حضرتك تروحي اقرب فرع ليكي وتقوليلهم عاوزه اعمل استماره واتعرف علي النشاطات وحد من هناك هيشرحلك النشاطات وتختاري النشاط اللي حابه تنضمي ليه متاح ليكي 3 نشاطات فاكثر وربنا يعينك بقي وتعملي اللي تقدري عليه بس انتي من فين ؟
طول ما انا موجود في رساله باضحك من قلبي واكتر مره كانت وانا في دار المسنين وام من امهاتنا هناك قعدت تدعيلي واول ما دخلنا عليهم كان شكلهم مكتئب فقعدنا نحاول نضحكهم ونخرجهم من اللي هما فيه فمجرد ما ضحكوا وضحكنا معاهم دي كانت اكتر ضحكه من القلب فاكرها بعد ما كانت الضحكه بتخرج بالعافيه ومن غير نفس
ازاي يكون داعيه اسلامي وبيستفزني ؟ هيا الدعوه للاسلام فيها حاجه مستفزه ! هيا ممكن تكون راحه نفسيه مش تكتر يعني ممكن شخص معين ما اكونش مرتاحله نفسيا ف ما بحبش اسمعله لكن دا ما يدلش انه بيقول حاجه غلط او مستفزه ..... والراحه النفسيه دي من عند ربنا .. وممكن في لحظه نفس الشخص اللي انت مش مرتاحله دا تشوفله فيديو بالصدفه ف تحبه من خلاله زي ما حصلي مع بعض الشيوخ وشكرا :-)