@Malok458

Malak Ali Eldeeb

معنديش ثقة في شكلي 💔الموضوع مدمر نفسيتي مع أنهم بيقولولي حلوه ومعرفش أي بس عارفه أنهم بيجبروا بخاطري

فيه جمال تاني بيظهر للي قدامك غير جمال الشكل..
حقيقي أنا شايفة إن موضوع الشكل دا المفروض آخر حاجة نتكلم فيها، لإن أكيد كلنا قابلنا ناس زي القمر وجميلة فعلًا بقدر كافي لكن تعاملها وجمالها الحقيقي مش موجود!!
فَ كل واحد مننا جميل بشكل معين وطريقة خاصة بتلفت اللي حواليه ليه، الشكل موضوع محوري للناس الساذجة التافهة بس، لا تكترثي.
في النهاية يعني أنا لما آجي أحكم عَ علاقة ليا بيكِ مش هتكون قايمة عَ لون عيونك ولا لون بشرتك ولا كل الكلام دا، فيه حاجات أهم بكتير احنا محتاجين نلاقيها في الناس اللي معانا.

What others replied to:

معنديش ثقة في شكلي 💔الموضوع مدمر نفسيتي مع أنهم بيقولولي حلوه ومعرفش أي بس عارفه أنهم بيجبروا بخاطري

show all (44)

شوفي يا ستي مع اني مشوفتكيش بس انا واثقه انك زي القمر. ما اصل كلنا حلوين. معقول يعني ربنا سبحانه وتعالى يخلق حاجه وحشه!! لا طبعا. يبقا انتِ قمر. كل الموضوع انك محتاجه شوية ثقه في نفسك. ودا هيديهولك الناس اللي بتحبك
اللي بتحبك وبس. عايزه اقولك ان كلنا بنعدي ب اوقات زي كدا وبنشوف نفسنا وحشين. بس بنلاقي نفسنا حلوين في عيون الناس اللي بيحبونا. ف اقرأي كتب وغيري تفكيرك دا وانتِ هتبقي احسن. 💙
مفيش حد وحش بس هقولك حبي مفسك او حاولي تحبيها ووقتها هتعرفي انك اجمل بنت 💙❤️
انتي الي هتقومي نفسك وترجعي ثقتك بنفسك سيبك من اي حد اهم حاجة نفسك وخلي فيه ثقه ربنا ان كله هيبقي تمام
حبيبتي لا مفيش بنت مش حلوه انت الوحيده اللي تقدري تخلي عندك ثقه في نفسك اكتر
ماهو طبيعي أن شكلك مش حلو
طول ما انتي مش واثقه في نفسك مش هتبقي حلوه
أنا يمكن فيا عيوب كتير بس عارفه اني كدا اجمل حاجه هكون عليها وبحب نفسي الحمدلله
عايزه اقولك أن صحابي بيستغربوا ازاى حد بيحب نفسه كدا
لا بصي بقى هوا انا حلوة وانتي حلوة لان وةربنا قال كدا وخلقناهم في أحسن تقويم و كمان يعني مين اللي عمل معايير الجمال مفيش حاجة اسمها كدا كلوا واحد شكله رايق على شخصيته و على نفسه، انتي جميلة زي مانتي ❤️❤️
هقولك على حاجه :
طلما أنتِ بنت فأنتِ جميلة
مظنش فيه بنت اتخلقت وحشه ، كل البنات جمال

بس أنتِ عارفه اى الأهم من الجمال؟
- روحك
طلما روحك حلوة مبتصيش لأى حاجه تانيه
أما بالنسبة لنقطة الثقة بالنفس دا
بكل بساطة اتصنعى الثقة بالنفس ومع الوقت هتثقى بنفسك فعليًا

Language: English