لو خطيبك قال عنده شقة وهيعملها خلال سنة والسنة خلصت ومعملهاش ومش ناوي يعملها ويقول لبابا نعقد ف ايجار وملهوش شغل ثابت ؟ في الحالة دي بابا لو نهي الخطوبة كدا يبقي ظالمه !؟
هي الاسعار دلوقتي ولعت وممكن يكون كان عامل حسابه على مبلغ والدنيا وسعت منه ، فأنتي أقرب حد ليه وأدرى بيه فلو أنتي شافه انه قد المسئولية و هيقدر يصونك بعد كدة كملي معاه وربنا يكرمه ويشطب الشقة براحته
جبت الشهاده وجبت تقدير مقبول وحزينه لدرجه انى مش عايزه أخرج للعالم تانى..انا مش فاشله بس انا مكنتش بحب الكليه دي ولا كانت ف بالى اني ادخلها ابدا..كان فى مشاكل كتير ف حياتى كانت سبب انى مدخلش الحاجه اللى بحبها..وأخرتها برضو فشلت ليه بيحصل كده💔💔💔💔💔
اقفلي الصفحة دي وابدأي صفحة جديدة في حاجة انتي حباها ووالله التقدير مابيفرق قصاد انتي بتعرفي تعملي ايه انا عمري ما روحت انترفيو و حد قالي انت تقديرك ايه ، اهم حاجة تشتغلي على نفسك وتثبتي وجودك
زي ما فيه ناس معاملتها بتتغير من غير سبب، فيه ناس بتتغير بعد تعب ووجع كبير كتموه جواهم بسبب أفعال اللي قدامهم، بعد ملل من الانتظار ومن العتاب اللي مفيش منه فايدة.. زي ما فيه ناس بتتغير وبتكون ظالمة، فيه ناس بتتغير بعد ما بيتعرضوا لظلم كبير؛ لمجرد إن ذنبهم إنهم كانوا بيحاولوا يعدوا ويفوّتوا عشان الحياة تمشي؛ عشان مكنوش بيقفوا على كل غلطة ويحاسبوا ويحاكموا اللي قدامهم؛ عشان يكتشفوا بعد كده إن تضحياتهم- اللي كانوا حتى مبيعلنوش عنها- بقت حق مُكتسَب للي قدامهم خلاص! الألم بيغيّر صاحبه، غصب عنه، بس ظلم كبير أوي إنك كمان تلوم المظلوم؛ لمجرد إنه "اتغير" بعد كل اللي شافه.
أعتقد إن أهم تجليات المحبة إنك تحرص على الحالة النفسية للي بيحبوك.. لكن إنك تكون مؤذي نفسيًا ليهم، وبتدّعي الحب تجاههم في نفس الوقت، بصراحة دي حاجة متتصدقش أبدًا.