يعنى انتى شايفة ان مفييش ع وجه الكون كله حد ممكن يكون كدة ووجوده ينور حياتك واحلامك اكتر ؟!
مش شايفة علي وجه الكون حد يقدر يعيش معايا أكتر من شهر و نص بدون جنون أو انتحار أو موت بالسكتة القلبية أو الدماغية أو بالشلل الرعاش
تدوبى ف كيانه فكيانك يزيد اكتر بكيانه
وجوده يلمع كيانك وكيانه يزودلك ع الكيان كيان
عم بنقول احنا ركن امان .. حاجة بتطلبى من ربنا رزقك فيها ^^
كلام رومانسي جميل جدًا لا يمت للواقع بصلة XD
لا يا منة لا
انتى فاهمة غلط حلو انك تبقى قوية دلوقت ودى نقطة مابنختلفش عليها بس متنكريش انك مش محتاجة حد يكونلك ركن امان ومش ضعف انك تتمنيها او انك تطلبيها من ربنا
مش مطلوب تستخبى ورا قوة حد غير الل هيبقى جزء من روحك ودا مش معناه انك تدوبى فكيانه فيختفى كيانك ع العكس جدا
يا آنستي أنا مش عايزة أستخبي خالص :D أنا جاية حياتي أستمتع بيها مش ألعب استغماية :D
موجودة الل برة حاجة والل جوة حاجة انا بتكلم عن احساسك الداخلى حتى بعد استعمال الشبشب XD
طبعا بعد انشكاحك انك مش ضعيفة ع الاقل مش شبه ناس كتير ف ضعفهم
نصيحة .. ماتركنيش أمانك ع اللي جاي .. خليكي قوية بنفسك عشان تقدري بعدين تكوني مصدر قوة مش نقطة ضعف .. عشان تقدري تكوني كيان مستقل مابيستخباش ورا قوة حد تاني لحد ما تحسي بإنك بتتلاشي و بتدوبي في كيان غيرك .. ساعتها هتكوني أضعف بكتير أوي .. خوفك من الوحدة هيبقي أشرس .. أشرس لدرجة إنه ممكن يظلمك كتير أوي
الل اقصده متكرهيش اللعبة .. واكرهى اللاعب
هحاول حاضر
بخاف اووى من المواقف الل بتحصل ف المواصلات والشارع والشباب الل بقى معندهمش مروؤة وزحمة القطار خاصة والحك
وقتها بتمنى ان يبقى ليا زوج يحمينى ويحسسنى بالامان ... يمكن دا اكتر حلم بتناه وهو الحلم الل باقيلى خايفة ميتحققش خايفة افضل خايفة او ان المصدر الل مستنياه يبقى ليا الامان يبقى مصدر خوف :)
و ليه ماتبقيش أنتي مصدر أمانك ؟! و أين ذهبت الشباشب يا فتاة ؟ :D استرجلي كده أمال :D
عشان الزوج الصالح بجد ركن أمان
ربما بس أنا فعليًا مش مستعدة :)) إطلاقًا يعني
يارب تتجوزى
أنا زوعلتك ف حاجة طيب عشان الدعوة دي ؟ XD ليه كده ؟! XD
نصيحة من غريب
النشاط الطلابي بيئة خصبة للاختلاط
فحاولي ترسمي حدود لنفسك لتعاملك وتعامل اللي حواليكي معاكي :D
لأنه فعلًا كده ! أي علاقة بين أي اتنين في الدنيا حتي لو مش ارتباط هتلاقي فيها قواعد تحددها و هتلاقي كل طرف بيضحي بحاجات عشان العلاقة تستمر و ده بيحط قيود ع الطرفين كل ما العلاقة كانت أقرب
وايه رايك فى الارتباط ؟؟؟او ايه الشروط الى انتى عملها للشخص ده ؟؟
الارتباط نوعًا ما ربطة و ده من اسمه يعني :D بس شر لابد منه أكيد هنلجأله في يوم يعني و مفيش شروط .. معنديش معايير واضحة .. غير إنه مسلم بكل ما تعنيه الكلمة يعني ^^ و يكون عنده من الوعي كفاية إنه يحتوي لحظات طيشي الكتيرة جدًا