لا .. لو ناس بتحبك من قلبها عمرها ما هتشوفك بصورة مش حقيقيه طالما حد اساء الظن بينا للدرجه اللى تحطنا فى موقف دفاع عن نفسنا يبقى هما كارهيننا من الاول و اكيد ميستاهلوش طاقتنا اللى هتروح فى التبرير ده
اكتر حاجه مشهوره بيها بين صحابك..
زنانة 😁😂
اسرارك مع مين في عيلتك
ماما و اختى
لو بنحب حد بس في نفس الوقت في اختلافات كتير بينا والموضوع متعب ومرهق هل الأولي أننا نمشي من العلاقة دي ولا نستمر يمكن الحب اللي بينا يخلينا نعدي اي حاجه ؟!
هو العادى اننا مش كربونه من بعض و عادى يبقى كل واحد عنده دماغ مختلفه فتقعدو تبذلو مجهود فى تقريب وجهات النظر و محاولات احتواء مواطن خوف كل طرف لحد ما توصلو لنقطه الامان .. لكن لو الاختلاف ده بيتقابل بجدالات و انتقاد و بقا فى تحفز ضد بعض كاننا اعداء يبقى بلاش و نعيش فى سلام
اخترت حاجه قبل كده وطلعت غلط؟
كل اختياراتى الحمد لله 😂✌️💔
هي البنت بتتخطب عشان شكلها ولا كليتها ولا اسمها ولا دينها *الظاهري* بدون مثالية
نظريا الاختيار بيبقى على اساسهم كلهم عمليا بقا بتتخطب عشان ده نصيبها 😁
ف العلاقات بتفضل الراحه ولا الحب .؟! يعني لو قدامك الاتنين تختار اي .؟
الراحة طبعا لو فى راحة هتجيب معاها حب بالتدريج لو فى حب و مفيش راحه هيقلب كره بالتدريج بردو
على حسب ظروفها هى و هتقدر توازن بينهم ولا لا .. لو قدرت توازن ما بين شغلها و بيتها و خلت البيت هو الاولويه يبقى مع فكره الشغل جدا .. لو البيت هيبوظ و الشغل هيجى عليه يبقى بلاها
لما بتتعصب بيبان عليك .! ولا بتعرف تتحكم ف نفسك ومايبنش ..
انا بارده لدرجه كبيره و بعرف اكنترول ردود افعالى ..بس لو وصلت لليفل استفزاز عالى الكنترول بيبوظ
لو شخص بيتعمد دايما يستفزني علشان اتعصب وعلشان يقلل ثقتي في نفسي.. اتعامل معاه ازاي ؟
اه فى شخصيات بتتعمد تفضل تستفز و تضغط عليكى لحد ما توصلى اعلى ليفل من التنشنه و بيبقى الغرض ان يتقال بصو اسلوبها وحش ازاى 😂 طالما انتى وصلتى للنقطه دى و فهمتى الهدف يبقى افصلى خالص من الاستفزاز و اتعاملى ببرود تام و تجنبى التعامل غير عالقد جدا و كل ما تبداى تتعصبى افتكرى ان ده هدفهم فهدى نفسك عشان برودك هو الرد الوحيد اللى هيستفزهم