Ask @Mais232:

ميس 💭

آنون يسعد أوقاتك . .
___
في أرزاق بالحياة ومواقف ومصايب بتحسسك بعدين إنو الله عمّا يقلك:
"ما عطيتك شو طلبت عطيتك شو محتاج " ،
دماغ الإنسان بيتوزع بين قلبو وراسو وضميرو خلال مسيرة حياتو ، وكتير مرات بتحس لروحك حق عليك بأنو تسمعها وتتبع الإشارة الربانية عبر حدسك ،مرات في مطارح بترفضك بشدة والله مابيستجيب لنداءاتك بأنو تتحملها بس بيبعتلك إشارة إنو هاد مش مطرحك ، مرات تانية أشخاص بيدخلو حياتك وبفرّحوك بس ربنا بياخدهم منك،
نحنا بنعرف الله ،بنحب الله ،بنثق بالله ،بس كتير صعبة ع كينونتنا دايماً بإنو نفهم أقدار الرب العادلة فينا.

View more

Mais 💜☕

MHMD KR.
مُحمد أنرت متصفحي . .
___
كتير صح:
-ببلدنا أكتر كلمة متداولة ع لسانات الناس "الله" ، الله يرزقك ،الله يسلمك ،الله معك ، اتركها ع الله ،
-أغلب الأوفياء أوفياء لشغلات ماتت ،شغلات خانتهم وجرحتهم ، وهمي مش بالضرورة ناطرين تقطيب جرح أو اعتذار ،فلا تضلك تبحبش بجروح الناس.
-الفيس بوك عامل ميكب للكل.
-مافي إرادة بالكون بتفوق إرادة الله ،بقدر عمق هل قناعة الأجمل إنك تعيشها.
-بلش صح بتكمل صح ،عادي ح تقع مرات بس النهاية نتيجة للبداية .
-بالمرات يلي بقابل فيها الواحد مننا ناس مناح كتير وبتمشي تفاصيل يومو بعناية إلهية ،بيصفن شوي وبردد بقلبو :"أمي دعتلي الصبح".
-القلب الطيّب رزق.
-كلنا بنتغير ،والتغيير بيحمل اللونين ، أما الرمادية ف احتراف.
-أروع راحة ممكن تقدملك ياها الأيام هي مقدرتك ع التحكم بعواطفك وانفعالاتك وكلمة "لأ".
-بشكل عام اللطف الزايد مش مصطنع لكن معناه الود مش الحُب.
-خليك ماشي ورا الضو وخلي السما ترتبك ع مهلها ،ما تستعجل ع رزقك .💙

View more

هل لي برسالة 👻

-لا تتدخل في مشاجرة بين صديقين حميمين ،أو بين أخوين.
-لا تخبر أحداً عن مشاكلك العائلية مهما حدث.
-لا تطلب النصيحة أو المودة من قريب قد خان أحد أفراد عائلتك فيما مضى .
-لا تناقش جاهلاً ، أو عدوّاً أو حسوداً أو كافراً.
-مت قبل أن تطلب الشفقة من أحد.
-الحوارات التي تنتهي دوماً بفاجعة ، يستحق أصحابها الطرد خارج قلبك.
-من أعادوك إلى الله باكياً مئة مرة ،يستحقون منك "وداعاً" و إلى الأبد.
-بين سن الثامنة عشرة والثلاثين يجب أن تتكفل بتربيتك نحو الأفضل ،أتمم مهمة والديك.
- الله يُحدثك عبر القرآن ،القرآن لا يمسّه إلّا الطاهرون ، الطهر ، انتبه.
-إن توقف الشخص الذي في داخلك عن قول "لا" على تصرفاتك السيئة ،صلِّ.
-لكلّ منا رسالة يجب أن يُحققها ،تذكر ذلك دوماً.💙

View more

دعوة منك ممكن

-
الله يسعد قلبك وعيونك ويجعل الابتسامة ماتفارقك ويجعل كل أيامك راحة وطمأنينة يارب الله يجعل قلبك دوم الراحه تحتويه وينبض نبض السعاده والطمأنينه يارب ، الله يريح بالك ويبعد عنك كل تفكير واشيا سيئة تضايقك أو تقهرك ويبعد عنك كل شخص ممكن يأذيك او يقهرك ويضايقك ويفرح عيونك ويسعدها ويزيد جمال عيونك وقلبك وروحك 🤲🤲

View more

+2 answers in: “ميس”
Next