بعد انتحار طبيب النفسية بتاع القصر العيني*تقريبا* من سنتين وبعد م قرأت البوستز الكئيبة بتاعته اتألمت جدا ووقتها فقدت الأمل ف تحسن حالتي وقولت إذا كان ده متخصص وعمل كده أنا اعمل ايه!
وده كان سبب إني مرحش لطبيب نفسي، ولكن بفضل الله ف النهاية بعد أكتر من خمس سنين ربنا كرمني بإحساس الفرحةمن شهرين تقريبا
جميل ما شاء الله .. ربنا يرزقك الفرحة و السعادة و اتمني لو حسيت بده تاني تتوجه لاقرب طبيب نفسي و هتلاقي الحل باذن اللهبص الطبيب النفسي من اكثر الشغلانات فيها ضغط نفسي و من تراكمات المشاكل الموضوع فعلاً صعب و لكن بعيدا عن اي حاجة يعني .. الطبيب سواء نفسي او غيره بيتعب زيه زي اي حد عادي و من القواعد اصلا عندنا لاسباب كتير لا داعي لذكرها ان الدكتور النفسي لو جاله تعب نفسي مش بيعالج نفسه ولا قرايبه.و ربنا يرحمه و يعافينا جميعاً يا رب 🤲🏻
...
زعلت لإني كنت مقدر الأمور كلها غلط ومكتشفتش كده غير بعدين وبعد م قفلت السوشيال وبعدت عن السلبيين ف حياتي.
الموت مش نهاية مطاف ولحظة الترجيع بسبب السم هي مش لحظة مؤلمة بس شعورك بالضعف وإنك مش قادر تقف شعور مميت.
بنخسر أحلام وبتيجي تانية،بنخسر الأولى لإنها مش مناسبة لينا وبيحصلنا إعادة تأهيل
غ. س. للأسف أكبر حاجة بتخلينا نفكر ف الإنتحار هو كثرة مخالطة الناس السلبية سواءً سوشيال أو لايف.أنا واحد من الناس أخدت أقراص الغلة دي وبصراحة مندمتش وزعلت لمدة سنة إن فيه حد كان هيكسر الباب ولحقني، واتعذبت حرفيا بسببها +من الحالات النادرة اللي مماتتش واتلحئت؛ بس لأول مرة كنت أزعل ع الفعل ده بعد سنة
كل مدي وانا بحس ان بقيت اكرهه نفسي وجلد ذات دايما وثقتي بتقل اوي في نفسي وحاسه اني دايما لا انا مش هقدر لا في أحسن مني لا انا مش عارفه حاجه حتي في ابسط الأمور والله ومتردده
طيب هل في مشاكل في حياتنا كبيرة او صدمات و من انهي نوع؟ هل في حساسية او عصبية؟
الشكر لله ده حاجة طبيعية كل واحد بيحتاج ناس في حياته يتسند عليهم خصوصاً بعد احساس الخزلان او نظرتي السلبية للاهل او اللي حواليا بس عايزين نحاول العلاقة تكون سند مس اعتمادية كاملة و ده هنعمله باننا نحاول نكتب النقط كده اللي متعلقين بيها فيها و نشوف ازاي نقدر نتجنب اقلهم بالتدريج و ازاي نقدر نصنع علاقات مع ناس تانية و ممكن نستند الطاقة دي ازاي من اماكن تانية و الاهم اننا نستمدها من ربنا و من نفسنا ازاي.
مقدرش بصراحة وريحتها بتتعبني اصلا مبتحملهاش ولا والدي بيتقبلها ومحدش في البيت بيشربها... بيقولولي هو ممكن يحاول يبطل بس انا مش مقتنعه كان بطلها من بدري ...
طيب عايزين نراجع البوست ده و ارجعيليو عرفيني كل حاجة من دول كام من ١٠ الثقة بالنفس التردد المثالية الحفاظ علي مبادئك العند النقد لنفسك النقد للي حواليكي الاندفاعية
ده اللي نفسك فيه بس مش هتعمليه الا لما تقتنعي الاول بده و بحقك فيه لانك اما تيجي صاحبتك هتفكري برضه ان مفروض تكتمي مشاعرك لانها فيها اللي مكفيها.فالحل نبحث عن مفاهيم اللي قلناها في الاجابة الاولي
لما حد يحكي موقف اتعصبت فيه.. مثلا..
انا صدقني عارفة انه عيب وبحاول اصلحه لكن مش عارفة ليه بفرح!
يمكن موقف زي ده حسسك انك قوية مثلاً؟ تمام بعيدا عن اننا مقتنعين انه غلط احنا عاوزين نوصل للفكرة اللي بتيجي في دماغنا و بتنعكس علي شعورنا بالفرحة علشان نغير الفكرة لمكانها الطبيعي
انا شايفة نفسي قليلة اوي وبستكتر ان حد اصلا يعرف اسمي.. وبخاف الناس تنفر مني
اهلا و سهلا بحضرتك السن و الحالة الاجتماعية و الوظيفية؟ هل ساعات بيجيلنا احساس اننا مش موجودين اصلاً و منفصلين تماماً عن الواقع؟ اي مشكلة كبيرة او صدمة قريبة في حياتنا؟ الروتين اليومي؟ الموضوع ده ابتدي من امتي؟
لو انا شخصيه متفائلة زيادة عن اللزوم بشكل يخلينى عندى يقين اننى هكون شخصية مميزة فى المستقبل فى مهنتى أو اننى مش قادرة اصدق لنفسى غير كده مع اننى لسه فى مرحلة الكليه ومعنديش اى خطة لمستقبلى ده نهائى ... ده ممكن يكون مشكله لى بعدين ؟؟ لاننى دايما عايشة بين الصوتين دول فى دماغى وفى قلق من المستقبل
لا مفيش مشكلة بس نحاول نشوف ايه اللي معطلنا اننا نعمل خطة و نمشي عليها لان اول اما اخلص كلية و اتصدم بالواقع ساعتها هتظهر المشكلة لو معندكيش امكانيات تحقيق حلمي
لو بنت ف التلاتين وفرصها ف الجواز بقت قليلة جدا واتقدملها شخص كويس لكن عيبه الوحيد انه مدخن .. ايه رأيك؟
هي رايها ايه لو بالنسبالها عيب تتقبله .. تقبل عادي مش متقبلة العيب و حاولت مع نفسها و مقدرتش تتكيف معاها يبقي تحسبها تاني و تشوف