@MariamMostafa225

Mariam

Ask me anything Follow
Ask @MariamMostafa225

Sort by:

LatestTop

Previous

العزيمة ، الادرادة من اين ؟

من الإحتياج، عشان الإنسان يحقق حاجة لازم يحطها في خانة إحتياجاته الأساسية زي الأكل والهوا، لأن تحقيق إنجاز - أي إنجاز- بيتطلب صبر ونفس طويل ولو مش حاطط الحاجة دي في خانة إحتياجاتي الأساسية هستسلم للتعب والملل ..وماحدش بياكلها بالساهل يعني =D
2
Liked by: Sama Wagdy

و الله يا مريم مش معايا فلوس حاليا :(( اول ما احوش و انزل المنصورة هجيب ريحان و فل .. انت ايه رايك ؟! :))

يبدو ان في حالة كساد إقتصادي مُكتسحة كل أطياف المجتمع =D الفل بيحتاج صبر طويل لان إنتاجه ضعيف، بس ورده جميل ويستحق الصبر يعني .
1

Related users

fatmawefa’s Profile Photo Fatma
oooofma2olnanoone’s Profile Photo ayasghost
fnky7602314’s Profile Photo Amoool..
mariammostafa1881994973’s Profile Photo Mar1aM
ProffMuhammad’s Profile Photo Muhammad Mamdouh
sarahtareqsaleh’s Profile Photo سارة طارق
amrrhadhoud’s Profile Photo AMr R. AbdAllah
sagln25asd’s Profile Photo Asma
AhmedGamalMohamed352’s Profile Photo أَحْمَد جمال
esmoha99’s Profile Photo Esraa
Qwxu9’s Profile Photo Regina Falange :3
samarnasr432’s Profile Photo Samar Nasr-Eldin
b0_o’s Profile Photo ب
doaaMoaMed’s Profile Photo دعا
lycorgos’s Profile Photo مُصْطَفَىٰ

ان شاء الله 😉 بس ممكن تقوليلي الكشك دا فين او جمبه ايه او اسمه؟ 😅 مشتل كليه زراعه دا ف الكليه نفسها؟

لو بدأت الشارع من نحية المستشفى هلاقيه بعدها بشوية على الرصيف المقابل للمستشفى، مشتل زراعة مش في كلية زراعة هو موجود لوحده كدا كأنك دخلتي من بوابة البارون وتمشي طوالي لحد الآخر هتلاقيه جنينه منفصله لها بوابة ، أنا لا أجيد وصف الأماكن معلش :)

انصحيني بكتاب اقرأه :D

ازيك يا أمل، وحشتيني =D
اقرأي كتيب ( أفراح الروح ) صغير بس جميل جدا وبحب أعيد قراءته كل فترة ..ممكن تقرأي ل أيمن العتوم أي رواية، في الحقيقة كل كتابته كويسه .. وكتب نجيب الكيلاني برضو بالذات الرايات السوداء وليالي تركستان
1

سؤال : هو ايه الفايدة اما كل واحدة تكون عايزة تقلع الحجاب تعد تقول وتعمل بوست طويل عريض وتدافع عن الحرية وكلام كبير كده هو معنى ان اهلها معقدنها تبقى مشهورة عصرها وزمانها !! وايه بقى تحسسك انها هتعمل المستحيل انا لا بقلل منها ولا قصدى حاجه وان ممكن ربنا يبتلينى بحاجة زى كده بس حرفيا مش الموضوع اوفر

في مصر تبدو كل الأشياء مبالغ فيها، اللي بتقلع الحجاب مبالغ فيها واللي بيردو عليها مبالغ فيهم بردو ..بنهتم بالتفاهات أوفر ونسيب المهم بشكل أوفر برضو، المنطق نفسه بيبقى مش منطقي عندنا، ف ريلاكس وابتسمي، أنتِ في مصر

مضى ثلث الإجازة تقريباً ، ماذا أنجزت حتى الآن ؟

وماذا يستفيد السائل من معرفة ما يفعل الناس بأوقاتهم وحياتهم !!

مريم عندك اي زرع او زهور ف البيت؟ لو اه عندك ايه 😃؟ ف محلات ف المنصورة اقدر اجيب منها بذور او شتلات؟ فضلا يعني 😅

صباح الخير:) اه عندي نباتات وبيضيفو لي إحساس رائع بالأنس، عندي فل وصبار وجارونيا ونعناع وقريبا بقى فيه الست المستحية =D في أماكن كتير بتبيعهم، أنا بحب أجيب من كشك كدا في شارع المستشفى العام..في اخر الشارع، ممكن تجيبي من مشتل كلية زراعة برضو أو أي مشتل غالبا بيبقو كويسين يعني، ابقي قوليلي جبتي ايه :)

كيف نسامح ؟

سامح ولا تستوف حقك كله ..فلم يستوفِ قط كريم
عشان نسامح محتاجين نفس رائقه كريمة :) ..حينها يكون التسامح خلق متوافق مع طبيعة النفس مش محتاج تكلف أو جهد .. فالأولى أن نسأل " كيف نحمل نفوس رائقة " ..وده سؤال كبير، بس ممكن الفكرة في تأديب النفس وحملها على فعال الطيبين ..حملها وتكلفها في الأول حتى تصبح من سجايا النفس
7
Liked by: و رَوح ~ Doaa Ezzat Amr Emad Sedra A.AlRahman إسراء منير Eman Saad

صباح الخير :))، هنفطر مع رضوى امتى يا مريم؟

صباح الأنوار :) كنت بفكر في الموضوع ده اليوم والله، أنا عندي امتحان اللإثنين وعملي الجمعة اللي بعده، أي يوم بعد تلك الجمعة هيبقى كويس يعني :)
1
Liked by: Amr Emad

حدثونى عن الله إذ يعلمكم ويصنعكم على عينه ... حدثونى عن مرة من هذه المرات ...

تلك المرات أكثر من أن تُعد لِسعة كرمه سبحانه ولتكرار الزلل منا .. أخاف أن أذكرها فتفقد بذلك مالها في نفسي من عظيم الأثر إذ أن بعض التفاصيل إذا ما تحدثنا عنها فقدت معناها وجُل ما يبغي الإنسان من هذه الحياة هي المعاني ..وفي مجال ما بين العبد وربه لن يعرف المعنى إلا ذاك الذي عايش ألم الضيق وما بعده من إطمئنان السعة، وفي كل مرة تتكرر الحكاية ثانية، نتعامل مع النور كالفراشات تقترب منه أملا في الوصول حتى إذا لقيت بعضًا من بعضه ظنت - لضآلة جسدهاوقلة معرفتها - أنها لقيت النور بكامله فتحمل بعض البعض هذا وتستضئ به ماتبقى من طريق ..مرة أخرى ينفذ منها النور في الطريق، لضعف الفراشة لا ضعف النور، ثم تعاود الكرة وتبحث فتلقى بعض البعض ثم ... لا الطريق انتهى ولا النور توقف عن مصاحبة الفراشة .
6
Liked by: Amr Emad Alaa Eraky إيمان عادل Mohamed Maher⚖ آية إبراهيم.

اللهم صل علي سيدنا محمدٍ وآله وارزقنا بالصلاة عليه لذة وصاله ^_^

وارزقنا بالصلاة عليه لذة وصاله ..يالجمال تلك الكلمات :)
1
Liked by: Amr Emad

ما الحكاية التي مرت بك اليوم يا مريم؟

RadwaMahmoud415’s Profile PhotoRadwa
مررت بحكاية (عائد إلى حيفا ) ل غسان كنفاني ، فيه إقتباس ل كافكا بيقول إن الإنسان لازم يقرأ الكتب التي تحدث في نفسه ما يشبه الصدمة أو الزلزال، ممكن ده أفضل وصف لكتابة غسان.. بيعرض قضية بصورة مكثفة وواضحة رغم استخدام الرمز وبأسلوب سهل ممتنع بحيث التعبيرات الأدبية متسقة تماما مع النص بدون أي تكلف، القصة باختصار بتتكلم عن زوجين من حيفا اضطروا للخروج منها سنة 1948 لكن تركوا خلفهم طفلهم الرضيع (خلدون)!! كل الأحداث بتدور في لحظة عودتهم لحيفا بعد فتح الحدود بعد عشرين سنة .. لكن بالطبع لم تعد حيفا كما تركوها ولم يعد بيتهم كما تركوه لأنه أصبح بيت لمستوطنين يهود، بتعبير غسان ( أنا أعرف هذه الشوارع والجدران لكنها تنكرني ..)،
بالمناسبة يا رضوى .. غسان كنفاني له دراسات نقدية لأدب القصة القصيرة وكان لا يتوانى عن ذكر اسم الكاتب حتى لو هو بطل وطني، بس في رأيي هم لم يعرفوا شيئا عن الأدب الردئ اللي موجود الوقتي في أبهى صوره :D

View more

3
Liked by: Amr Emad Radwa

كاتب الكتاب اسمه موجود بأول صفحة لكن بخط صغير وهو : م. أحمد سمير 😊

شوفت الصفحة على جود ريدز :)
1
Liked by: Amr Emad

"لا ترغب فيمن زهد فيك"، امتي تعرف إن اللي قدامك زهد فيك؟

أعتقد لما تبدأ تطرح على نفسك مثل هذه التساؤلات بتبقى علاقتك باللي قدامك على شفا الزوال ..لكن أنا مش بفضل إتخاذ قرارات حاسمة في العلاقة بالناس ..يعني حافظي على قدر متوسط من المودة دون اقتراب حد الرتابة أو ابتعاد حد التقاطع، وأحسني الظن :)
5
Liked by: Amr Emad Hagar Eman Saad آية إبراهيم.

من السندباد الذي تقصدينه و ما معني انكم التقيتم ؟

You are too serious =D
أقصد أقول إن الدكتورة اللي بتشرح في السكشن بتاعي ..اللي كنت بسيبه أو بمشي في نصه ..دخلتلها شفوي وكان شئ محرج شوية، سندباد ده مجرد تشبيه بليغ =D
5
Liked by: Hagar Ñnna Dãã M.OSama Amr Emad

Next

Language: English

4.1

1,266,418 reviews
© Ask.fm 2024