Ask @MohamedAbdallah360:

صباح الخير 🖤🍂 أكتب ما شئت.......📝

أنا واخداك يا حراجي..
علشان لما أمد ايديا القاك جنبي
مالقاكش هناك .
هتقول مال فاطنه..؟
فاطنه زهقانه.
أهو يوم فرحانة ويوم زعلانة ويوم قلقانة..
احنا واخدينك يا حراجي عشان تبقى معانا
وعشان نبقى معاك.
ياتاخدنا معاك يا حراجي .
ياترجع تقعد في البيت ده معانا.
البيت كده زي ما يكون واسع وحيطانه طولانه.
مش عاوزين سد.
أهو لسه يومين قاعدة أتباهى بالسد وبيك قدام الناس.
لكن والله ما ضيعنا الفاس.
حتضيعنا الغيبة يا حراجى.
الغيبة تخلي الناس تنسى الناس.
كل ماقولك مشتاقة بتبعد.
ده انا حتى ساعات..
أتحدت مع نفسي وأقول:
كتر خيره اللي فاكرنا.
وبيبعت لنا جوابات.
جواباتك مليانة شوق..
لكن مش طايلاك يا حراجي البعد خانقني
زي الطوق.
مش عاوزه فلوس.
إرجع، إرجع
وأغمس في تراب البيت.
لكن عارفاك مش راجع يا حراجي.
عارفاك..
عارفاك منكوت في ترابها زي السجره هناك.
يبقى الأحسن خدنا معاك.
الضلمة بقيت في الليل بتسود قوي يا حراجي.
وانت مش راح تاجي.
وانا مش عارفه أسوى ايه فيك.
ربنا يهديك.
طب شوف لي حل.
لاحسن من ليلة امبارح
زي ماكون دلقوا ف نخاشيشي
بحرين خل.
مش طايقة امشي في الدار.
وحاسة كإني مخنوقة
وعقلي مندار.
زوجتك
فاطنه احمد عبد الغفار
جبلايه الفار
#جوابات_الأسطى_حراجي_القط
#عبد_الرحمن_الأبنودي 🖤

View more

انا متقدم لخطبتى شاب ذا خلق ودين ينطبق عليه قول رسول الله اذا جائكم من ترضون دينه وخلقه فزوجوه بس انا اطول منه الحتة دى مأثرة عليا شوية انصحونى بالله عليكم خاصة ان الناس مش بتسيب حد فى حاله

طب وإنتي ليه طويلة يعني؟! 😂😂
بُصي يابنت الناس.. لو إنتي إرتحتي للشخص ده وفعلًا زي مابتقولي على خُلُق ودين يبقى ليه لأ لو إنتي عايزة كدة!!
أمّا نُقطة الناس فصدقيني لو إنتي إتخطبتي لـ 'توم كروز' نفسه برضه الناس هتتكلم.. الناس صعب أو مُستحيل إرضاءها، لو فضلتي مركزة مع كلام الناس صدقيني هتتعبي جدًا وعمرك ما هترتاحي.

View more

TALK : 🖤🥀

Nareman Faass
أنا شخص مُتأثر بال"Classic time" جدًا وبحس إن الفترة دي أو الزمن ده مش هييجي أجمل ولا أرقى مِنُه، ومن شدّة حُبّي ليه بقى استايل حَياتي واخد طبع الـ "Classy" أو الـ "Classic" في كلامي وتَصرُفاتي ولِبسي وذوقي وأغَانيّ وكُل حَاجة..
بحاول أتعايش وأواكب العصر وأكون مُطلّع على كُل جديد بس بحس إنّ الكلاسيكيات هي أصل كُل شيء جميل وراقي في الدنيا ..🖤

View more

بيوجعوني بكلام انتي مش وش نعمه انتي محدش هيعبرك هتغضلي قاعده كدا هو ماله يعني ماهو راجل زي اي راجل انا حاسه انه بيحبني بس انا مش عارفه اتشدله لما اموت متأكدة هخلص من ده كله بسرعة مش كده ادعيلي بالله عليك اموت😭😭

في إييه يابنتي!! حرام عليكي نفسك، فترة وهتعدي على فكرة إن شاء الله، وكلنا بنعدي بضغوط والحياة بعدها بتمشي مابتُقفش أيًا كانت الضغوطات دي إيه.. بس هما لازم يفهموا كويس إن الجواز عمره ما كان بالعافية وإنهم كدة مش بيحاولوا يسعدوكي بل بالعكس هما كدة بيأذوكي من غير ما يحسوا، ربنا ينور بصيرتهم ويفك عنك

View more

+2 answers in: “انا عيلتي متوسطه الحاله الاجتماعيه ومتقدملي عريس غني جداا وهما حاطين عليه امل انه يساعدهم هو سنه كويس وشكله عادي واما شف صورتي اتجنن وقالي انتي من مواصفاتي بس انا لما شوفته مش حاسه بقبول وانا سني 25 وكلهم شيفين ان عمر ما هيجيلي حد احسن بس انا حاولت ومش عارفه اعمل ايه”

معلش عملته عل ملأ عشان عاوزه حل وتعبت ..... هو عجبه شكلي وااناس شايفه انى عنست انا اتكلمت معاه وصليت استخاره بس موصلتش لحل لما بحس ان هتشدله بلاقى حاجة تجذبني بعيد واحس ان مش طيقاه وفي غمه في قلبي

الإجابة باينة في سطورك؛ يبقى مش من نصيبك، ربنا كاتبلِك وكاتبله حاجة أحسن، ومش معنى إن الموضوع ما تمِش يبقى فيه حد فيكم وحش، بس كل الحكاية إن ربنا سبحانه وتعالى مش عايز كدة علشان ليه حكمة في كدة الله أعلم، المهم عاوز أقولك برضه السن عمره ما كان ولا هيكون مقياس للجواز حطي دي في دماغك..

View more

+2 answers in: “انا عيلتي متوسطه الحاله الاجتماعيه ومتقدملي عريس غني جداا وهما حاطين عليه امل انه يساعدهم هو سنه كويس وشكله عادي واما شف صورتي اتجنن وقالي انتي من مواصفاتي بس انا لما شوفته مش حاسه بقبول وانا سني 25 وكلهم شيفين ان عمر ما هيجيلي حد احسن بس انا حاولت ومش عارفه اعمل ايه”

انا عيلتي متوسطه الحاله الاجتماعيه ومتقدملي عريس غني جداا وهما حاطين عليه امل انه يساعدهم هو سنه كويس وشكله عادي واما شف صورتي اتجنن وقالي انتي من مواصفاتي بس انا لما شوفته مش حاسه بقبول وانا سني 25 وكلهم شيفين ان عمر ما هيجيلي حد احسن بس انا حاولت ومش عارفه اعمل ايه

الغريب بالنسبالي إن تظهرلي المشكلة دي شاوت في العام كدة، جايز تكون محتاج إجابة عمومًا أنا حابب أرد..
كان فيه مقولة سمعتها من مدرس حبيبي في الثانوية كلمتو دلوقتي وفكرني بيها بيقول ان الشيخ محمد الغزالي يقول " تقدم شاب فقير لخطبة فتاة فلم يوافقوا عليه، ثم تقدم شاب غني ولكنه فاسق فوافقوا وقالوا سيهديه الله؟! ، أليس الهادي هو نفسه الرازق؟!"
مع إحترامي إنتِ اللي هتتجوزي وتعيشي معاه مش أهلِك، وبعدين إنتِ هتتجوزي مرة واحدة وتعيشي حياتك مرة واحدة، لازم الإختيار يكون إختيارك إنتِ، ومِش معنى إنه غني يبقى مش كويس، مش لازم تاخدي بالمظهر، أقعدي معاه واستخيري ربنا وشوفي هيكون فيه قبول أو لأ، وربنا يكتبلك كل خير.. 🖤

View more

+2 answers Read more

Space..🖤

#مهرب_اثار@@
لقد إنتهى اليوم..
يوم آخر مر عليك يا صديقي، يوم لا يختلف كثيرًا عن الأيام التي مضت ولن يختلف كثيرًا عن الأيام القادمة، نفس الأحداث، نفس التفاصيل، ونفس المهام اليومية السخيفة، فقدان للشغف وهذه أحد مآساتك، الآن قد إنتهى اليوم بعد حلقة مكررة مُعتادة من التمثيل أنك على ما يُرام، بعد إبتسامات كاذبة ومحاولات قاسية لتظهر في أفضل حالاتك، الآن أنت في غرفتك، لا رفيق لك سوى الموسيقى وبعض العبارات الكئيبة المكتوبة في مُذكراتك الخاصة، وثمة اسئلة تدور في ذهنك، أحدهم "هل تستحق تلك المعاناة؟" هذا السؤال الذي لم تجد له إجابة منذ فترة بعيدة، المسألة ليست في علاقات إجتماعية انتهت، أو أحلام تحطمت، أو حتى أمنيات لم تتحقق وحظ يعاندنك ويرفضك، هذه الحياة بشكل عام لا تناسبك، كلما اتخذت خطوة للأمام يحدث شيء ما يجعلك تتراجع ألف خطوة، كلما حاولت أن تكون بخير يحدث شيء ما يجعلك تشعر بالتعب وتتألم أكثر وكأن كل شيء يرفض فكرة أن تكون بخير، أحلام تسعى لتحقيقها فيحققها غيرك ذاك الذي لم يحلم بها، تستيقظ وأنت تبحث عن يوم هاديء بعيدًا عن الضجيج والمشاكل فتتعثر في كل أزمات الدنيا رغمًا عنك، إن وجدت الحُب لا يكتمل إما يبعدك المسافات، إما لا يحبك بشكل كافٍ إما لا تحبكم الحياة معًا، الحظ كذلك ضل طريقه، حتى الهدوء في غرفتك أصبح أمنية صعبة المنال لكثرة ضجيجك وأفكارك.. لا أحد هنا، لا أحد في عالمك، لا أحد يرافق وحدتك سوى الموسيقى والعبارات الكئيبة والحزن.
”٢٤ يناير ٢٠٢٠“
حديث مع الذات. 📝

View more

Next