بعضُ المعاركِ في خُسرانِها شرفٌ.. مَن عادَ مُنتصرًا من مِثلِها انهزمَ!" ❤️🌿 _تميم البرغوثي.
معنديش ثقة في شكلي 💔الموضوع مدمر نفسيتي مع أنهم بيقولولي حلوه ومعرفش أي بس عارفه أنهم بيجبروا بخاطري
فيه جمال تاني بيظهر للي قدامك غير جمال الشكل.. حقيقي أنا شايفة إن موضوع الشكل دا المفروض آخر حاجة نتكلم فيها، لإن أكيد كلنا قابلنا ناس زي القمر وجميلة فعلًا بقدر كافي لكن تعاملها وجمالها الحقيقي مش موجود!! فَ كل واحد مننا جميل بشكل معين وطريقة خاصة بتلفت اللي حواليه ليه، الشكل موضوع محوري للناس الساذجة التافهة بس، لا تكترثي.في النهاية يعني أنا لما آجي أحكم عَ علاقة ليا بيكِ مش هتكون قايمة عَ لون عيونك ولا لون بشرتك ولا كل الكلام دا، فيه حاجات أهم بكتير احنا محتاجين نلاقيها في الناس اللي معانا.
هو انا مش عارف اذا كان حد هيرد عليا ولا لا بس هسأل بردو لانى محتاج الإجابة اوي
ازاي ابطل اعمل حاجه بتخليني احس بشعور وحش واستحقر نفسي بعدها؟
اقسى عَ نفسك شوية، زي الأسلوب التربوي كدا، بنكون محتاجين للغلظة والحزم أوقات، حط عهد لنفسك والتزم بيه. يعني اعمل مع نفسك قعدة كدا والزم نفسك فيها بشوية التزامات وخليك دايمًا حاطط في ذهنك إنك لازم تكون قد كلامك قصاد نفسك، عشان لو بقيت شوية في عين نفسك، الناس كلها هتستقل بيك عادي.
هو انا لو رفضته مره هيتقدم تاني؟
لو بيحبك ومتقدم لك مخصوص، أيوة. لو بيدوّر عَ عروسة وخلاص ولسة هتتعرّفوا وكدا، لأ.
حد غنالك قبل كده ؟
أيوة، واحدة زميلتي غنت لي قبل كدا في عيد ميلادي. 💙
الحمدلله ان انا مرتبطه في الجو الحر ده كنت هموت من الحر اتصلت عليه وسمعت صوته نسيت الحر الله يكون في عون الناس اللي مش مرتبطه وربنا يعينهم ع الحر ده
متجاهريش بالمعصية يَ حبيبي ولو على سبيل الهزار. وحاولي تتقبلي وتستحملي حر دلوقتي لإنه أهون من حر تاني ونار تانية محدش يقدر على غمسة فيها، ربنا يعافينا جميعًا منها.
القعدة اللي كلها ضحك وهزار ودفا ومشاعر خالصة، مع الأهل أو الصحاب. ❤️🌿
انا اهلي بيعاملوني وحش مع ان مش حرمنا من حاجه وكل حاجه ماديه موجوده
فلما لقيت طريقتهم ابتدت تأثر فيا لدرجه فكرت ف الموت بس انا عمري ماموت كافره المهم ان ابتديت اذي نفسي.. بعض ايدي جامد واخبط ايدي ف اي حاجه انا عصبيه جدا وابتديت أتجنب صحابي وكمان بقيت اعامل مامتي وحش هل اللي بعمله ف مامتي غلط؟
احنا مأمورين بالبر، حتى لو من جواك بقى فيه كره حتى! أيوة بعيدًا عن مشاعرك، انتِ مأمورة بِ برّهم، اللي جواكِ واللي انتِ حساه ربنا أعلم بيه بقى وبإذن الله هيعوّضك، وانتِ احتسبي عند ربنا الأجر.
بنات لو متقدملك حد محترم وجاهز وانتم سألتو عليه كل الناس شهدت باحترامه وادبه وأخلاقه ودمه خفيف بس الفكرة انه عنده 34 سنة بس مش باين عليه وانتي 23 ومسافر ونازل يتجوز عشان ياخد مراته معاه وهو راجع والكلام دا كله في خلال شهرين ولما قعدتي معاه حسيتي انك مرتاحة توافقي انك تتجوزي في خلال شهرين ولا مينفعش؟
صلي استخارة، لو مرتاحة كمّلي، لإن الظواهر دي كلها كويسة أهو مفيش مشاكل، فَ صلي استخارة تبيّن لك أكتر وتهديكِ للصح، ربنا يكتب لك الخير يَ حبيبي.
انا بنت تمام بس وربنا بتكثف من اي حاجه وصوتي واطي ومبعرفش حتي اسلم ع حد من قرايبي الشباب وزهقت من نفسي بحاول اتغير مفيش فايده