من فترة اتشرخت عندي كوباية وعلشان هي جامدة شوية وإزازها سميك فكملت استعمالها وفي كل مرة كنت أحط فيها حاجة سخنة أبقى متوقع إنها هتتكسر بس ألاقيها مكملة . قلت خلاص هي جامدة والشرخ من جوة فمش هيجرالها حاجة وإديت الأمان وبقيت أتعامل عادي ونسيت الشرخ ده لغاية لما فجأة وأنا بحط الشاي سمعت صوت الشرخ بيزيد لحقت أحطها في طبق وعلى طول اتقسمت نصين والطبق أنقذ الموقف من البهدلة. الكوباية دي بالظبط بالظبط شبهنا وشبه علاقاتنا يا بنيجي على حد كتير يا حد بييجي علينا كثير فكرة إن حد بييجي على نفسه وحد تاني معتمد إنه خلاص التاني بيستحمل ومكمل ومتعايش بتبقى لحظة الإستسلام بتاعتها وحشة ودايما بتيجي فجأة. المشكلة انه مش في كل مرة بيكون في طبق يلحق يلم غالباً الأمور بتفرط مرة واحدة لأن محدش انتبه للشرخ بدري وعالجه حاول دايما متجيش على حد بزيادة والاهم متجيش على نفسك علشان خاطر حد مش مقدرك لان فى الاخر هتكره الشخص دة وتكره نفسك كمان
أكبر خطأ ترتكبه في حياتك، هو اعتقادك أن كل الأشخاص سيمنحونك نفس مقدار الحب الذي منحتهم إياه .. فدوام الحال من المحال والنفوس دايما بتتغير مهما كان رصيدك الحلو عند الناس مش كل الناس هتفتكرلك الحلو ومع أول غلطتين تلاته هتبقى أوحش واحد في الدنيا