دايما هييجي فترات تحس انك لوحدك، ودي حقيقة ولكن مش بشكل حزين ولا علشان الصحاب في اجازة و احنا فترات في حياة بعض وكدا لأ .. ولكن علشان الرحلة فردية بشكل بشع، مهما حاولت تدخل فيها اهلك و صحابك و حبايبك هتيجي نقطة معينة هيبقى انت بس، انت اللي تقرر هتكمل ازاي في رحلتك دي .. فـ اجمد كدا و اقعد حل مشاكلك مع نفسك و متستناش حد يسقفلك علشان تكمل او تحس بقيمة نفسك.
قرأت جملة بتقول "عاتب اللي يقدر عتابك" وفعلاً مش أي حد يستاهل إنك تعاتبه، اللي يستاهل عتابك هو الشخص اللي بيقدر كلامك، اللي بيقدر إنك باقي عليه ومش عايز تخسره، اللي بيقدر خوفك عليه، أما اللي ضمن وجودك وبيعاملك علي مزاجة فدا ميستهلش إنك تعاتبه ولا تهلك نفسك معاه ثانية واحدة.