كنت بحبه ووقفت جنبه ودعمته اتعرف علي بنت سوشيال وفرحهم كمان كام يوم ... قالي مش هاقدر اخطب دلوقتي وخطبها ف اقل من شهر .. زعلانه وصعبانه عليا نفسي اوي محبتش حد غيره
عادي جدا و فيها ايه يعني ولا اي حاجة ولا تزعلي و تحرقي في نفسك هتزعلي فترة و خلاص هتعدي و ربنا هيعوضك بالاحسن لو كان فيه خير ليكي اكيد ربنا مكنش هيحوشه عنك هي القصة بايخة و تضايق انا عارف بس عادي ولا يهزك اي حاجة
"مش كل واحد جنب مني عزيز عليا ولا كل غايب عن عنيا هقول بعيد في ناس نسيهم قلبي و هنا قصاد عنيا و ناس مجرد مفتكرها اكون سعيد" "البعد عمره ما كان سفر لمكان بعيد و القرب عمره ما كان بناس موجودة جنبي في ناس و هما معايا برضو بكون وحيد و في ناس مهما تبعد جوه قلبي" الراجل دا عظمة اوي والله
قلبي الفترة دي مش معايا بجد ممكن تلاقيه مدفون تحت التراب مع الناس الي رحلت او مع الناس الي عايشة برضو بس فارقت و واحشاني موت او مع الناس الي كل ما باجي امشي في حته افتكر حد منهم او مع ناسي الي في الغربة المهم في الاخر انه مش معايا ممكن تلاقي كل قطعة منه مع حد فيهم بس القطعة الاكبر هتلاقيها مع الناس الي بقيت تحت التراب و فارقت خالص
واحشك حد توفي
يوووووو كتير الموت اخد مني حبايب كتيرة والله سواء كان ناس من اهلي او اصحابي او ولاد حتتي كتير كتير كتير و المشكلة ان كلهم كانوا ناس محدش ابدا كان متوقع انهم يفارقوا
لوجسمي كويس ورسمته جميله بس عندي سترتش ماركس دي حاجه تعيبني او تمنع جوازي ؟
نفتح باب النقاش لمده خمس دقايق 💙
عندك الباب اهو 🚪ابقي افتحوا انت بقا 😂😂😂😂
انت شخص عصبي؟
لا انا بارد جدا و بحب الشخصيات العصبية دي اوي 😂😂😂بحب استفزهم جدا يكونوا قاعدين عاملين يزعقوا و انا قاعد اضحك في وشهم ف استفزهم اكتر فيزعقوا اكتر اروح ضاحك و اهزر اكتر لغاية ما ينجلطوا 😂😂😂😂
نفسي في ربع روقانك
مش هتعرف توصل زي ولا تبقي في ربع روقاني و ماتحوش 😎😂😂😂
قهوه ولا نسكافيه ع الصبح ؟!
انت بتتكلم في ايه نسكافيه طبعا و ياسلام بقا لو بالبندق او بالشوكلاته طب والله نفسي هفتني علية دلوقتي 🤤
تقطع علاقتك بالشخص لو اكتشفت انه؟
لو اكتشفت انه ليه في اي سكة من اي نوع من المخدارت لاني مفيش حد بيمشي في السكة دي و بيبقا انسان كويس لان الناس دول من النوع الي كيفهم يذلهم يعني عندهم استعداد يبيعوا اهليهم فمبالك بيا انا بقا
حاجة كانت عادية بس الناس أفورت فيها؟
لا حاجات كتيرة بس هو موقف حصل معايا انا شخصيا مش عارف انا بالنسبالي انا شايفه عادي و لو حصلت معايا انا انا كنت هتقبلها عادي و مش هزعل و انا لحد دلوقتي مش عارف هما عندهم حق فعلا يأفوروها ولا لأ بصراحة مرة كنت قاعد مع ناس صحابي كتار كنا مجموعة في بعض كنا قاعدين في مكان و بالصدفة دخل علينا في نفس المكان دا ناس صحابي تانين مجموعة برضو غير الي انا كنت قاعد معاهم في الاول و سيبت الناس الي انا كنت قاعد معاهم في الاول دول و روحت و قاعدت مع التانين عادي و لما رجعتلهم لاقيتهم كلهم متضايقين و مأفورين اوي في الزعل مني و من الموقف دا انا شايف من وجهت نظري انا انه عمره ما كان عيب لما تغير مكان وسط ناس انت مش مرتاح معاهم و تروح لمكان تاني وسط ناس تانية انت مرتاح معاهم اكتر و او بتحب قاعدتهم اكتر بس الناس افرورتها و بقيت بتحسبها بقله تقدير
لا هو الشخص كدا كدا مش هيقرا و انا مش هكتب حاجة بس والله كان نفسي اقول للشخص دا ان انا مش زعلان والله ابدا بس فراقهم كلهم قاتلني و لما باجي اتسئل عليهم او بيتجاب سيرتهم قلبي بيتفتت مليون حته و انهم واحشني جدا بطريقة بشعة والله و لو هكتب رسالة هكتب فيها ربنا يصبرني علي فراقكم بس
بتتعاملوا ازاي مع شخص وجوده وغيابه الاتنين متعبين بالنسبه لك
دا ايه الاحساس و عكسه دا انت غلبت عمرو دياب لما قال انا عايش و مش عايش 😂😂😂😂 خلاص بعيد عن الهزار بقا متخفش انت زي الفل انت مفكش حاجة بس هو القط بيحب خناقه و كل الفكرة ان انت مش قادر تحبه ولا قادر علي بعده انا فاهمك كويس والله بس يمكن كل الفكرة انك اتعودت علي الشخص دا اوي مش اكتر هتتحل مع الوقت
امنيه تتمناها؟
امنيتي اني ابطل تفاهه شوية والله انا نونوت في دماغي دلوقتي اني اخلص كل حلقات سبونجبوب ياسلام والله لما تطلب معايا بتفاهه ولا كأني شحط عشرين سنة
مش عارف والله بجد حاجات كتيرة بس الامنية الي بتمناها كل يوم و بدعي انها تحصل اني اشوف في نومي الناس الي واحشاني جدا الناس الي رحلت و فارقت المحهم بس والله و لو لثانية واحدة بس والله و هبقي راضي
متصدقش اى حد يقولك تعبك مش هيروح على الفاضى بكره تدخل الثانويه وتعرف انه بيروح عادى.