Ask @MeMoReloaded:

سؤالي يا احبابي لو البني ادم مندفع او اسلوبه بيضايق المقربين ليه ازاي يقدر يغير ده ويتحكم ف ردة فعله اكتر حابة اسمع اراء الكل ويا ريت تجاوبوا ع السؤال وشكرا مقدما ♥️

⭐Tasnim ⭐
المقربين لية عامل اساسى فى انه يتغير لو بيحبوه بجد
هو طبيعته مندفع
لو انا بحب شخص
اكيد هبقى عارف عنه وعن شخصيته ونفسيتة كل شيئ وهقدر اساعده او اوجهه انه يتغير
سواء تغيير أفعال او تغيير تفكير او اسلوب
ولو المقربين منى بيحبونى اكيد هيقدروا دة فعلا و يتجنبوا التصرفات او الضغوط اللى ممكن تخلينى مندفع ويساعدونى ع الهدوء والتفكير
الموضوع دة مش معتمد ع الشخص نفسة
معتمد ع البيئة المحيطة اللى حواليه

View more

🦋||•••SPACE •••||🦋

‌ℳℰℕℕᎯℋℰℳⅅᎯℕ
عفوآ لقد نفذ رصيدكم
زمان كنت بستغرب من نهايات بعض العلاقات ..
ازاي فيه أزواج ينفصلوا بعد 15 سنة أو اكتر وأقول ليه انفصلوا بعد المده الطويلة دى. ليه؟؟؟؟
ومثلا أصدقاء العمر اللي بيقاطعوا بعض ومفيش حد بيقدر يقنعهم يرجعوا علاقتهم مع بعض أبداً...
لحد ما وصلت لحقيقة أنه في كل العلاقات في حاجه اسمها " رصيد "
علاقاتنا بالناس مرهونة برصيد بيتحدد حسب المَعزّة للشخص عندنا وكل ما التعامل كان بحب واهتمام كل لما الرصيد بيزيد
وكل ما التعامل كان فيه تهاون الرصيد بيقل.
ومع إحساس البعض انه احنا بنحبهم بيتمادوا بالتصرفات الغير لائقه وأسلوب فيه عدم استعناء
ومش بيعرفوا إنهم بيسحبوا من رصيد العشم والمحبة اللي ليهم عندنا...
وبيعتقدوا انه رصيد التسامح ال عندنا ده ممتد بلا نهاية وطبعا العلاقة بتستمر لحد ما صاحب صبر أيوب ده صبره يخلص
ولما الرصيد يوصل صفر بنكون فقدنا قدرتنا على التحمل
بعدها قرار قطع العلاقة بيكون قرار قادرين على اتخاذه بكل ثقة وتأكد وبدون تراجع .
حافظوا على علاقاتكم وعلى الناس اللي بتسامح كتير
المدة الزمنية او طول العلاقة مش سبب كافي لاستمراريتها....

View more

" 🌻 "

⁦◉⁩ ايمـــ النـوام ــــي ⁦⁦◉⁩
وائل كفوري..
طلع انه كان بيضرب مراته و كان مانعها تشوف اهلها و مانعها انها تحتك بالناس أصلاً (و فيه صحفية بتقول انه كان حابسها في دور لوحدها في ڤيلتهم) ده غير انه طلع في برنامج و لمح انه خانها عادي كده و لما طلقها بقى بعد ٩ سنين بقى بيذلها هي و عيالها عشان تاخد النفقه
.....
عمرو دياب...
غني لشرين ما تخافيش انا مش ناسيكي ما تخافيش لو مين نداني مش هعيش من غير عنيكي مش هعيش مع حب تاني..
و طلقها و اتجوز عليها مرتين..
....
علي الشريف..
ممثل كان بيقدم ادوار ثانيه بس كان ممثل جبار بشهادته عادل الامام و يوسف شاهين...
عمره ما كان رومانسي عمره ما طلع قال كلام مسهوك عن مراته بس لما مات مراته قالت ان قلبه كان ذي قلب الاطفال كان بيعيط لما يشوف قطه في البرد
عمره في يوم ما زعلها ولا علا صوته عليها عمره ما كسر بخاطرها برغم انه كان قوي و دخل المعتقل اكتر من مره تهم سياسيه.. بس كان عندها و يبقي طفل صغير و كان دايما يفتخر بيها قدام الناس.
مش بالشكل ولا بالكلام الحب للرجاله بس...💪⁦❤️⁩

View more

-

Ohoud
الموضوع سهل و بسيط انت هتنزل من البيت كل يوم بليل من الساعة 12 لحد
الساعة 5 و معاك مطوة هتثبت اي حد تشوفه و هتاخد منه 3 جنيه بس.. 3 جنيه مش أكتر
الشخص اللي هيتثبت مش هيحاول يعافر معاك او يقاوم عشان 3 جنيه.. هيقول انا مش هضيع نفسي عشان 3 جنيه
ال 3 جنيه دول مش هيأثروا مع الشخص المتثبت في حاجة بس نفرض انك ثبت 80 شخص كل يوم
80 شخص في 3 جنيه في 30 يوم = 7200... 😂
فا ياريت بلاش حوار مفيش شغل و الكلام ده
الفكرة انك تشغل دماغك مش أكتر و تبص لنص الكوباية المليان.. و متنساش تاخد معاك 20 جنيه فضة عشان لو واحد من اللي هتثبتهم معهوش فكة ولا حاجة او معاة خمسه جنية تاخدها وتديلة اتنين وكدةميبقاش في احراج بردو و كده 🌚😌🤣

View more

To night 🦋♥️

Hadiir Saiid
الحاجه الوحيده اللى تخلى الناس تكمل ف شغل أو فى علاقه أو مع أشخاص هى التقدير ⁦♥️⁩
فعلياً ناس بتسيب أشغالها وتحول مسار حياتها وممكن تعمل كاريير شفت وتهج من البلد بسبب التقدير ⁦ !
ست ممكن تطلب الطلاق وتنهى حياه كامله بسبب قلةّ التقدير ..
الحياه بتبقي ماسخه وملهاش طعم ولا معنى ..
الكلمه ممكن تخلى شخص ينام ع المكتب ميروحش بيته باليومين بياكل الورق أكل ..
وكلمه تانيه تخلى شخص يقف تماما مكانه ..
لا كمان ممكن يعضّ ف الأرض عشان يلاقى بديل لشغل أو عشان ينهى علاقه ويتخلص من سمومها وضغطها وسلبيتها عليه ⁦⁩
يارب إرزقنا بناس تقدرنا وتقدّر تعبنا وتشيلنا عالراس طول العمر⁦♥️

View more

Next