ربنا معاك انا الى كنت بسللك عن كليه علوم انا بقالى اسبوع خايفه ومش عارفه اخد قرار بفكر احول لانى حاسه ان الكليه صعبه عليا بس بخاف اندم

لا دا العادي جدا دي فترة كلنا لازم نمر بيها لان دا مفترق كبير في حياتنا من الطبيعي جدا انك تخافي مش دايما الخوف بيكون مضر دا ساعه بيكون صحي جدا كون الخطوة لسه جديدة بيولد شيء من عدم اليقين بالاريحيه
دي فترة وبتعدي في أي كليه أهم حاجه التنظيم في الفترة دى دا ال بيفرق هنكمل ازاي بعد كدا نصحتي انك تحضري وتحاولي تكتبي بايدك كل كلمه بتتقال دا هيفيدك جدا حاليا بردو حاولي تقرء كتير في الكتب علشان المصطلحات تثبت معاكي وربنا يوفقك

المشكلة اني مش بفهم الدكاترة بيشرحوا كميات كبيرة ومش بعرف اكتب وراهم بحس ان بكتب كلمة في الشرق وكلمة من الغرب وخايفه الا الترم يتاجل ونعم ابحاث واروح تانيه وانا مش فاهمة حاجة

مش مشكله المقصد أن لو كتبتي جمله او أتنين دا بيعلمك أن المحاضرة ال بعد كدا تكتبي اكتر و بتنظيم زيادة وعلي فكرة الكلام دا مهم جدا ساعات كلمه بتكون مدخل لفصل كامل ودا مش كلام والله دا فعلا كان بيحصل معايا
ثانيا سيبك من الافتراضات الخياليه والكلام دا كله لأن المنهج هيتشرح كله دي معلومه مش تخمين انا اول ترم ليا كان ٢٤ يوم علي فكرة وكل الكورسات اتشرحت كامله علوم غير فان شاء الله خير ودي بدايه جديدة لازم تثبتي لنفسك إنك قدها وربنا يكرمك دايما