Ask @Mo7yEldein:

لا بتعرفني لآ بعرفك بس أنا دآخلة ع الجآمععة .. ومحتاجة نصيحة :( انصححني يآخ :(

طيب.. يعني عايزة كلام جادي..اممم صعبتيها علي هههههههه...
طيب بسم الله.. اول شي اتعرفي بي سنايرك..حاولي تعرفيهم بدري بدري ( ممكن ناس دفعتك يشغلوها ليك و يقولو ليك عايزة تصاحبي السناير و كدا زي ما الاولاد بعملو ههههههههه المهم ما فرقت )..
حاولي خلي عندك شلة ظريفة.. وناسة .. دراعة.. بس في حدود.. يعني ما النوع الما بخليك تقري.. ولا النوع الحفاار داك.. بس ناس ممكن تستفيدي منهم م بتاعين هظار بس...المهم دي وجهة نظري.."عشان لو ما عندك شلة لي قدام ح تتجهجهي..."
و طبعا خلي علاقتك مع كل الدفعة زي الفل...
اممم الافضل انو ما يكون عندك توجه سياسي... ما معناها ما تبدي وجهة نظرك في مواضيع سياسية بس يعني م يكون عندك انتماء كدا عديل لي حزب معين.. عشان م تدخلي روحك في جوطة و وجع راس..
يلا بالنسبة للقراية السناير ال ح تعرفيهم غالبا بوجهوك ( حاولي اسمعي كلام الحفارين منهم.. يعني ما البطمنوك )...
و بالنسبة للبرمجة و الضحك و الونسات و كدا.. م عايزة فتيش غالبا بتلقي روحك في النص طبيعي ههههه :p ...
يلا بالنسبة للاولاد.. في البقولو ليك م تتعاملي معاهم مرررة وحدة.. و في البقول ليك ما حنك ياااخ ما فارقة.. بس انتي خليك في النص يعني..
اعرفي اتكلمي مع منو.. شوفي الاولاد تعاملهم كيف.. لانو ما كل الناس نيتها بيضا زي ما بقولو...
غالبا ح تتكلمي مع جزء كبير من اولاد دفعتك حتى لو في الفيس و لا الواتس و كدا.. بعدين انتي ح تفهميهم و ح تضيّقي دائرة تعاملك في ناس معينين غالبا لانك ح تشوفي انهم الاحسن.. من ناحية اخلاق اول شي طبعا.. و تاني ونسة و " استظراف " و كدا هههههههه... يعني بتلقي الممكن يخاف عليك زي اختو و كدا ( م كلام جرايد ) بالجد بتلقو الزي ديل...
و تعاملك مع الباقين ح يكون عادي يعني زمالة و كدا..
و عموم ما يخوفوك من الجامعة و يقولو مجمتمع " منفتح " و كدا.. الزول يعرف يلعبها صح بس :p
يلا دي وجهة نظر شخصية بكون فيها كم شي غلط يعني عادي.. بس شوفي و قيسي على كدا... و اسف على الاطالة..
( يا حليلي بقيت جادي اهئ اهئ اهئ )
جاد ي ولا بيتزا كورنر ي " معليش لازم تحصل هبالة :p "...

View more

آنيوو .. كل عام وأنتم بألف خير والسنه الجايه كلنا في الحج ي رب ♡ .. وتققبل الله صيامكم .. اكتر دعاية إعﻻنيه بتحبها/يها شنو ؟ . وزول المحكوم عليهو بالإعدام قصاصا .. بعد قطع راسو بحس بي ألم وﻻ ﻻ ؟! ويﻻ عيدتي كم D: ..

Lama abdulazeem
و انتي بالف خير و اميييين
منا و منك^_^
السنة الجاية مع راجلك... Xp:p
ممكن نحكم عليك بالاعدام و كدا اذا ضروري تعرفي بحس ولا لا -_-
ما في عيدية ياخ و بعدين انتو زاتكم عيدية ( شفتو بحنكو كيف :p)
مافي دعايات حلوة دعاياتنا كلها بتجيب شلل نصفي

View more

تعريف الجمال بالنسبه لك ؟

Sαяα Θмея
جمال دا ابوي هاهاها
الجمال.. لمن تشوف بساطة الناس العايشة في البلد و تلقاها شايلة بعض..
لمن تشوف ليك كمساري بمشي ليهو زول قال م عندو قروش و يقول ليهو م مشكلة بدون م ينقص من قيمتو قدام الناس( مع انو الايام دي صعب تلاقي زي دا )
تشوف ليك شفع بلعبو في الشارع و تقعد تتذكر زمان لمن تقعدو مع بعض انت و اولاد الحلة و تعملو فتة ههههههه ولا لمن ام واحد فيكم تعمل ليها اكل خفيف كدا عشان تاكلو مع بعض..
الجمال لمن زمان ناس الحلة كانو مع بعضهم طوالي.. تلقى البيوت فاتحة.. و م في اي زول بفكر يسرق.. م في زول بخاف على اولادو.. ابو صحبي بكون زي ابوي في الحلة..
تلقى الاكل طالع من بيت و خاشي لي بيت.. و ديك كمان يرجعو الصحانة بي انواع تانية من ما لذ و طاب ههههههه ( هسي بتحصل في رمضان بس :p)
تشوف ليك وحدة في المواصلات معاها بتها الصغيرة و بتراجع معاها مواد المدرسة ههههههه
الجمال لمن تفكر النفوس كانت صافية كيف !!
لمن امك تسال منك و يقولو قاعد مع الجيران و م تقلق عليك عشان عارفة انو ح اكون زي ولدهم واحد..
والله الجمال بس لمن تحس روحك مرتاح و ما شايل هم شي و م عندك مشكلة مع زول
و لا هسي كمان لمن تعاين لي امك كدا و تعاين ليك و تتكلم معاك زي الانت لسة ولدها الصغير الشافع الفي تانية اساس ههههههه
والله اي الكلام معاط و انا عامل فيها الود خلاص كدا :p بس كان نفسي اقول الكلام دا م عارف ليه
^_^

View more

Do you believe in witches and wizards?

My name is mo7ÿ.. How are you??
Good bye..
عارفكم ما بتعرفو انجليزي يلا السؤال بقول اسمك منو..
الترجمة :-
ماذا؟؟ ( ماذا ولا بيبسي 😁)
اسمي محي الدين.. انت كويس؟😂
الى اللقاء تيليتابيز😊
تمت الترجمة في لبنان-بيروت- مركز الزهرة
سبيستون.. قناة شباب المستقبل😂

View more

محيي :D يلا سؤال عميق :3 : لو قدر الله وأعجبت بواحدة من طالبات جامعتك ردة فعلك شنو ؟ هل حتكلمها وتربطها معاك مدة من الزمن-قد تطول- لحد ما تتخرج وتكون نفسك ؟ وﻻ حتتخذ إجراء آخر ، ونصيحة للناس الشغالة تطرح ساي كل يوم xDd

Nosiba MoBark
اما بعد..
فاقول مجيبا على هذا السؤال...
لووو حصل كدا... انا اول شي بشوف انا بالجد بستاهلها؟ بقدر احافظ عليها لحدي م تبقى مرتي؟.. ( عشان دا م شي املا بيهو وقت ولا اقشر بيهو و خلاص!!! )...
ف لو شفت انو ممكن.. بخليها تعرف..
" طبعا الاسلوب بكون على حسب هي قريبة و فردة و كدا.. و لا معرفة سطحية.."
( الشواكيش و الاحراجات واردة بس الزول لو اثبت انو بستاهل بقلل النسبة دي... )
زول ولا هارموني هاهاها...
اما عن الطراحين و الطراحات سااي كدا عدم موضوع... ف بحب اقول ليهم الخفة م حبابا..
هذا واستغفر الله لي و لكم فاستغفروهـ انه هو الغفور الرحيم....

View more

احكي لينا موقف استفدتا/ي منو شدييد

ليه بتحبو تسالو اسئلة جادة كدا...
طيب موقف استفدت منوووو...،
والله ما متذكر بس الزول كل ما يمشي لي قدام بعرف حاجات اكتر.. بعرف يتعامل مع الناس كيف.. كدا يعني :)
"خلاص نوريكم حاجة.. ما جادة شديد..
كنت شافع شكال الكلام دا بكون في تالتة اساس ولا اصغر.. المهم كنت هراش برضو xp زي كل الشفع يعني ههههه .. يلا ضربت اختي بي سير بتاع كرسي.. بلاستيك كان... بكت و مشت لي ابوي اللي كان نايم و صحتو و شكت ليهو... ( شغلو موسيقى بتهوڤن ديك... عشان الموقف الجاي صعب و كدا)...
ابوي قام و قال جدوووووو..( مسميني على جدي و كدا)
و انا مسكيين و قصييير مشيت ليهو و هو جاييني من هناااااك و بعاين لي ابوي فوووق كدا..و كنت شايفو " ضخم " و كدا يعني..
فختف مني السير و تاني انا ما فهمت شي بس جسمي كلو كان بضربوا فيهو هههههههههههههه..
حتى اختي الضربتها حنت على الشافع دا.. جات قالت لي هي معليش...( اصلا اخواتي الزيت <3 )..."
المهم تعلمت الا افعل شيئا يغضب ابي الحبيب الى هذه الدرجة ثانية.. هو زاتو شكلو شاف الحكاية كان صعبة و منها تاني ما شاكلني كدا..
او انا هرشت بكون ما حنك..ابوي الزيييييت لكن ^_^
بحب اقول ليهو من هنا... بابا.. هل تعلم ماذا فعلت اليوم؟xp
و بحب اقول ليهو برضو.. ابوي اشتري لي الكامارو دييك^_^
و شكرا

View more

كن صريح !! واحكي شي سري للغايه عنك *بالله كيف العربي بس* :3

حسنا ساوريك شيئاً ما وريت به زولا قبلك( والله وريت كم زول بس ما حنك ).. لكن برضو لا تخبري اي زول تاني
"و انا صغير قلت لي ابوي عايز اعرس بت صحبو ههههههههه اهم شي انو اسرتنا و اسرتهم و هي زاتها كانو قاعدين لمن قلت كدا..
يا حليلي كنت شجاع.. هسي بقيت مسكين xp
الكلام دا انا في الاساس ما اظن حصلت رابعة ^_^"

View more

ابيض اللون الفي التويتر ده انت؟

ههههههههههههه هههههههههههههه ههههههههههههههه هههههههههههه.....
يلا داك اسمو محي الدين محمد خوجلي الياس ( الشاعر و الملحن ) :p ... داك عمك بتاع القصيدة،،
انا محي الدين جمال محي الدين نوري... عمك برلوم كهربا الخرطوم...
+ م بدخل تويتر... عملت حساب زمان ما اظن اتذكرو...
و بعد هذا المعط الاجابة على سؤالك هي... لا

View more

رأيك شنو في تست الإحصاء بتاع الأسبوع الجاي ؟

Fat7y
نحن بنقرا احصاء يعني؟؟ سبحان الله...
المهم انا رايي انو مفروض الناس تساعد بعضها لبناء غد افضل
و من هذا المنطلق احيي كل اهلي في الكلاكلة و ما جاورها.. و في المحلات ال ( بييئة) امثال الطائف و الرياض
و شكرا^_^

View more

can iknow more about u?

duaa
Of course you can..
يلا تجيني بكرة ان شاء الله في اي وقت من خمسة لي سبعة في مكتبي في السوق العربي بديك نسخة من السيرة الذاتية.. ^_^ " حق التصوير عليك "... :p
ههههههه طيب ..محي الدين جمال.. برلوم هندسة كهربا جامعة الخرطوم.. (شعارنا : اقرا في الخرطوم و استحمل القفلات و البمبان.. و ستظل برلوماً يا مان)
امتحنت من معاهد التعليم البريطانية( فرع الكلاكلة.. هييع ابشر ).. يلا ما كانو بقرونا بالانجليزي عشان كم زول قايلني بتاع انجليزي و بتاع.. و انا ماليش في الانجليزي و الحاجات دي.. يعني المدرسة اسم بس...
طيب اممم حلفاوي بس ما برطن...
للمزيد من المعلومات و لطلب المنتجات و الاعلان على صفحتي الشخصية.. شوفي ال"سكرين شوت " اسفل الشاشة..في السوال القبلك طوالي..
ناسف على الاطالة و المعط..
اخيراً لازم اخت العلامة التجارية المميزة و الحصرية..( اخت العلامة ولا اخو العلامة.... الع لامة ولا الع حصان.. ح صان ولا ح حفظ ) كفاكم معط يلا غيرو القناة بالله....

View more

سﻵم محي الدين :) اسفه ع التأخير س : يوم ﻵ ينسى مع الشلة؟

Esraa Badr Eldein
اهلين اسراء..لالا يا زولة عايز غرامة للتاخير... تلتين جنيه بس..
هههههههه ياخي بتعتذري كمان .. مش كويس السالتي .. لو كل الناس زيك كدا مالو ( كسير تلج )...زيك المدرسي هاهاها..
بس سوالك اتاني في جرح عميق ياخ..
يوم 6-6 اللي هو الجمعة الفاتت..
عندما طلعنا مع دهب.. " عمر عزيز " فردتنا..عشان كان ح يسافر السبت ..
و كانت هناك عاصفة رملية هوجاء عقبتها بعض الامطار.. و انا قد اتشريت قبل ان ياتو لينقذوني بالtucson .. مع بداية الامطار..
بس والله كان يوم زييت ياخ ( محي الدين لا يريد ان يبكي ) ... :p
( ام طار ولا ام دلوكة).. ام دلوكة دي انصاف مدني :p ...
والله الا انزل صورة لليوم داك ( عدم موضوع)

View more

ليه دائماً اي زول عايش في السودان عايز يهاجر يخليهو ؟!

لانو بقول البلد كعبة و لو ما اتصلحت ما ينفع يقعدوا فيها..
مع انو هو المفروض يصلحها -_- ما عارف راجي منو يصلحها ليهو حضرتو عشان يقعد.. و لو اتصلحت يرجع و يقول شفتو بلدنا صلحناها و بتاع.. على اساس كان قاعد و تعب و كدا..
هو الزول اذا بقول يسافر يكون روحو عشان يقدر يرفع بلدو لمن يرجع ما مشكلة..
بس بكونو عايزين يطفشوا ما يجو تاني...
غايتو الله يعيننا.. و نشوف بلدنا ماشة لي قدام..:)
(هوي بالله ما تسالوني اسئلة جادة كدا ... خلونا نتعابط ياخ xp)

View more

محي الدين صديقي البحاكيهو جمعه مباركه عليك ^_^ سؤالك: من اين اكتسبت هذه الظرااافه )سماجه(هههه هل مداخل البلد ام خارجها ؟ وهل يمكن تعلم السماجه او لا تتولد بيها ههههههه؟

Sulafa
سلافة.. الويسكي البشربو كل خميس... هَي معليش قصدي صديقتي البتحاكيني.. و علييك ^_^ ...
انا عايش في الحدود الارترية الصومالية القطرية .. يعني اكتسبتها من خارج البلاد للاسف..( ح دود ولا ح نمل)..
كدي ياااخ انا ساكن الكلاكلة جوة السودان زاتو بسيطة عليها و اكتسبتها من السوق العربي دا..
م تتحسسو ممكن ارحل ليكم لو م عاجبكم.. بمشي الطائف و لا كافوري جنب الرئيس... ايزي بس عندي حساسية تجاهـ " اولاد ميكي"
و يا( اجود انواع الخمر) قصدي " سلافة" :p دي الحياة القاسية بتفرض عليك انك تحاول تبقى ظريف براك..( حلوة القاسية دي)
يلا ممكن تتعلمو الظرافة طبعا.. انا عندي مركز.. و عندي خريجة كمان " لينة عمار " ... ممكن اخليها تشرف على الراغبين في الاستظراف.. و العايزني شخصيا طبعا م حنك.. تلفوني بتلقوهو في اللافتات بتاعت حفلات البلابل.. ببيع تذاكر و كدا ( ان تذاكر تنجح) .. :p

View more

Next