Ask @ManarMahmoud430:

انا كان حلمي صيدلة وربنا اراد وجبت مجموع بشري.اصريت ودخلت صيدلة اهلي حاولوا يقنعوني ببشري وأسنان وحتى بعد ماخلصت اولى . انا ف تانيه دلوقت وحبيت أسنان فجأة وبالذات التجميل وكدا وان هو بيكسب فلوس كتير وشوية برستيچ يعني عن صيدلة بياعين وكدا .وعايز اكره اسنان علشان اقنع نفسي ان اختياري صح ومندمش ع حاجة

انا اجلت السؤال ده عشان ابقي فاضيه ارد براحتي
اولا واضح ان انت مش ناضج كفايه او مكنتش متاكد من اصرارك ده او ودني بمعني ان ناس كتير قالت لك كده ان بشري افضل فاقتنعت بكلامهم وسبت حلمك لدرجه انك فجاءه قولت صيدله بياعين!
كلمه صيدله بياعين وانت بتدرس فيها بتدل انك ودني فعلا المفروض تبقي عارف انك ممكن تشتغل في شركه وتصنع دواء ممكن انت تخترع دواء يعالج امراض مالهاش علاج! او حتي تصنع دواء عادي
انت حتي لو اشتغلت في صيدليه ممكن بعد كده يبقي عندك صيدليه او سلسه صيدليات
ده غير انك مش بياع مع انها مش عيب انت ممكن تساعد حد في وقت محتاج حقنه مثلا بتساعد انك تصرف دواء الروشته بس ومبطلعش ادوية للبلطجيه والمدمنين
الرزق بايد ربنا ممكن تبقي دكتور ومحدش يجيلك اصلا او عدد قليل ومتحققش مكسب مادي كبير
ثق ان ربنا مقدرلك رزقك من قبل ما تتولد وطبعا لازم تجتهد...
انت تعبت وصممت وحلمت بكلية ودخلتها
بلاش وسوسه واحمد ربنا ودايما ادعي ربنا يوسع رزقك
وراجع نفسك تاني لو انت ودني عشان دي صفه سيئة جدا جدا ..
ربنا يهديلك نفسك

View more

Next