Ask @MariamMostafa225:

ما هي المقولة المفضلة لديك؟

أنا محتاجه الوقتي أسمع " غدا تأتي الغيمة وتبلل القلب المعطوب"
غدا إمتى؟ ..مش مهم لكن لولا الإحتمالية دي ماكنتش هبتلع اليوم
مع إني أعلم إن الوضع الأمثل هو الخفة..التخفف من غدا و من الأمس. . الطفو زاهدا فيما سيأتي ناسيا ماقد مضى.

View more

منشن شخص واهديه أغنية🎶🎶🎶😊

مريم صديقة البرنامج بترسل " ع جبين الليل" ل عزار حبيب للنجمة المضيئة في السماء والوردة اللي على وشك الإزدهار وحتى الوردة اللي ذبلت في الصيف وبتقولها " إنما لابأس" ولا تنسى طبعا القمر المُكتمل هذي الأيام ..وأصدقاء البرنامج لو حابين يسمعو :D

View more

+2 answers Read more

لو انا في امتياز ومش حابه حاجه معينه في التخصصات كلها دا طبيعي؟ كنت حابه اكون حابه حاجه بحيث أنه اتدرب كتير فيها في الفتره دي بس حاسه اني تايهه اوي و مبستفدش اي حاجه

أهلا بأصدقاء الكفاح :))
في واحد من مؤتمرات emtar بتاعت المعادلة الأمريكية طلع واحد لسه مخلص step 1 وقال إنه الموضوع كله بدأ معاه من إعدادي لما فكر انه عايز يكون دكتور ..دكتور في أمريكا ودخل على جوجل كتب السؤال ده " كيف تكون دكتور في أمريكا " ومن ساعتها وهو بيسعى وراء الهدف ده ..وقتها كنت في لسه في السنوات الأولى من الكلية والكلام كان له وقع التنمية البشرية فعلا ..لكن تحسي إن في حاجه غلط برضو! يعني من إعدادي لثانوي لطول مدة الكلية مافيش حاجه اتغيرت في نظرته للأمور وفي تحديد وجهته وتقييمه لنفسه ..مافيش أي توهان أو حيرة في النص! ..مولود من أجل اليوزمل يعني!
أنا طبعا لا أستبعد إحتمالية ان الواحد يكون عنده اهداف طويلة الأمد وواضحة لكن اللي عايزه أقوله إن مش ده الأصل .. الأصل هو الإستكشاف ومحاولة التعامل مع كمية الأمور المجهولة في الحياة، وأول المجهولات دي هي الذات الانسانيه وقدراتها ومصيرها وماخُلقت له. أنا متأكدة يقينا إن طريقة إجابة الإنسان وتعامله مع الأسئلة دي بيحدد طريقه أكثر من أي شئ آخر ويبدو إن أفضل موقف يمكن اتخاذه من المجهول هو الصبر و القيام بالواجبات و التحلي بروح مُستكشف.
يعني في وضعنا كإمتياز أعتقد الواجب هنا هو إنك تعرفي ايه الحالات الcritical اللي لازم تتنقل الطوارئ حالا وتميزيها عن الحالات اللي ممكن تستنى عادي .. سمعت مؤخرا حديث " من تطّبَبَ ولم يُعلم منه طب فأصاب نفساً فما دونها فهو ضامن" بمعنى من يدعي الطب دون علم فيتسبب في أذى لنفس أخرى فهو ظالم و مستحق للعقوبة.
فكرة التركيز في تخصص واحد- بفرض إنك حددتيه ولقيت حد يعلمك- هتحرمك من محاولة استكشاف باقي التخصصات اللي ممكن جدا تبقى أنسب ليكِ، لكن مثلا حاولي تطلعي بإجابات على الأسئلة الواسعه زي هل انتي باطنه ولا جراحة؟ ويُقال انك ممكن تحددي تلات اربع تخصصات تنزليهم اكتر من غيرهم وتحددي هل هم مناسبين ليكي ولا لا.. في كل الأحوال عايزه أقولك إن ده قرار صعب وكتير بتحصل إن حد يتنقل بين نيابات في كذا تخصص قبل ما يثبت في واحد منهم. فاسألي الله العون والتوفيق قبل كل شئ.
أنا بس بنقلك نصائح سمعتها إلى جانب الفكرة الأساسية: تقبل المجهول هو تقبل فكرة الحياة نفسها :)) وانت مش لوحدك يا فواز :D
الفيديو ده مجمع كذا سنيور في كذا تخصص بيتكلمه عنه .. ابقي بصي عليه: https://youtu.be/RZBR6FmVNbY

View more

صح صباحك وصحيح 👍

يوم العيد شوفت الصورة دي على حساب من السعودية في تويتر ومكتوب جمبها " كشخة العيد" .. الحقيقة الصورة جميلة جدا ومش قادرة أحدد هل الحناء هي اللي عجباني أكتر ولا العيدية وأجواء العيد الموجودة ولا كلمة كشخة اللي مش عارفه معناها :D
مسائك جميل زي جمال الصورة دي :))

View more

+2 answers in: “وقعك خفيف وانسيابي.. وجميل! 💖”

وقعك خفيف وانسيابي.. وجميل! 💖

سارة طارق
أنا اللي ممتنة على لُطفك يا سارة بأمانة..
تخيلي في العالم المتسارع والتنافسي ده، في حد جميل زيك بيعدي يقرأ اجابات كُتبت على عجل وبدون تنسيق وترتيب..تخيلي ولا يكتفي بقرأتها بس لكن يقول كلام جميل و صادق زي " وقعك جميل وانسيابي" بدون سابق معرفة أو توقع شئ في المقابل، فتصلني في فترة قلقة مُتعبة من أيامي ..دي أمور لا تحدث كل يوم :))
شكرا يا سارة 🌸

View more

+2 answers Read more

؛

أكتب إليك دائما.. في الصباحات الهادئة، مع صوت العصفور الذي يأكل من ورداتي خلسة، حتى عندما تلسعني شمس أغسطس ودموع الرجل الحزين وصراخ البائعين ..حتى حينها لا أنسى أن أكتب إليك عن العالم وعني وعن دموع الرجل الحزين.
اليوم فكرت أني أُسرف على نفسي في التطلُع وأني " مكتوب عليا أبص لفوق" وقلت أني لو تعلمت أن أتوقف عن خلق عوالم أخرى في رأسي سأصبح بخير، ربما حينها سأستريح وأطفو كريشة على سطح بحيرة..وهذه ليست المرة الأولى طبعا التي أعقد فيها اتفاقات مشابهه مع نفسي..
أكتب كثيراً ..في رأسي، في صفحة الماء وصفحة الريح حتى، لذلك ستجد حروفي على الدوام في الجوار، على كل شئ ماعدا الأوراق. .
لكن ربما- و لأنك ماحدا وضايع بهالمدى .. ربما لذلك لا تصل كتابتي أبدا.

View more

هل الحب يجعلنا ضعفاء ؟

المرض يجعلنا ضعفاء
الحاجة وقلة الحيلة تجعلنا الضعفاء
الدولة الحديثة بمؤساستها المعقدة تصر على أن تشعرنا بالضعف والضآلة أمامها..
لكن المحبة! يُفترض أن تكون الركن الذي نلتجئ إليه والعصا التي نتوكأ عليها في المرض والحاجة وقلة الحيلة ..
المحبة هي المكان الذي لا تمتد إليه سلطة الدولة مهما حاولت ..لو شوفت نظرة السيدة العجوز اليوم لزوجها الذي بلغه من الشيب ما بلغه حتى تجمدت ملامحه وتشوهت بحيث إن الناظر يخطف لحظة قصيرة ويبتعد عنه ..لكن هي كانت تمسك يده جدا ..هي كانت تحدق فيه بحنان كأنه أوسم الرجال، ولم يكن المرض ولا الضعف قادر على إفساد هذه اللحظة ..أقسم لك.
فإذا كان ما تعتبره محبة يجعلك أضعف ..فاعتقد إنك تخلط بين المُسميات ليس إلا.

View more

Morning

مساء الخير :))
هذا أحد المساءات التي أدركت فيها - متأخرة على مايبدو- إن الوضع خارج نطاق سيطرتي ..خارج خالص يعني، لذلك أسترخي فيها مستمتعة بوضعي كشخص مُستسلم وهادئ ..ويشرب خلاصة أعشاب البابونج/ أو الكاموميل لبعث مزيد من الهدوء.. ولله الحمد على كل حال :))

View more

Next