@MhsFatmaElgedawy387

Fatma Elgedawy

Ask me anything Follow
Ask @MhsFatmaElgedawy387

Sort by:

LatestTop

نصيحه منكِ لبنت صغيرة

كوني صادقة دائمًا..
مع نفسك أولًا، ومع دوائر علاقاتك -المُختارَة بعناية- ثانيًا.
لأن الصادق يصل..
سواء كان شخصًا، أو شعورًا، أو كلمة ")
1
Liked by: هند ʚĩɞ

بتشوفوا ان الوسامة والجمال بتمنح لصاحبها فرص أكتر سواء في الحب او العلاقات العامة..؟!

لَمْ يَصرِعْ الظبيُ مِن حُسنٍ به أسدًا ،
بل جاءَهُ حُسنُه مِن صَرعِه الأسدَا. ")
2
Liked by: بَسمَةٌ :) هند ʚĩɞ

Related users

hendoz44’s Profile Photo هند ʚĩɞ
BasmaEmad761’s Profile Photo بَسمَةٌ :)
Muslim0Girl’s Profile Photo فِداء
AlienBeard1’s Profile Photo Laila || ليلى
hoda204’s Profile Photo أمة الله
arwahamada5113’s Profile Photo MaRwa Hamada
Ili_Song’s Profile Photo Ili Song
esraaelmahdy98’s Profile Photo إسراء المهدي
abeer_shaban’s Profile Photo عبير شعبان
shrookashraf1’s Profile Photo شُّرُوقْه
Problemlistener’s Profile Photo clear
kariim_mansour’s Profile Photo Kariim M. Mansour
JupitersnowyNermin’s Profile Photo nona
Rania6282002_ZjMhgY’s Profile Photo Agaj

اي ذنبي اني اتولدت في اسره مش متعلمه واخواتي صنايعيه وبيتنا اقل من متواضع وانا بقيت دكتوره بشري وكل اللي يتقدملي يسأل اخواتي شغالين اي ومستوانا اي وبعدين يرفض لو شاف شكل بيتنا ،اي ذنبي ان اهلي مش عاوزين ينقلو او يتعبو علي نفسهم ويأجرو حتي ومش مدركين الموقف اي ذنبي ان اخواتي فشله اتعاقب لي من المجتمع

واضح إنك دراسيًا، أنتِ دكتورة.
لكن إجتماعيًا وحياتيًا، حضرتك أقل من هذا بكثير.
أنظري لنفسك نظرة أرقى وأعمق من البيت القديم والأهل الصنايعية، رغم إن الصنايعية دول فوق راسنا كلنا والشغل بكل أنواعه مش عيب طالما فيه كَسب حلال.
دايمًا الغِنى هو غِنى النَفس. والشَبَع بيأتي من داخلك.
ورزقك هيجيلك مهما كانت الأحوال، فلا تيأسي من روح الله.
ماتلوميش الأهل ولا البيئة ولا الظروف، إقبليهم وحَسّني منهم على قدر ما تستطيعي، واللي مش عاجبه شأنك.. يتفلق.
أُعيذُكِ بالله أن تزولَ من وجهك النِعَم.
الله يوفقك.

+ 1 💬 message

read all
3
Liked by: فِداء هند ʚĩɞ Laila || ليلى

مس فاطمة❤ مش شايفة انك بتفتحى اسك الفترة دي بس ايا كان الكلام اللى هقولو دا نفسي اقولو بقالى فترة🌝🤍 حابة اقولك انك انسانة جميلة🌸 وانا حبيتك جدا ومبسوطة بمعرفتك جدا جدا،واليوم اللى ببقى متعودة اشوفك ف مكانك ومبلقاكيش بزعل جدا وبسأل كل اللى ف المكان '' مس فاطمة جات النهاردة؟" بإختصار " ❤love you"

أنا وقفت كتير قدام الكلام الدافئ دا ♥️
وجوايا كلام كتير جدًا مش عارفة إزاي أعبّر عنه للأسف ..
احنا عشنا مع بعض سنة كاملة بكل تفاصيلها، تشاركنا فيها لحظات كتير ؛ التعب والمعافرة وفرحة تقفيل الامتحانات، والصبر على نقصان الدرجات واكتساب خبرة منها ..
ضحكنا سوا كتير، وبكينا على كتف بعض كتير بردو :(
كنتوا أحبّ الأصدقاء ليا ، وأصدق الود هو ذلك الذي بيننا ..
دائما كنت بشوف علاقتنا صداقة وأخوة، وليست أستاذ وطالب، وأخذتم في قلبي مكانة عظيمة لدرجة إني لا أرى المكان جميلًا بعدكم ..
" لأنكم كنتوا أحلى شيء في المكان من وجهة نظري " ♥️
السؤال من المجهولة الجميلة، لكن أشعر إن قلبي يعرفك
إذا كنتي بتقرأي كلامي في الفترة دي، ف ماتقلقيش، الصعب كله بيعدي والأوقات الصعبة بتهون، ركزي أكتر واطمئني 🌸
وإن كنتي بتقرأيه وفترة الامتحانات انقضت، فأنا فخورة بمجهودكم الجميل طوال السنة 🙏
عاش جدًا دائما ♥️
1
Liked by: هند ʚĩɞ

--

من فترة قريبة، كنت بساعد حد عزيز عليا في بعض المهام، واللي كان من ضمنها إني أشرح حاجات تبع تخصصي في الفيزياء والرياضة بطريقة مبسّطة لأطفال صغيرين، وقد كان، وأظنني الحمد لله وُفّقت في جذب إنتباههم للموضوعات وفهمها.
إمبارح تحديدًا سلّمت عليا واحدة منهن، وقالتلي: أنا عمري ما حد قالّي إني شاطرة خالص في المدرسة، أنا بحب الرياضة بس محدش كان بيقولّي كلام كدة يشجعني.. شكرا على الكلام الحلو اللي بتقوليهولي.
كانت فرحانة ووشها مبسوط جدًا ومبتسم ❤
الإنسان كائن على رغم تعقيداته الداخلية إلا إنه بسيط، بيفرح بتشجيع ما، وبيلمس السما من كلمة لطيفة تتقال له والله.
وعندي قناعة خاصة بإن الأطفال الصغيرة لما بتشبع نفسيًا من التشجيع والحب والإيمان والثقة فيهم وفي قدراتهم، بيكبروا وهم ممتلئين بكل ما هو قادر يثبّت قلوبهم وأقدامهم في تجاربهم المستقبلية..
أنا حزينة على عدم التشجيع اللي الأُسر بتصدّره لأولادها، لو بس ينوّروا الكهف شوية ويشوفوا ورا العتمة دي ممكن يلاقوا عظمة قد إيه!.

View more

4
Liked by: هند ʚĩɞ إسراء المهدي

نفسي أهلى يفرحو بخطوبتي الايام دي ، ادعيلي عاجلا بزوج صالح وهدعيلك ربنا يراضي قلبك بإجابة دعوتك ❤

ربنا ييسر لك الأمر ويسعدك بمَن هو خير لك عاجلًا يا رب
أبشري بإذن الله
1
Liked by: هند ʚĩɞ

ممكن كلمة تفوقني؟، كلام يشد عزيمتي ويرجعني للعمل والسعي؟ 🌼

أنا مش عارفة بصراحة ممكن أقول إيه
لكن خليني أعتبر السؤال ده مساحة أحكي فيها عن بعض الحاجات اللي ربما تجد فيها معنى يفيدك ")
طبيعي إن الحياة يا أنون متمشيش على وتيرة واحدة، وده يخلّي نظرتنا لفترات السكون والفتور نظرة منصفة.. يعرّفنا إنها فترة قصيرة وهتعدّي زي غيرها، بس الفكرة في التعامل معاها يكون إزاي..
رجوعك للعمل والسعي من جديد عايز منك إنك تعرف دوافعك، إنت بتسعى ليه؟ وإيه الصورة اللي حابب تكون عليها لما تعمل كذا؟
ده هيساعدك جدًا في فترات الفتور، وهيرجعك قوي ودؤوب زي الأول
خليك حريص على إنك تختلي بنفسك وقت معين من اليوم، وقت روقان، تبعد فيه عن أي حاجة ليها علاقة بأي حاجة، واتنفّس وعيد نظرتك لنفسك ولأولوياتك ودوافعك وإنت باصص للسما وبتاخد منها وِسع الكون نور وقوة وسِعة..
هيجيلك وقت تقول فيه: أنا ليه بعمل كدة؟ ليه بتعب نفسي في الحاجة دي ما أفُكني منها وأرتاح!
وقتها إفتكر إن اختيارنا "لعمل حاجة مفيدة بنحبها مهما كانت متعبة" أحسن ألف مرة من اختيارنا "عمل الولا حاجة المريحة"..
دايما بيتعرض علينا القرارين دول، والاختيار لينا..
جاهين كان بيقول:
( يأسك وصبرك بين إيديك وإنت حرّ )
أنا مش بحب الخطط طويلة الأمد، نَفَس الإنسان قصير بطبعه، علشان كدة بميل دايما لتجزئتها لخطط تانية صغيرة وبسيطة، كل ما تحقق إنجاز بسيط منها تتحفّز للي بعده، ف تِعلى وتوصل باستمتاع وهدوء.
ماما مرة قالتلي وسط كلامها: "قَلِّلي وأحسِني"..
لذلك: "قَلِّل وأحسِن يا أنون".
ومتنساش إن ربنا بيبارك في المحاولات، محاولاتك محسوبة ومُقدّرة وسوف تُرى وتُجزى عليها، فاستعِن بالله ولا تعجز.

View more

4
15
Liked by: أمة الله هند ʚĩɞ
+1 answer Read more

هل تعتقد بأن الناتج من الجهد المبذول فى عملية ما او طريق ما او ما شابه ذلك يغنى ويعوض عن عدم شغفك به؟

hazembk22’s Profile Photohazembk
لا يغني ويعوِّض، هو فقط بيهوِّن علينا كتير.
نجاحنا حاجة بتهوِّن جدًا من إننا في مكان مش مؤمنين بيه، أو مجال بنحبه بس مش بالكيفية اللي موجود بيها حوالينا.
فيه مساحة رمادية بتظهر كل ما وعينا بيزيد، هي إن مفيش حاجة حلوة سائغة 100%، كما إن مفيش شر محض.
اللي بيحب الفيزياء وبيدرسها وشغوف بيها -مثلًا-، عارف إن على قد مُتعتها وجمالها وعبقريتها، دراستها مش سهلة وهيقابل بدل العائق عشرة، وهييأس، وهيجيب آخره. وكذلك العكس.
كنت في إيفنت وكيميا قال جملة جميلة جدًا، قال: إحنا بنكمل بس في الطريق اللي نقدر نستحمل قرفه.. مش اللي نحبه بس.
4
Liked by: هند ʚĩɞ ادعوا لإسراء مصطفى hazembk
+1 answer in: “هل الايمان بشئ ما يحققه اما يساعد فى تحقيقه فقط؟ وهل يتطلب دائما الايمان بالشئ لانجازه ام يكفى الجهد.”

هل الايمان بشئ ما يحققه اما يساعد فى تحقيقه فقط؟ وهل يتطلب دائما الايمان بالشئ لانجازه ام يكفى الجهد.

hazembk22’s Profile Photohazembk
-دايمًا نصف الإجابة بتكمُن في حُسنِ صياغة السؤال- ")
..
الإيمان لوحده مش بيصنع شيء.
الإيمان والسعي معًا، يدًا بيدّ، هما سر المعادلة.
لكن على النقيض، فيه ناس مكمَّلة في طريق مش بتحبه ولا مؤمنة بيه بس مكملة ودايسة وبينجحوا جدًا، السر هنا بيكون في (البذل).
هم بيبذلوا جهد في طريق -سواء بيحبوه أو لأ- فبياخدوا مقابل بذلهم نجاح.
آه الإيمان بيساعد، بس مش هو كل الموضوع.
أي حاجة علشان نحققها في حياتنا لازم ندِّي من عندنا علشانها.. لازم نبذل في سبيلها جُهد ووقت ومال.. بيسمُّوها ضريبة نجاح. بشوف إنها فقط معادلة، فيها طرفين، بنسعى إننا نحقق فيها التوازن ليس إلّا.
4
Liked by: ادعوا لإسراء مصطفى hazembk عز الدين أسامة
+1 answer Read more

What's your favorite book ?

كتب كتيرة جدًّا علّمت في قلبي وشخصيتي وحياتي علامة مميّزة في الفترة الأخيرة، جميعها بلا استثناء ضمّتهم قائمة الfavorite "))
لكن بمناسبة ذكرى رحيل د. أحمد خالد توفيق الشهر ده، كان الكتاب ده صديقي في هذه الأيام، جدًا، كان أنيسي في المواصلات والكلية والبيت.
قُلتها وهكررها كتير، "رَزقني الله شايًا دافئًا معه في جنَّتِه" ❤
Whats your favorite book
4
40
Liked by: ادعوا لإسراء مصطفى AsMaa Elbashwaty هند ʚĩɞ

أفرغي علينا حرفًا!

قرأتُ من مُدةٍ قريبة، جُملةً لد. أحمد خالد توفيق، مُوجِزة لكنها أرهَقتني لأيام، قال: "أخشى أن أستيقظ يومًا في الأربعين لأجد أنني ضيّعت حياتي بسبب خيارٍ خاطيء إتخذته بسذاجة في العشرين".
كانت هذه الجملة سببًا لإتخاذي قرارٍ ما، في بداية هذا العام، وفي كل يومٍ أشعر أني أحيا من جديد بسببه، وأنه عين الصواب.
ليس علينا ألا نخطيء؛ فحياتنا مثمرة بالتجارب ومليئة بالطرق وأشباه الطرق، إن لم نواجه ما نلقاه سيتبعنا الهروب حتّى يصبح مِنّا وإلينا.
ولكن علينا المعرفة.
معرفة الطريق الذي سنسعى إليه، وتفرُّعاته الجانبية، وأن نُميّزَ الخبيث من الطيّب فيما يُعرَض علينا يوميًا من أفكار وأشخاص وأشياء.
فالأخطاء التي سنواجهها في طريقٍ صحيح خُضناه على أساسٍ سليم داخلنا، مؤكد ستكون مختلفة عمّا إذا كان الطريق خطأً منذ البداية وليس له أساس.
حياتنا لا تتسع لأخطاءٍ مكررة، ما فات قد ترك داخلنا علامةً تقينا شر السقوط فيه مجددًا، لنترك مساحةً لغيرها، فنتعلّم أن العُمر أثمن من أن نُقامر به في طرقٍ ما إن نضع قدمنا على حافتها، نَلِجُها.
كل ما تحمله تلك الجملة، هو أن عقلنا يجب أن يُهيأ ليبقى داخلنا كالميزان، يَزِن الأشياء بمقياس متّزن، فنتّزِن.
أن نعرف متى علينا التمسّك، ومتى يكون إطلاق عنان الشيء مكسبًا ثمينًا.
أرى أن قوله -رحمه الله- صياغة لفهم الآية: "الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا".

View more

9
1
Liked by: ادعوا لإسراء مصطفى عبير شعبان ياسمين شكر ..اللهم القدس . إسراء المهدي Mohamed هَدِير مُحَمَّد"غَيثْ"

___

مساء الفل 🌸
عساكِ بخير يا أمل "))
أنا ممتنة لحاجات كتير بسيطة كان لها دور إنها تهوّن عليا الأوقات وتكون لي خير صاحب يفهمني ويسعدني، ومن الحاجات اللطيفة دي، الكتب والأفلام والكتابة والرسم والورد والميوزك والسما والكثير الكثير 💛🌻
أنا منسيتش ميعادنا سوا يوم الجمعة اللي فاتت وفيلم Big Hero اللي خططنا اننا نشوفه مع بعض 🙈
شفته مع صاحبتي ورشحته لباقي صحابنا وهيشوفوه هُمَّ كمان قريب "))
حبيته جدًا.
الفيلم كله مليان معاني جميلة جدًا وبتدور حولين الأصحاب ..
والسكرين دي لخّصت حاجات كتير جوايا، وعلّمتني.
أنا نفسي جدًا يكون في حياتي حد زي بايماكس 🌸
مساء الفل عساك بخير يا أمل أنا ممتنة لحاجات كتير بسيطة كان لها دور إنها
6
Liked by: ادعوا لإسراء مصطفى ليل usf إسراء المهدي عز الدين أسامة
+1 answer Read more

يافاطمة ،، اكتبي 🌸

hendoz44’s Profile Photoهند ʚĩɞ
أعلمُ كثيرًا حِمل هذا القلب الجَلِد -قلبك-.
أشعر به مذ مدة، ولكنّي لا أملكُ من الأمر شيئًا لأُخففه. أدركُ أن أسئلتَكِ مساحاتٌ لكِ، وفقط لكِ. لِذا، دعيني أنسج لكِ فيها كَتِفًا، عَلّكِ تستندين عليه فيُخَفِف.
أوقاتنا الصعبة تأتي لِتبلغ فينا مبلغًا يظهر طِيبُه على المدى البعيد، كُل شيءٍ يَمُر، ويبقى فقط ما ظَفِرنا به من جميل الصبر وحُسن الشجاعة ومكسبنا الأبديّ من التجارب إثر كل مواجهة خُضناها.
قرأتُ لِتَوّي الآية.. "أوْ آوي إلى رُكنٍ شديد".
قالها سيدنا لوط وهو مُتمسّك بدينه الحق، فردًا، وسط العبث الذي يُحيطه من قومه.
-وكثيرًا ما يُحيطنا العبث من حولنا، حتّى نفقد بهجتنا وإيماننا- ..
أرانا فيه -عليه السلام-، في أشد أوقاتنا ظُلمة نستنير برُكنٍ شديد آمِن مطمئن، نختاره بعناية، مِنّا مَن يَرتَكِن إلى صديق، أو أهل، أو إلى نفسه.. أو إلى سماءٍ واسعة ونجومٍ مؤنسة وفضاءٍ يُصغي سَمعه ولا يَمَلّ، ورَبّ كذلك لا يَمَلّ حتّى نَمَلّ "))
آوي إلى رُكنِه، وأبشري ")
أو في قولٍ آخر كما إعتدتُ أن أقولها -بصي للسما يا هندة واستمدّي قوِّتك- ❤

View more

8
Liked by: ادعوا لإسراء مصطفى Doa'a Amir هَدِير مُحَمَّد"غَيثْ" إسراء المهدي هند ʚĩɞ عز الدين أسامة
+2 answers Read more

رِسالةٌ 💌 ..

تنظر للسماء وتكتب:
- "ماذا لو كانت الرياح تأتي بعُنفِها المعهود؛ لتحتضننا بقوّة! 🌸
وأنّ الهواء الرخيم البارد، تمتليء ذراته بالحنين والوِحدة والشَوق، يُعاني قسوة البُعد والهَجر، ويأتي لأنفاسِنا الحارة علّه يستأنس بنا!" 💙
= أدخلي يا فاطمة واقفلي البلكونة الدنيا برد..
- حاضر. 😌
5
Liked by: ادعوا لإسراء مصطفى Doa'a Amir هَدِير مُحَمَّد"غَيثْ" إسراء المهدي هند ʚĩɞ

فأنا مؤمنة ان ربنا خلاني اعرف الحاجة و أفكر في المعلومة ديه عشان كده فأنا قولت استغل الفرصة و أدي دروس خصوصية في الاجازة بما اني في الدراسة بسافر للكلية و مابعرفش أعمل كده . بس أنا مش عارفة أبدأ إزاي..ايه الكتب اللي أقرأها عشان أعلم الأطفال صح *اعلمهم لغة مش منهج واتعامل معاهم صح*

أي مدرس شاطر في اللغة اللي إنتِ عايزة تِدَرِّسيها تعرفيه في المحيط حواليكِ، إسأليه إزاي أعلم اللغة دي صح، هتلاقيه مر بتجارب كتير وأكيد هيعرف يفيدك فيها ")
إتقني اللغة بقدر كافِ الأول قبل بداية تدريسها .
واللغة أساسًا ممارسة، ف حافظي على إنك تخليهم يمارسوا اللغة بشكل أكبر وأمتع، وخلي بردو ليكِ طريقة ذكية ومميزة تشجعيهم بيها على الممارسة دي.
4
Liked by: ادعوا لإسراء مصطفى هند ʚĩɞ

Next

Language: English

4.1

1,266,418 reviews
© Ask.fm 2024