Ask @Mahmoudeisa302:

مساحة تشبهك.. 🎀

قُطُوُفها دَانِيَةً...
مش مهم
الدنيا تِخرَب ..
تتقلب ..
فنفوت ونهرب ..
نتضرِب ..
ونعيش ونِضْرب ..
تتسلب منّا المساكن ..
يختلط فاتح في داكن ..
نبتعد ونتوه ولكن ..
تجتمع بينا الأماكن ..
وألمحِك بين البيوت ..
مش مهم
في ثانية .. نكسب ..
نتغلب
في التانية ..
نخسر ..
ننتصر ع الدنيا ..
نِكْسر ..
نتكسِر ..
فنقوم ونثأر ..
نتأسر بالليل .. نصارع ..
نتعصر ماضي في مضارع ..
تجتمع بينا الشوارع ..
يعترض صوت الزوابع ..
فأحضنك واعمل ( mute ) ..
مش مهم
الدنيا تبعدنا بمفاضلة ..
كوني فاضلة يا صديقة ..
ده الزمن ظابط ببدلة ..
والبشر سرقوا السريقة ..
كلنا جوة المعادلة ..
إكس / واي ..
ماحناش حقيقة ..
بس فيه أشياء بريئة ..
مش مهم
نخوض في قولها ..
مش مهم ..
عشان تفوت ..
المهم
أسمع ( بحبَك ) طالعة منِّك
مش مهم
تكون بصوت ..
يعني مثلا
لما اشوفك صدفة تاني
ابقي قوليهالي في أغاني ..
واحضنيني يدوب ثواني ..
كلها حُضنين
واموت ..
..

View more

Next