Ask @MohammedHatemAlqurani:

Space 🐥🖤..

Alyaa muhammed
تعال نتخيّل بدل منتا تعبان في هالواقع الصعب واللي بتعّب وبهدّ الحيل وبرهق العقل إتركه وخلينا نسرح في خيالنا شوي ، نتخيّل انه درسنا وخلّصنا دراسة ، اشتغلنا الشغل اللي درسنا وتعبنا علشانه ، أخدنا المُرتَب اللي رح يحققلنا حياة سعيدة ، ركبنا سيارة احلامنا ، ارتبطنا وتزوجنا حد مستعد يعيش معنا ، اللي من ضحكة حسينا انها رح تكمّل بقية حياتنا ، سكنّا بيت الطموحات ، وعشنا انا واياها وبنتنا الحلوة وابنّا في هالبيت وقف وقف شوي مش حاسس انه الموضوع اوڤر ودراما شوي ؟ طيب تخيل ان كل هالأحلام هاي هي مجرد امور اساسية في حياة أي بني آدم في العالم دراسة وشغل ومسكن وزواج ، اشياء اساسية في حياة اي بني ادم ، بس في واقعنا إحنا بنعتبرها طموحات او حتى احلام ... أحلام شو حتى واحنا بنحلم نقزنا وحسينا حالنا بنأڤور.
الحمدلله على كل حال

View more

مساحه 🍁

Hafez
الرومانسية في الاردن مرتبطة ارتباط تام في الأكل والشرب فمثلاً واحد من اقوى المشاهد الرومانتيك بين الشاب الأُردني وحبيبته عند سؤاله لها " أكلتي؟ شربتي؟ "
هنا دليل واضح وصريح على حُب كبير يجمعهم نابع من اعماق القلب ، اما صاحب مقولة " طيب والله ما باكل اذا ما بتاكلي" فهذا هو الجنون بحد ذاته ❤️❤️

View more

_

نآر
اهم قاعدة في الدنيا ان كل شيء في الحياة نصيب , وان كل شيء نفسك فيه ومقدرتش تحصل عليه فربنا معوضك بشيء بنفس اهميته مقابله , وكل شيء انت تفتخر بوجوده عندك ربنا حرمك من شيء ثاني نفسك فيه مقابله , نصيبك ممكن يكون في اهل طيبين ربوك احسن ترباية , او في اولاد بارّين انت لسا ما قابلتهم , وحتى الاشخاص اللي يتحملوا كثير هموم ومسؤوليات ربنا رازقهم بصبر ونضج وتحمّل بالمقابل , ومهما حاولت واجتهدت وتمكّنت من القوة والشراسة بالدنيا مش حتقدر تفوز في شيء مش نصيبك , وكمان مهما كنت ضعيف مش حتخسر ولا رح يروح عليك شيء هو نصيبك وربنا كاتبلك إياه فتأكد دائما ان النصيب هو اقوى قانون بالحياة.

View more

-

واحد من أسباب انعدام ثقتنا بنفسنا وعدم تقدمنا وتميزنا بالحياة انك بتعيش حياتك وانت بحكولك ادرس عشان تنجح وتقهر فلان ، دير بالك ترسب وتشمّت فينا فلان ، شدي حالك واخطبي عشان ما يحكوا عنك عنّستي ، اتجوز وحدة حلوة واقهر كل قرايبك ، فانت وانتي بتكبروا وبتبطّل تسمعها من الناس ، انت بتصير تحكيها ، بتحكي لمرتك تحترمك قدام اهلك عشان شو يحكوا عنك اخوانك وخواتك ، وهي بتقلك تجيبلها موبايل او بيت عشان شو تحكي عنها أُختها ، وبيجيك اولاد وبتخليهم يدرسوا عشان يجيبوا معدل اكثر من اولاد اخوانك واخواتك ، مع انه فعلياً تعبك الك وشغلك الك ودراستك الك وزواجك الك وحياتك الك بس انت بتعيش وبتموت وانت خايف من الناس فما بتسلم منهم ولا بتتذكر تهتم بنفسك وبتخسر كل حياتك بين هون وهناك.

View more

"مساحة" ..،! 💕

sarah salim
أفتقد هيئتي الأولى ، أيامي القديمة و مذكراتي ،،،
أحن إلى وجه الشوارع التي ظللت أعواماً أمرُ عليها يوماً بيوم ،
إلى الأغاني الحزينة في مذياع السيارة ، للأصدقاء حين لم نكن نملك سوانا ، وللمرآة .. حيث كنت أشبه نفسي !

View more

رأيك بالبنت الغير محجبة?

هسا سيبك من البنت المحجبة او لا ،، مجتمعنا وعاداتنا وديننا بقولك يا بنت تحجبي ،، فهي لو ما تحجبت راح تتحاسب بالقبر لحالها ف ملناش دخل ،، وبالمرة ما الها دخل انو البنت المحجبة محترمة اكثر من البنت المش محجبة ،، ياما بنات محجبات وعرفو شباب اكثر مني وياما العكس ف الشغلة شغلة تربية ، بس حلو تكون محجبة اكيد
الموضوع الزفت كثير هو انّه في شباب بكتبو ع الفيس بوك تأييد نزع حجاب البنت و حثها على حريتها بالّلبس , بس هو نفسُه الي بحشُر أخته اسبوع كامل شلاليط بغرفتها عشان ما طلعتش بالحجاب ؟
اغلب افراد مجتمعنا الداشر عبارة عن آبلكيشن , بتقدَر تنزله وين ما بدك و تطبّق عليه بشتّى انحاء المعمورة , بس عند أخته بوقّف و بصير ليونارديس تبع 300 Sparta

View more

Next