Ask @MohamedEldawoody123:

Space ⁦✍️⁩🎼

hagar Ouf ツ
أكبر خطأ ترتكبه في حياتك: إنك تتكسف، أو ما تعرفش تتكلّم عن نفسك، وعن قدراتك، وتسيب الآخرين يقيّموك، وإنت فاكر إنهم هينصفوك ويدّوك حقك!
ماحدش بينصف حد، ولا بيدّي له قدره!
الناس طول الوقت بتحكم عليك من خلال عُقدها، وخلافاتها، ومشاكلها، ومزاجها الشخصي، وغيرتها، وحقدها، لحد ما هتلاقي نفسك فجأة بقيت واقف في منطقة رمادية، مُحرج تتكلّم وتقول إنك أكبر من كده، وفي نفس الوقت مش قادر ترضى بالمكان اللي حطّوك فيه، فتبدأ مرحلة عبثية جديدة من حياتك، مليئة بالصراع والنكوص ومراجعة الذات والإحساس بلا جدوى الحياة والرغبة في تحطيم كل شيء، والعودة لنقطة الصفر من جديد!
عشان كده تفضل مقولة الإمام علي هي الأعظم في مجالها: لا تدعنّ جهل الناس بك يغلب علمك بنفسك.

View more

S♥️🦋p♥️🦋a♥️🦋c♥️🦋e••• !

Manal Elashry (شخصيا)
من أسوأ الحالات اللي عدت عليا .. أو بمعني أصح عشتها كتير وسط الناس؛
إن شخص يبقي عنده ابتلاء كبير جدا و طويل المدي و يكسر الضهر، تشوفه ناس تانية و هو عايش حياته
منزل صوره و هو خارج بيضحك
متواجد في حفلة ما و بيهزر ...
فالناس تصدر أحكامها عليه و يكون تعليق الناس دي :
"ما أهو شكله كويس و بيضحك و يهزر و مش باين يعني عليه المأساه اللي عنده"
و بالجملتين دول يكون استنبط - و يكاد يكون أعلن للي حواليه كمان، إن الشخص ده حاجة من اتنين يا شخص معندوش دم لأنه إزاي بيضحك و شكله مبسوط و عادي كدة ولا علي باله، يا شخص كداب و مأڤور لأنه موصل لنا صورة الكارثة اللي عنده أكبر من حجمها.
إنت عارف الشخص ده لوحده بيبقي عامل إزاي؟
شفته قبل ما ينام؟
حضرت مشهد دخوله أوضته بعد ما قفل الباب و انعزل عن الناس اللي حواليه؟
مستكتر عليه لطف ربنا اللي بينزله علي المُبتلي ؟
مستحرم عليه شوية صبر و رضا ربنا بعتهم له عشان يعدي المحنة؟
ليه كدة يا بني آدمين؟ مال السواد ملا الناس كده ليه؟
ده إنتوا حتي اللي ضهره مكسور واقفين بتتنططوا علي ضهره!

View more

Next