عالم الويب واسع جدا وبأحط تغريدة عن الأقسام اللي أعرفها وممكن تتعمقين في أي قسم وتتخصصين فيه أو تاخذين من كل قسم لغة إذا تحبين التنوع وتبين تكونين full stack we developer. الموضوع جدا ممتع يكفي أن مخك يشتغل وفيه تحدي كل يوم. يناسب اللي مايحبون الروتين لأن التقنية تتغير وتتجدد كل يوم واللي رائج اليوم مايحافظ على مكانته بعد سنتين. وبنفس الوقت في ضريبة أنك تكونين مستعدة للتعلم دائما وأبدا لنفس السبب اللي ذكرته.
ممكن شخص يجيب لي السعادة بشخصيته أو منظوره للأشياء. لكن هذا جزء من منظومة متكاملة يعني إذا ماكنت سعيد ومتصالح مع ذاتك مع حياتك ماراح يضيف لك الشيء الكثير وأصلا مو عدل أنك تعلق كل سعادتك عليه لأنه بشر والبشر متغيرون.