Ask @MohammedEldosuky:

انا اتخرجت يا دوك و من مدينه مفيهاش وظايف لكليتنا ، حاسه اني ضيعت تعليمي كده ومش عارفه اعمل ايه 😓

لو تعذر السفر لمدينة القاهرة مثلا
فمجالنا بيسمح بحاجة اسمها
FREELANCE
دوري ع الجوجل

View more

هو الأحسن إني أتعامل بشخصيتي المتساهلة في الشغل عشان برتاح أكتر رغم إني ممكن أتحمل شغل أكتر من نصابي ولا كدا هبل زي ماوالدتي بتقول ولازم أحدد شغلي بالساعات وأعامل الناس بانضباط جدا ومأديش أكتر من شغلي (ودا مش بيخليني مرتاحة أوي)؟

خير الأمور الوسط
حكاية التعامل رسمي دي كويسة بس هايكون صعب في بلد زي مصر
اللي كل حاجة فيها ماشية بالبركة
بصفة عامة التساهل والتغافل والتسامح أفضل
بس مش كل الشخصيات تقدر على كده
الخلاصة : الواحد يتسامح ، بس يبقى معروف إن لو وقع ظلم الواحد هايقلب الدنيا

View more

والدي ظالم لأمي ولنا وبنشحت منه النفقة .. أنا بنت وقدامي إني أدي درس خصوصي في غير تخصصي وهايحتاج أضغط على نفسي جدا عشان أدرّسه .. هل أفضل أتخانق مع بابا عشان احتياجاتنا ولا أدَرّس وخايفة يستسهل ويبطل يصرف عليا زي ماعمل مع اخواتي وأخد من فلوسهم كمان؟!

كونك تشتغلي وتستقلي ماديا دي حاجة كويسة
ومهما حصل بابا وماما لهم كل الإحترام والشكر وكل الفضل في المكانة اللي وصلتي ليها
اشتغلي و كمان تبقى تودي والدتك بجزء من دخلك ولو بسيط
وصدقيني يمكن ده منظورك دلوقتي عن بابا
ولما هاتكوني في مكانه وتكوني أم وليكي أولاد إن شاء الله
ممكن تتفهمي هو بيعمل كده ليه
الحياة صعبة وممكن يكون مش بخل قد ما هو تدبير

View more

يا دكتور بعد اذنك لو انا مابحبش القراءة بس عاوز اتعود عليها ايه اكتر كتاب ممكن يكون ف شغف يخلينى اكمله للاخر و اقدر استفاد منه ؟

اقرأ المجلات .. أعداد القديمة لمجلة الشباب كان فيها مقالات لكبار الكتاب
ممكن تشتري المجلات القديمة بالكيلو

View more

ايه هيا كل الاغاني التحفيزيه والالهاميه اللي بتحب تسمعها يوميا او حتى بتحب تسمعها في اي وقت عادي

The Doors - Break On Through (To The Other Side)
https://www.youtube.com/watch?v=qyHO6fkvEGU
Bobby McFerrin - Don't Worry Be Happy
https://www.youtube.com/watch?v=d-diB65scQU
Noah and the Whale, 'Give a Little Love'.
https://www.youtube.com/watch?v=y0abYKwRWlU

View more

من وجهة نظر حضرتك مين أحسن رئيس حكم مصر ؟

مافيش غيره
الملك مينا
ويعرف أيضا بألقاب أشهرها :
موحد القطرين
و الملك العقرب
و نارمر
و حور آحا= الصقر المحارب
=================================
المراجع
http://www.ancientegyptonline.co.uk/hor-aha.html
و
http://www.videoyoum7.com/2013/09/13/%D8%A8%D8%A7%D9%84%D9%81%D9%8A%D8%AF%D9%8A%D9%88-%D9%82%D8%B5%D8%A9-%D9%85%D9%84%D9%83-%D8%A7%D9%84%D8%A7%D8%B9%D8%AA%D8%B1%D8%A7%D8%B6-%D8%A2%D8%AD%D8%A7-%D8%B9%D9%86%D8%AF-%D8%A7%D9%84/

View more

انا عايز اتقن لغه برمجه بس محتار مابين انى اتعلم الجافا او السى شارب....ماعرفش كتير عن استخدامات كل لغه فيهم وايه الى بيميز كل ولغه عن التانيه ودا الى محيرنى من الاخر :)

العصفورة بتقول لي إن لغة الجافا تناسبك
توكل على الله

View more

لو سمحت يا دكتور ازاى اشترك ف مسابقه ال ACM او اعمل ايه وازاكر ايه علشان اكون مؤهل انى اشترك فيها !

مبدئيا ممكن تتابع الصفحة دي
https://www.facebook.com/ACM.Mansoura.SC
والموقع ده
http://msc.hosting.acm.org/
-----------------------------------------
وان شاء الله يترفع عليهم حاجات تعليمية مفيدة

View more

دكتور انا عايز اقدم ماستر اقدم فى جامعة القاهرة ماستر هندسة البرمجيات ؟؟ دا لسا جديد هل دا كويس ولية مستقبل ولا اقدم ماستر علوم حاسب ؟؟ زى تخصصى

علوم حاسب أشمل
ولو محتار
اعمل حادي بادي

View more

لو سمحت يا دكتور نصحتني قبل كده بكتاب ولدي صعب ماذا أفعل بس مش لاقي له نسخة علي النت يا ريت تقول لي حضرتك اشتريته منين ؟ أنا عاوز النسخة العربي

في كل المكتبات
وممكن تستعيره مني بس فكرني اجيبه معايا

View more

عاوز نصيحة يادكتور انا ف سنة تانية وفى مواد فيها نظرى ومش عارف ازاكرة اعمل ايه ؟

هاقول لك الوصفة السحرية من 3 خطوات، ومجربة من أيام جدي وجدك
1-اقفل الفيسبوك والأسك ، الأحسن تقفل الموبايل
2- هات طبلية وحط عليه الكتاب
3- دح

View more

Next