Space
عمري ما عرفت أبص في عين حد وأنا واخدة على خاطري منه، ولا عمري عرفت أضحك في وش حد تقيل على قلبي، وشي مراية قلبي، وسعيدة جداً بدا، مبعرفش أبقى حد تاني غير نفسي، بعمل بس اللي يخليني أبقى راضية عن نفسي، لا بدّعى حاجة ولا بحس اني محتاجة أمثل عشان أرضي حد، البساطة بتبهرني، الطيبة والحنية بياخدوا قلبي، بضحك في وش الغريب، وهروح لربنا بمحاولاتي المستميتة ان كلامي ميجرحش حد، وبحب أحاوط نفسي بناس مضطرش معاهم أنى أبرر كل حاجة بعملها، بناس يعذروني لو غلطت، يرجعوني لو ضليت، بحب النوايا السليمة ومبعرفش أعمل حساب لسوء الظن، أهلي وناسى هما أكبر نعمة في حياتي، ولو كانوا هما رزقي من الدنيا فأنا أكتر من راضية والله.
