@MohamedEssam556

Mohamed Essam

Ask @MohamedEssam556

Sort by:

LatestTop

لما تلاقى حد المفروض انه مضايق او مخنوق ..وتلاقى كل يوم والتانى بينزل صور وهوا بيخرج او مع صحابه وهو بيضحك ..تفسيرك ايه ؟؟ بيحور مثلا ..ولا مش عاجبه حاجة ولا ايه بالظبط ؟؟

بص يا معلم ..الحقيقة انت سالت سؤال من الحاجات القليلة اللى بتستفذنى جدا
انت مش عارف حالته ايه ولا ظروفه ايه
ومش عارف هو ليه عايز يخرج كتير ..وهل هو مبسوط لما بيبقى خارج وووووو
ولما بيضحك فى الصورة ..انت مش عايزه يضحك يعنى !!! عشان متضايق ميضحكش فى الصورة اللى بيتصورها مع الناس !!
وعشان شوفته بيضحك فى صورة ..او شوفته فى صورة مع صحابه ده معناه انه مبسوط ..او العكس على فكرة برده
بلاااااااااااااااااااااااااااااش حكم على حاجة انت مش عارف ظروفها ايه

متعرفش اختبار حاجة زى تحديد الذات او اكتشاف الشخصية ؟

لول ..بتسالنى انا ..عامة فى اختبار اسمه اظن "جاسم هارون " ده كويس بشهادة ناس كتير يعنى ..وممكن تبعت نتيجته للناس اللى حواليك يقولوك هل فعلا ده انت ولا لاه ..وتبقى محظوظ لو قالولك :D :D

انا من اكتر الحاجات اللى بتضايقنى منك انك ممكن تبقى عارف ان اللى قدامك متضايق ومتسالهوش مالك او تخليه يحكيلك رغم ان اعرف انك بتسمع الناس كويس يعنى ؟

بص انا اسال اه لو حاسس ان فى تغيير او متضايق من حاجة ..لكن مش بلّح عليه انه يحكى او يتكلم ..قيمة الكلام بتيجى لما الواحد يبقى هو اللى عايز يتكلم ويطلع اللى جواه ..اما لو هو مش عايز يتكلم ولا ليها اى معنى ..كل اللى اقدر اقولهوله ان لما تحب تتكلم هسمعك كويس وهبقى مهتم بكلامك ..
لكن انى مش بطلب منه انه يحكى او يتكلم ده مش معناه انى مش مهتم او كده ..خالص ..ده احتراما لرغبته

Related users

ايه اخر حاجة ضحكتك جدا ؟

لسه كنت فى حفلة من يومين وطلع واحد اسمه الخال عشان يغنى اغنية لقيت واحدة ورايا باعلى صوتها بتقوله "يوم التلات بالليل يا خال " الراجل تقريبا مسمعش او عمل عبيط من باب الستر يعنى ..الا انها كانت مصممة الحقيقة ..وقالتها تانى كذا مرة "يوم التلات باليل " "يوم التلات بالليل "
المهم انها طلعت اغنية فى الاخر يعنى ..بس بعد ما خدت مننا حبة ضحك حلوين

ليلى ..هبة.. سارة

مين ..ومالهم؟؟
لو ثلاثى الاتش ار 2014 فهما ناس زى الفل ^^

بص يمعلم انا كان ليا صديقة قريبة منى جداوكنا صحاب جدا وبنقف لبعض فى كل حاجة ولو قلت اننا كنا اكتر من اخوات مش هكون ببالغ وكنا بنقول اننا مهما كان وحتى لما كل واحد يبدا يشوف حياته بردوهنستمر زى مااحنا واكده المهم يعنى انها اتخطبت ومن ساعتها تقريباومبقناش زى الاول وحاسس بتغييرولو بسيط منها ايه بقى ؟؟

بص انا هديلك مثال بحاجة الاول عشان اوصلك اللى عايز اقوله ..
اغلب المشاكل اللى بتسمع عنها بتاع الحموات ..او الام مع زوجة الابن ..فكرتها ايه او بتيجى من ايه ..
طبعا انا بتكلم على ناس معينة مش كله
الام طول العمر ابنها معاها ..فى حضنها ..سواء بيروح مدرسته او كليته او شغله وبيرجع يبات معاها ..يعنى فى اليوم بتشوفه كام مرة وتكلمه كام مرة ..والكلام ده بيخصل كام سنة لحد ما يتجوز ..
بعد الجواز تلقائيا بيبدا الواحد يبعد عن امه ..مش بعد يعنى هجر او تطنيش ..لاه ..يبعد بالنسبة للى كانت متعودة عليه ..ممكن يعدى يوم ميكلمهاش ..ممكن يعدى يومين او تلاتة ميروحش ..
اكيد دور الام لا غنى ولا بديل عنه تحت اى ظرف ..بس دلوقتى تواجد شخص تانى ممكن تحكيله مشاكلك ..وتشركه معاك
مهما كنت انت بار وكل حاجة لازم فى فرق بيحصل ..
وتخيل ده مع مين ..مع امك ..اللى هوا اصلا دينيا بعيد عن صداقة او وعد واتفاق ليها حق ..
وحتى امك ومراتك اللى هما بعاد كل البعد عن ادوار بعض ومكانتهم فى حياة الواحد ..ورغم كده فى حاجات بتبدا الزوجة تاخد دور فيها بالتبعية كانت موجود للام او اى حد تانى قبلها ..
بقولك ده ليه ..
زى ما بتقول انكوا كنتوا صحاب جدا ..وبتشاركوا كل حاجة مع بعض ..وبتتكلموا على طول ..
لما ارتبطت او اتخطبت ..طبيعى جدا ان لما تحصلها مشكلة لازم هتحكيله ..لما يبقى فى موقف وعايز تشارك حد معاها طبيعى انها تروحله الاول
او على الاقل تشركه معاها
فطبيعى جدا انك تحس بتغيير ..اذا كان فى حاجة كانت بتجيلك اول واحد ..دلوقتى طبيعى ان فى حد تانى بقى ليه دورفى حياتها
وفى حاجات كتير هيكون هو الاولى بده كمان
حتى لو كان كل واحد فيكوا فى مكان مختلف
وده مش معنااها خاالص انها تشيلك من حياتها تمااما ..ولو ده حصل تبقى غلطانة
وعلى فكرة انت لو كان الوضع العكس ..يعنى حصل معاك انت ..بردو كانت هى هتحس بفرق
س نصيحتى يعنى ..ان الصور ة العامة هى اللى تفضل زى ما هى
يعنى بتعرفوا اخبار بعض باستمرار ..لو حد احتاج حاجة من التانى يعملها طبعا
وعلى فكرة مينفعش تحسسها انك متضايق من ده ..عشان هتشوفك انانى
كل الكلام ده فى حالة انك بتقول تغيير بسيط اللى هوا اانا شايفه طبيعى طبعا ..
اما لو اختلف 180 درجة فهو محسوم خلاص

View more

belnsba lel so2al ely fat enta 2olt 7sb dma8ha ..bs ana 3yz a3rf el s7 ? ..y3ny esm7ly lw 5tebtk mslan tz3al law wa7d gblha hdya wla 3ady ? (hdya 3adya tb3n)

بصراحة انا معرفش هل فى حاجة صح صريحة يعنى ولا لاه ..بس انا قلت رايى يعنى بعيد عن موقفى ساعتها ايه
لانه برده هيبقى على حسب الموقف

b2olk eh ..lw ana w w7da zmelty 2e4ta so7ab y3ny w bngeb l b3d hdaya w kda ..lma hya trtbt 2w tt5tb 2btl ageb hdaya 2w hya htrfod ta5doha ?..wla talama kant bt2bl 2bl kda yb2a 3ady eshta ?

والله ده على حسب هى ودماغها ايه ..وعلى حسب الهدية كمان

ايه هى اكتر أية فى القرآن سمعتها حرّكتك او هزتك او حسيتها اوى ساعتها ؟

"اهدنا الصراط المستقيم"
كان تقريبا فى السنة اللى فاتت ..وكان الشعار بتاع خواطر فى السنة دى كان كده باين وكان عاجبنى جدا جدا
وكنا فى جامع عمرو وعادى والشيخ بيقرا الفاتحة ..بس فعلا قرا الاية دى بصيغة دعاء وتبتل جدا
انا سمعتها منه وسرحت فيها باقى الركعة كلها تقريبا
رغم انها اية صغيرة وبتتقال فى كل ركعة ..بس كان اول مرة اسمعها زى ما قالها كده
ربنا يكرمه ويجازيه خير ..ويهدينا جميعا للصراط المستقيم

eh elle enta nwyt enk t3mlo w t8yro

بخصوص ايه ؟؟
لو بشكل عام انا من الحاجات اللى ان شاء الله هعملها يعنى انى هبطل او اقلل من انى اعرض مساعدة فى حاجة
اللى محتاجنى فى حاجة يطلب وهساعده او اعملها عادى جدا ..بس هوا يطلب انا مش هعرض

هو اكيد بيبان لان كان زمانك ارتبطت بس انت فعلا حبيت كام واحده ولو قولت لحد منهم قولى

ولا واحدة

ايه اكتر حاجة دلوقتى اتمنيت انها تكون حاصلة وهى مش حاصلة

اكتر حاجة فى الوقت الحالى
على الرغم ان فكرة انى اصغر سنا دايما من المحيط اللى حواليا دى موجودة من وانا صغيروكانت حاجة بتبسطنى دايما ومش مضايقانى تماما بس احساسى فى الفترة دى يعنى اظن لو كنت اكبر سنتين تلاتة كان ممكن فى حاجات تبقى مختلفة
لكن ده ظن ليس الا :D

انت حبيت كام بنت ف الكلية وليه مقولتلهمش ؟

!! انت\ى عرفت\ى منين قولتلهم ولا لاه
بس عامة يعنى الكلية أبت انها تربطنى باى حاجة حلوة بيها الحقيقة

يوم خطوبتك و فرحك ايه اكتر حاجة مجنونة نفسك تعملها ؟

انى مروحش يومها اصلا

لو الواحد مخنوق ايه اكتر حاجة تنصحه يعملها ؟

LOOOOOOOOOOOOOL =D =D
جايلى انا :D
على العموم نصيحة يعنى ..ادعى بظهر الغيب كتير ..
انا لما مثلا بدعى لحد معين كتير ..انا شخصيا بحس انى ارتحت ولو مؤقتا

GATE 13 ..GATE 14..GATE 15 اوصف كل حاجة فيهم بالنسبالك

التلاتة سنين دول عاملين زى المراحل اللى بيمر بيها اى انسان "طفولة -شباب-شيخوخة" :D
جيت 13 لسه عيل ورور معرفش حاجة وبتعلم والناس الكبار بيعلموك وبيزغطوك وانت بتسنن وبتحاول تتعلم المشى ..
جيت 14الواحد كبر شوية ..بقى شباب وفيه مسئولية وعايز ينطلق ويثبت نفسه وجيل كله فى سن بعضه فالطموح عالى وجواه طاقة كبيرة جدا وحماس رهيب
جيت 15 مش شيخوخة ..بس الواحد كبر اكتر بقى خبر اكتر ..مش كبر انه يتعلم ..ابدا ..بس بقى من الناس الكبيرة فى المكان اللى ممكن الناس ترجعله وتساله وبقى من عناصر الخبرة اللى موجودة ..بس طبيعى طبعا مش بنفس الحماس او الطموح
بس كده :))

مؤمن ان فى حاجة اسمها صدفة او ان ممكن حاجات فى حياتك تحصل صدفة ؟

جدااااااااااااااااااااااااااااااااا بقى
هى طبعا مترتبة من عند ربنا
لكن بالنسبالنا صدف
واانا مؤمن بيها جدا وبستمتع بيها جدا وحاجات كتير فى حياتى حصلت صدف

انت ياعم من اول السنادى وانت حاطط صورة الكافر دى ..مشفتش حد فضل مثبت الصورة بتاعته كده مش هتغيرها ؟

وانت زعلان ليه !!!!!
هفضل حاططها كده لحد اخر شهر 12 ان شاء الله عشان كل ما افتح الاقى الناس اللى فيها فى وشى

انا عارف ان من ضمن الحاجات اللى كان نفسك تعملها انك تمثل :D قولى بقى كنت تحب تمثل فيلم ايه ؟

تيتو

مين الحد اللى انت حاسس انك ظلمته ومدتهوش اللى يستحقه ؟

مراتى فى المستقبل طبعا ..
لانها قعدت طول الفترة دى من يوم ما اتولدت لحد الجواز من غيرى محرومة منى

ايه اللى نفسك تعمله دلوقتى

ان اقفل اكونت الفيس ومفتحوش تااااااااااااااااااااااانى
Liked by: Ana Mazo

طب وهل لقيت حد تقدر تعتبره كده زى اختك الكبيرة ..؟

اها الحمد لله :))

3- سبع حاجات بتكرههم في شخصيتك

7 كتير يا عم
وفى حاجات مش هينفع اقولها
بس ممكن تاخد عندك
متردد
بخلى حاجات مهمة على حساب حاجات اهم منها
السيلف ليرننج وحش جدا
ببص للجانب السلبى اكتر من الايجابى
اهمال فى الدراسة بشكل كبير
يعنى دول اللى جم فى دماغى ..وفى حاجات طبعا مقدرش اقولها
Liked by: Ana Mazo

Next

Language: English