انا اهلي بيعاملوني وحش مع ان مش حرمنا من حاجه وكل حاجه ماديه موجوده
فلما لقيت طريقتهم ابتدت تأثر فيا لدرجه فكرت ف الموت بس انا عمري ماموت كافره المهم ان ابتديت اذي نفسي.. بعض ايدي جامد واخبط ايدي ف اي حاجه انا عصبيه جدا وابتديت أتجنب صحابي وكمان بقيت اعامل مامتي وحش هل اللي بعمله ف مامتي غلط؟
اه اكيد مهما يحصل مبنفعش تعامليه وحش
ولا تقل لهم افا ولا تنهرهما
تابعي مع طبيب نفسي وان شاء الله كل حاجه تظبط
اهلك عمرهم م هيعاملوك وحش دايما انتي اللي هتبقي شايفاها كدا بس بالعكس اكيد خايفين عليك وملكيش حق انك تزعلي منها وحرام عليك انك تعامليها وحش اكيد مش دا رد الإحسان اللي عملته معاكي وافتكري وانتي صغيره أما بتتعبي بتكون هي عامله ازاي عشانك متزعليش والدتك وعيب كدا يحماده
فتره وهتعدي بس لازم تشوفي حل انتي واهلك
اه غلط مهما يكون دي مامتك ودول اهلك بردو حاولي تتكلمي معاهم وتبقوا صحاب وكويسين كلكم مع بعض
مبدأيا انك تأذي نفسك ف انتي كده بتاخدي ذنوب و بتعيطي و بتتوجعي في الاخر مهما كان انتي عملتي ايه ثانيا مهما حصل دول اهلك في الاول و في الاخر ف متعامليهمش وحش و لازم تصلي علطول و تستقيمي عليه
انا تقريبا زيك وبرضو بحس انهم مبيحبونيش وخصوصا امي لانها المفروض تكون اكتر حد حنين عليا ف الدنيا .
بصي هو مهما كان دي مامتك ودول اهلك وانتي مش هتقدري تغيريهم وربنا وصانا ببر الوالدين مهما عملوا وطاعتهم فيما عدا الشرك بالله فحاولي ع قد ما تقدري تقللي كلام معاهم وتتجنبي التعامل عشان متغليطش وتعملي تصرف تلومي نفسك عليه ، ولو تقدري تروحي لدكتور نفسي مضمون روحي علشان موضوع انك بتإذي نفسك ده وكمان فكرتي ف الموت فعشان الحوار ميكبرش ف دماغك والله اعلم ممكن يوصل لفين وربنا يهدي الجميع بجد.
ايوه اكيد مهما عملو فيكي استحملي وربنا هيجازيكي خير على صبرك دا
ربنا يهدكى ده عين

هو انا اعتقد ان مهما كانوا اهلك مش كويسين ف انتى لازم برضو تبريهم لأنك بتتحاسبى على دا
ولكن اكتر الوقت خليكى برا بحجة عندك دروس /محاضرات
خلصى اقعدى مع صحابك او لوحدك وما تختلطيش بأهلك فترة طويلة