اتفق معك بس في تعليق ليس بالبسيط هو ان مبادئك تتشكل بناء على عقيدتك اذآ هي ليست امور نسبية وبعض واغلب المجتمعات ترفض بعض هذة المبادئ وانا المغزى من كلامي ان العزلة هي اثمن شئ اذا كانت في اطار الافادة.
في أمور في الحياة مالهاش علاقه بالعقيده خالص علشان كدة بقولك لفظ نسبية . الانسان في الحياة دي وجوده مؤقت و ده سبب كافي يخليه ميدخلش صراعات فكريه و نفسيه هو اصلا متوجدش علشان يبقى في الصراعات دي ، حسب عقيدتنا مثلا الانسان اتوجد ليكون خليفه الله في الارض و يؤدي الفروض اللي الاسلام فرضها عليه و كذلك يتدبر في الكون و خلق الله ، يعني في سبب لوجودنا ، حتى لو وجود مؤقت ، ربنا مقالش خوض صراعات و حروب و انقسامات ، بالعكس اكتر حاجة ربنا اكد عليها هي ان الانسان يسير في الارض و يتدبر كل شئ من حوله و عندك القرأن بيفسر كل شئ في الوجود ، يعني كل شئ مُحكم و الانسان الشاطر اللي يقدر يجتاز الحياة بنجاح او خلينا نقول اختبار الحياة .
وعي الانسان ومبدأه بيتشكل من البئة الي حولية يعني من المجتمع ولكن دا لغاية سن معين بيبدأ الانسان يكون اكثر نضج ويبدأ يفرق...... وبناء علي تفرقته دي يقدر يحافظ على مبدأة ويتكيف مع المجتمع بأسلوبة هو .
المبادئ اغلبها نسبيه ، يعني قابله للتغير و للشك ، في مبادئ الشخص بيعتنقها و صعب جداً يغيرها و بتبقى مبادئ دينية او عقائدية ، انما اي مبادئ تانية مُكتسبه من واقع الحياة عادي تتغير بتغير الوقت و الزمان و المكان ، حتى ربنا سبحانه و تعالى لما انزل القرأن كان وقتها نازل للماضي و الحاضر و المستقبل ، لان تفكير الانسان و تشكيل وعيه و مبادئه في تغير مستمر ، تخيل بقى تفكير الانسان اتغير كام مره من العصر الحجري لحد عصرنا الحاضر !! الإنسان صعب يضع لنفسه مبادئ و يثبتها و يحاول يعملها عملية تكيف مع المجتمع اللي فيه ،، الظروف بتتغير ، يعني مش عيب الانسان يغير مبدئ من مبادئه طالما مش مبدئ عقائدي او ديني ،، لان الحياة بتجبرك على كدة ، انت لحد ما توصل للحظة الموت بتتعلم و وعيك بيكتسب حاجات جديدة .
لا فكرة انك تتخلي عن مبدائك لمجرد انك عايز حاجه اوبتطمح انك عايز مثلآ المركز دا او كده ... حضرتك كدا معندكش مبداء اصلا علشان تتخلي عنه........... حضرتك فهمت وجة نظري خطأ المقصود هو انه اذا اردت ان تكون جزء من مجتمع فيجب عليك انك تتنازل عن حاجات كتير.
تمام لما اكون عايز اكون جزء من مجتمع ما ، بقدم تنازلات عن بعض المبادئ علشان اقدر اتكيف مع عادات و تقاليد المجتمع . تمام بس بص كدة على عادات و تقاليد المجتمع ده هتلاقي اللي شكلها الناس اللي فيه و تأثير وعيهم عليه ، فأنا علشان اتنازل عند مبدئ في حياتي علشان ادخل المجتمع ده ، كدة تتحسب عليك انك تنازلت عن بعض مبادئك علشان انت عايز كدة او هدفك كدة اصلا من الاول ، يعني بمزاجك ماحدش غصب عليك تتنازل ، و الاهم من ده كله هو الانسان وعيه و مبادئه بتتشكل ازاي و بتتأثر بإيه !!
- سبحان الله والحمد لله ولا اله إلا الله والله اكبر ولا حول ولا قوه الا بالله العلي العظيم
- استغفر الله العظيم الذي لا اله الا هو الحي القيوم و اتوب اليه
- حسبي الله لا اله إلا هو عليه توكلت وهو رب العرش العظيم
- اللهم صلي وسلم وبارك على سيدنا محمد عليه افضل الصلاه والسلام