@MayadaAdel527

Mayada El-shaby

Ask @MayadaAdel527

Sort by:

LatestTop

Previous

انا حاولت اوصلك الصح جبتلك ايات من القران علي كلامي يعني انا مبجبش كلام من عندي وده الصح واللي انتي عايزاه اعمليه وربنا معاكي ويحميكي

ميرسيه أوى على النصيحة <3
يارب ^_^

Related users

في فرق طبعا انتي مينفعش تهزري مع حد او تختلطي وانتي قلتي مش مجبره اما مع عائلتك ماشي مادول عائلتك يعني اهلك وانتي عارفاهم كويس في فرق بين اللي بتقولي عليه خالص بين انك تهزري بره او تهزري مع عائلتك

أنتى قولتيها أهلى وأنا عارفاهم
أنا بردو مش هتكلم مع ولد إلا إذا كنت عرفاه كويس أوى
و

اه حرام انتي مجبره انك تهزري وتضحكي مع الرجاله يعني انتي مش مجبره انك تضحكي وتهزري معاهم

لأ طبعا مش مجبرة بس كلمينى بالعقل بقى فيها إيه إن شوية ناس قاعدين مع بعض بيتكلموا وبيهزروا بكل إحترام بردو وقدام كل الناس وعايزه رد يقنع عقلى
مع إنى أقدر أقولك إننا لما بنتجمع ف العيله وولاد عمى ولاد عمتى بيبقوا موجودين كلنا بنقعد نهزر ونصحك وأهالينا قبلينا عمر ما حد قالنا دا غلط

انتى فعلا فاهمة غلط خالص لان الصداقة بين الولد والبنت بتختلف تماما عن لما تتكلمى بحدود وللضرورة بس مش تروحى تهزرى وف الاخر تقولى بتكلم باحترام وبحدود احنا مش هنضحك على بعض

هسألك سؤال أنا مثلا لو مدرسة فى مدرسة وقاعدة مع زمايل ليه ستات ورجاله وبنتكلم عادى فى أمور الحياة وبنهزر ونضحك دا عيب وحرام?!

الصح اللي ميتاثرش اللي بحواليه ويحافظ علي نفسه وميعملش غلط وعندك ايات في القران مفيش صداقه برضه بين ولد وبنت حاولت افهمك ده وانا بعتذر اني دخلت حاولت اوصلك الصح بس مش اكتر .

ميرسيه أوى على محاولاتك معايه وبحترم رأيك ومش مقتنعة بيه بردو .:D
وحاجة أخيرة بس أنا على فكرة معنديش ولاد على الفيس غير قرايبى وماليش ولاد صحاب ف الكلية مش علشان حرام ولا عيب بس علشان أنا اللى ف حياتى مكفينى
ومقتنعة بردو إن الصداقة بين البنت والولد مش حرام وهفضل أعمل اللى أنا مقتنعة بيه ومش هسلم دماغى لحد
#أنا شيخ نفسى :)

انا لا بحلل ولا بحرم حاجه ماشي وانتي فعلا انك والله مابتفهمي ومفهمتيش حاجه برضه من كلامي انا الحمد لله عندي مبدا ومقتنعه انتي صح عندك مبدا بس مبداك غلط وكله غلط انتي مفكره انك تتعاملي مع ولد علي فيس عندك اخوات عادي وانك بتعامليه باحترام ومتعديش حدودك يبقي صح لا غلط كله غلط اصلا الزمن كله غلط الصح

أنا فعلا مش بفهم لو بفهم مش هقعد أتكلم مع واحدة بدماغك دى كل ده :D
وبردو أنا عندى مبدأ وصريحة مع نفسى حتى لو غلط أحسن ما أكون زيك مقتنعة بحاجة ولما أضطر أغيره أغيره (y)

ضرورات تبيح المحذورات ازاي انتي فاهمه الاختلاط غلط وانا عندي مبدا والحمد لله بس انتي ليه بتغيري كل شويه اجابتك ؟ الضروره انك في الشغل مثلا في اختلاط ماش معاكي حق بس مش اي اختلاط في العمل وبس بس خارج العمل لا طبعا وانا بقولك صح في الكليه مختلطه ولاد وبنات بس انتي في حالك والولد في حاله عايزه تختلطي

أختلاط العمل ده اسمه أختلاط وفى دينا حرام بما إنك بقى بتتكلمى ف الحلال والحرام فبلاش تفتى وتحللى وتحرمى على مزاجك
وأنا عند رأيى أنا طالما بتعامل مع الإنسان ال قدامى أيا كان جنسه باحترام فأنا لا بعمل حاجة حرام ولاغلط

لو مكانك ماشي هتضطر لده بس في حدود اللي طالباه الدكتور ه وبس مش اكتر كلامي محدود وبس معاه في المشروع وبس وهيكون في حدود وبعد ما يخلص المشروع انتي هتكون في حالك وهما في حالهم بس

أنا بقى لو مكانك ورأيى زيك كدا أنا مش هضطر اشتغل ف المشروع وطظ ف اعمال السنة ال هتخلينى أعمل حاجة ضد مبادئى
أنا قولتلك خلى عندك مبدأ ومتغيرهوش ;)

هو عشان انتي في كليه او هتشتغلي يبقي لازم تختلطي مع ولاد او تعملي صداقه لو انتي مش عايزه تختلطي مش هتختلطي اما الشغل فده بيكون اضراري سوال وهو يرد عليكي بس مش اكتر زي ما تروحي تشتري حاجه بالظبط

أنتى بتفكرى إزاى!!
سؤال إيه ورد إيه أدخلى أى مدرسه كده وشوفى المدرسين بيتعاملوا مع بعض إزاى ولا الدكاترة فى المستشفى وعلى فكرة كلهم ناس متجوزة ومحترمة وادخلى عليهم هتلاقيهم بيهزروا وبيتكلموا مع بعض بكل إحترام

اختلاط ازاي يعني ماانتي في حالك وهو في حاله الاختلاط بيكون انك تتكلمي مع الطرف التاني تاخدي منه حاجه تتعاملي زي الصداقه اللي بتقولي عليها هو ده الاختلاط وليه تختلطي اصلا انتي داخله تتعلمي في الكليه انتي في حالك وبس عايزه تختلطي ماشي مع البنات بس وانتي لو مش عايزه تختلطي مش هتختلطي

والله !!
مين ضحك عليكى وقالك كدا
أنا عن نفسى إتكلفت ف مشروع ف مادة عليه أعمال السنة كلها والدكتور قسمتنا جروبات بنات وولاد وأنا مضطرة أتعامل مع الكل علشان نطلع حاجة تعجب الدكتور إيه رأيك بقى لو مكانى هتعملى إيه ?!

وده شئ ضروري بس عشان الشغل اما الاختلاط في الكليات فمش الكل بيختلط في بيختلط وفي لا خالص انا حبيت اقولك ان برضه مفيش صداقه خالص بين ولد وبنت وفيكي تتاكدي وتبحثي وتسالي ومتقوليش انك بتعرفي حدودك لما بتتكلمي مع الطرف التاني لان الكلام في حد ذاته مع ولد غلط خالص حافظي علي نفسك وبلاش تتحاسبي علي حاجه

شئ ضرورى !! دا عملا بمبدأ الضرورات تبيح المحذورات
بصى أنا أكتر حاجة بكرهها فى حياتى الناس ال معندهاش مبدأ خلى عندك مبدأ سواء كان صح أو غلط
وبما إنك شايفة إن الكلام بين البنت والولد غلط ف حد ذاته حتى لو باحترام قوليلى غلط ف إيه وخليكى محددة يمكن تقنعينى

اولا انا دخلت الاسك لقيت اجابتك فدخلت علي صفحتك وقلتلك كده انا معرفكيش بس حبيت اقولك ان مفيش حاجه اسمها صداقه بين ولد وبنت اما انتي بتقولي عن الاختلاط في الكليات صحيح الكليات ولاد وبنات بس ايه دخل الصداقه بين الولد والبنت في موضوع الاختلاط او الشغل صحيح بيبقي في اختلاط بس في حدود الشغل يعني وده شئ

واضح إنك مش عارفة إن الإختلاط ف دينا حرام فنصيحة أنتى لو شايفة الصداقة بين بنت وولد حرام فمتشتغليش ولا تدخلى كلية علشان حرام
سؤال بس إيه ال عندى خلاكى تسألى بالأخص ف موضوع الصداقة ده

وبعتذر اذا ضايقتك او دخلت لانه مش حقي بس حبيت انصحك والله بس واسفه مره تانيه بس ياريت تفهمي ان مفيش صداقه بين ولد وبنت

أول حاجة بس متتأسفيش بدل معملتيش حاجة غلط
أنا مش مضايقة ولا زعلانة والله وقولتلك دا رأيك وأنا بحترمه
موضوع إن أنا أفهم بقى إن مفيش صداقة بين بنت وولد دى سورى أنا عندى عقل وأعرف أوزن الأمور كويس وأعرف الصح من الغلط
لو ممكن بقى تعرفينى أنتى مين واشمعنا أنا قررتى تنصحينى

مفيش حاجه اسمها صداقه بين ولد وبنت لا دينا واسلامنا مفيهوش كده واللي بيحصل في الزمن ده كله غلط في غلط وحرام مابلاش تغضبي ربنا في حاجه لانه مفيش كده اصلا والله ممكن تسالي في الموضوع ده اسالي باباكي ابحثي في الموضوع ده وانتي تعرفي ان مفيش صداقه بين ولد وبنت خالص ياريت تبعدي من ده متتضايقيش من كلامي

بصى لو هتتكلمى ف الدين والحلال والحرام فاتكلمى عن كل حاجة غلط بنعملها ف حياتنا
اتكلمى عن إن حرام الكليات المختلطة ال إحنا بندخلها وعن حرمانية إختلاط أمهاتنا ف شغلهم برجاله متمسكوش فى حاجة تافهة وتسيبوا كبائر الأمور
أخيرا أنا عارفه إن مش بعمل حاجة غلط ولاحرام الحمدلله وعارفة حدود نفسى وبعرف أحط لل قدامى أول وآخر
ومش مضايقة من كلامك بالعكس والله مبسوطه جدا ودا رأيك وأنا بحت

Next

Language: English