بتوصل مرحلة بتعيش شعور التبلد والكسل مع كلشي وما بتحس اشي تجاه الناس والاشياء انه ما بتكره حد اكيد، بس بنفس الوقت ما بتحب حد ما بتستنى اي اشي من اي حدا او بالأحرى بطل بدك اي اشي من اي حدا اساسا .. بطل بدك تعطي اشي لأي حد وبطل بدك تاخد اشي من أي حد بطل الك نفس لاشي وبطل فارق معك اشي ولا فارق معك حدا ولا عازز عليك اشخاص ولا مواقف ولا ذكريات ولا ضحكات زمان المنيح أخو العاطل والعاطل أخو المنيح بطلت تستنى اشي وبطلت تتوقع اشي وبطلت بدك اشي وبطل عندك احساس بالحرارة والدفى تجاه اشي او حدا ما عندك أمل باشي ولا بحدا ولا حتى بحالك، ما عندك طموح باشي ما عندك أحلام باشي ما في اشي عاجبك ولا في حدا عاجبك ولا مستني انك تعجب حدا بصيروا هال٧ مليار نسمة ما بشكلولك أي فرق ولا بعنولك اشي ولا بحركوا فيك ساكن ورأيهم فيك بالنسبه الك يساوي صفر وابدا ما بهمك كيف بشوفوك ولا كيف بفكروا فيك، وجودهم وعدمه واحد وما في انسان واحد منهم على وجه الأرض فارق معك أو بعنيلك اشي مرحلة أنانية ولامبالاة عنيفة تجاه الأشخاص والجمادات والأمور الحياتيه بلا استثناء كله متل بعضه كله محصل بعضه كلها أوجه مُختلفة لنفس العُملة بتوصل مرحلة نومة محارب أو غيبوبة محارب سميها ايش بدك المهم ما تسميها استراحة محارب، لانك تجاوزت الفترة اللي بتطلب فيها استراحة، وضعك صار بتطلب اشي اكبر من الاستراحة .. اشي اطول يعني ببساطه انطفيت وتجردت من كافة أحاسيسك ومشاعرك الايجابيه والسلبيه مع كلشي ومع الكل وحرفيا بطل فارق معك اشي ولا فارق معك حدا ولا حتى انت نفسك وكيف ما اجت تيجي ?
" للذين جعلوك تشعر بأنك لست كافيًا ومهمًّا لهم كما تعتقد، ذا قلبٍ يسهُل كسره بكلمة وتجميعه بكلمتين، للذين لم يأخذوا هشاشتك على محمل الجد، ولم يُقدّروا خوفك من الأذيّة بالصورة التي ترغب بها، للذين يشعرونك بألمٍ في يسار صدرك، معدتك، روحك، أسفل رأسك، للذين يخلعون قلبك بسهولة من دون أن يلحظوا ذلك حتّى ..لكل الذين أحببتهم أكثر وأحبوك أقل مما تستحق، لأجل هذا كله تخلَّ، تخلَّ، أنت لست ملزم بتحمّل كل هذا الألم "???