لما تبقا مدايق من غير اى اسباب حقيقة وعندك امتحانات فاينال بعد ١٠ ايام كنت بتعمل ايه يا هندسة🥲
والله أنا -للأسف- اتعودت إني حتى لما ببقى متضايق، برضه بعمل الحاجة اللي عليا.. سواء كانت مذاكرة أو شغل.اتعودت أضغط على نفسي حتى لما ببقى مش قادر أعمل الحاجة.. وبعد أما أخلص الحاجة اللي ورايا بحس إني ارتحت جدا وإني أنجزت و هووووف أتنفس الصعداء.. وأقوم بعدها مكافئ نفسي 😃(بالنسبالي) بقيت أحط في دماغي إني لما أخلص اللي ورايا هقدر بعد كده أشوف باقي المشاكل اللي مزعلاني وأقدر أتعامل معاها. لكن هكون مضغوط وورايا مسؤوليات وحاجات عايزة تتعمل، وكمان زعلان ومتضايق.. كده مش هنخلص 😅أنا مش بقول أن اللي بعمله ده صح.. لأن ده مرهق جدا نفسيا وجسديا.. لكن ده اللي عودت نفسي عليه.بعمل اللي عليا أخلصه، وأشغل جنبي قرآن أو أغاني.. وبعد كده نشوف الزعل ده بيقول ايه.
النهارده وأنا بتفرج على تكريم أسر الشهداء تزامنًا بالاحتفال بيوم الشهيد.جه في بالي المواقف اللي كنت بمر بيها لما كنت في الجيش، لما كانت بتجيلنا إشارة عن استشهاد فرد مننا. ونظرًا لأني كانت فترة خدمتي في الجيش في مكان ما، فكنا احنا أول ناس بتتلقى خبر الاستشهاد من الوحدات.لسه على بالي أماكن استشهاد الشهداء في سيناء لما قرأت أسماء الأماكن دي على التلفزيون، وكأني لسه كنت امبارح في الجيش. لسه فاكر الخروبة والمقاطعة وسبيكة وجلبانة وكرم القواديس، وأماكن كتير في سيناء. لسه فاكر أسماء الشهداء اللي جالي إشارة وخبر استشهادهم وأنا في الجيش، ولسه فاكر المشاعر اللي كانت بتبقى عندنا وكانت محاوطة المكان كله وقت وصول الإشارة لينا.ربنا يرحم الشهداء ويسكنهم الفردوس الأعلى مع النبيين والصديقين والصالحين وحسن أولئك رفيقا.. ويعفو عن مصابينا.. وينزل الصبر والسلوان على جميع أهالي وأسر الشهداء والمصابين.
انا طولي ١٤٣ سنتي و عارفه اني قصيره جدا
بس انا دكتوره امتياز .. النهارده و انا في المستشفي النايب بتاعي قعد يتريق عليا بهزار قعد يقول هاهاها بس انتي قصيره اوي انتي مش باينه محدش من العيانين هياخد باله منك دا انا لو زعقت هتطيري
انا خدتها بهزار و ضحك بس انا متضايقه جدا
نايب ده يعني معيد أعتقد.. بكل بساطة اديله وش خشب وحسسيه إنك مش متقبلة الهزار ده، وهو هيفهم لوحده وممكن يعتذر كمان..على الجانب الآخر.. كونك طولك 143 سم ده مش شيء وحش خالص.
طولك كام سم؟
174 سم
وسيله هروبك من الزعل؟
في الأغلب برهق نفسي في الشغل، ويكون معايا حد من قرائنا القدامى يونسني.
Space ♡
ساعة جامعة القاهرة التاريخية، وفي الخلفية تظهر القبة.. أيقونة جامعة القاهرة.
لو معاك سعر ال 14 برو ماكس هتجيبة !
لالا برو ماكس ايه! ده أنا أجيب بيهم مقدم الموتسيكل أفضل 😂
كنت مفكر إني لما اتخرج بقى هروح من الجامعة بدري وكده.. حاليًا، لسه خارج من الجامعة من شوية 😂على الجانب الآخر.. القبة شكلها لطيف للغاية بالليل.. بغض النظر إن الجامعة هادية جدا جدا لدرجة الرعب 😂😂