانية تتسلل الى عقلي ؛،
افصل المي عليهم من التنكات 😈
استجمعت قوتي ومسكت المحبس تاع الخزان وفصلته 😁
واستنيت عبين ما يطلعوا ،،
امي خلصت الجليات واهلي مطلعوش
صارت الدنيا مغرب واهلي مطلعوش
ابوي رجع من الصلاة واهلي مطلعوش
روحوا ضيوف ابو سفيان واهلي مطلعوش
رجع جارنا ابو مروان من مشواره واهلي مطلعوش
طلع ابو مروان عالسطح وهو معصب واهلي مطلعوش
ابو مروان هبدني كف وفتح المحبس ورماني عباب بيتنا واهلي لسا مطلعوش ..
طلعت فاصل على ابو مروان 🤦🏻♂️
اساسا انا مش قد الجلاكسي 💔
بديش اناسب دار ابو سفيان، بضل يفقع طابتي
كنت صف #ثاني🤦🏻♂️
طب ليش ما طلعوا ؟! 😒
#اصلا 🙏🏻
#الروائي_القلقيلي😎