@MernaMustafa514

merna mustafa

❤️ Likes
show all

Latest answers from merna mustafa

***

merna mustafa
فـ آخر اليوم و كالعاده
بفّكر فيكى بزياده
و أقلب صورى انا و انتى
ساعات بتخيّلك بيتى
ساعات بتخّيلك بنتى
و بتخيل و بتخيل
وبرجع وقتها عيل
بيكتب حرف من إسمك
فـ أول صفحه مـ الكشكول
بقلمى الجاف
بحبك بس لسه خجول
أقولهالك .. فمبقولهاش
بحس الكلمه جوايا ..
و أخبيها لإنى بخاف
و أقوم سارح ..
و انا بردان
و أحس براسى على كتفك
ينام شعرك على دراعى
فتنزل دمعتى بهدوء
و أبص لفوق ..
و أقوم داعى ..
و أقول يارب
قرّبها
متبعدهاش
ولو مش ليا فيها الخير
متوجعنيش
ولو مش ليها فيا الخير يارب بلاش
#محمد_ابراهيم

****

merna mustafa
للمره العاشره بقول مالك ..
وتقولى مفيش حاجه إطمن
وتحاولى تخبى كلام باين
من غير ما تقولى كلام يداريه
_وعياطك بيقاطع صوتى _
وانا بسأل سر سكوتك إيه
أتاريكى ف وادى و انا ف وادى
موجوعه بشكل مهوش عادى ..
من سبب انا معرفهوش لسه
ومازلت بلح إنك تقوليه !
فسألتك " طب بتعيطى ليه "
و انا عايش ليه او علشان مين
او لزمتى إيه اصلا عندك
هو انا مش قولت ف اول يوم
حبيتك فيه هفضل ساندك ؟
و إن شوفت دموعك همحسها
من قبل ما عينك تبكيها ..
إن كان فيه حاجه انا معرفهاش
لو حتى هتجرحنى إحكيها
ردت بعياط أكتر فبكيت
وبكينا لحد اما شهقنا
وف وسط دموعنا رميتلى سؤال
تفتكر الموت هيفرقنا ؟
لكن من قبل اما تجاوب
انا طول مانا عايشه هكونلك قلب
بيحبك وﻵخر نبضه
لحظتها لسانى سكت منى ..
و إتحول إحساسى لقبضه
والدنيا إضيقت حواليا
و حاولت اكدب إحساسى
علشان ميبانش إن انا موجوع
فبدأت أغير ف الموضوع
قاطعتنى وقالت ردى مهم
وإنها عندها سرطان ف الدم
وحياتها يدوب حبة أيام
تتعد على الإيد مش أكتر
وقتها حسيت انى إتشليت
م الصدمه ومعرفتش افكر
وبدأت عياط ومخلصتش
غير لما قالتلى كلام حسيت
منه انها بتقولى وصيه
فسمعت وروحى بتقطع
و إديها بتبرد ف إديا ..
ان انا منساش اللى ما بينا
و انى احصلها على الجنه
هى هتسبقنى وتستنى
ودى كانت آخر امنيه
#محمد_ابراهيم

View more

***

merna mustafa
انتى عُقدة غريبة جدّاً
لم يفسّرها القانون ..
إنتى حاجة سهلة صعبة عاقلة أقرب للجنون .. !
إنتى قادرة ازّاى تكونى
راحة تاعبة قلبى جداً ..؟
غُلب عاشق أمُّه قلبى !
معادلة جميع أطرافها موجب
والناتج كان بردو سلبى .. !
باقية لمّا الكُلّ باعنى
وبايعة وقت ما كُلّه جنبى ..
كان قرارى بحُبّك انتى
زى حسنة ..
وهوّ هوّ بردو ذنبى !

***

merna mustafa
_ انت ازيك ؟
_ كله تمام
_ مش هنشوفك يابني شوية ؟
_ انا مشغول حبة لقدام
_ طيب أخبارك ، طمنني ؟
_ بكره نكمِّل ، هادخل انام
_ رد على التليفون طب عايزك
_ صوتي محشرج ، عندي زكام
_ انت كويس ؟؟
_ يلا سلام
هذا الان وبدون زيادات
مُختصر الحاصل ع الشات
بين نُص الناس المكتئبة
ومابين النُص المبسوط
الطرِف الأول مات فعلاً ... والطرف الاخر / بيموت .

يا بت الامتحانات الاسبوع الجاى يخربيتك

ياستى غورى انتى بتيجى تصحى ضميرى الدراسي وتمشى

طب مهى المذاكرة سهله اهى

ياستى حلى عنى ام النص دا مش اهمه فيه حاجة دا بينه اغريقي دا ولا ايه

Language: English