Ask @Moon261:

شلون اصير ام عظيمة حق نفسي وحق اطفالي ؟

حبي نفسج وحبيهم❤️، احضنيهم ❤️، امدحيهم وذكريهم دايم بكل شي حلو فيهم ❤️ناقشيهم وحاوريهم وكوني صديقتهم ، اعطيهم حق الاختيار والتجربة ، علميهم كيف يحبون انفسهم بدون انانيه ، كيف يستمتعون بأبسط الأشياء من حولهم ، كيف تكونين الأمان والملجأ لخوفهم وضعفهم ❤️

View more

السلام عليكم ـ يسعد صباحك ـ بغيت خدمه ـ ممكن تدليني ع مشاغل ميك اب وتساريح بالشرقيه ـ واذا تعرفين مشغل منال ـ مشكوره مقدما

عليكم السلام ، وصباحج يارب بكل خير
ماعندي خبرة كثير للأمانه لكن مانتعامل الا مع النصف الآخر بالخبر ويمدحون بعد دار الموضة

View more

- قُلوبنا ليست سوداء ولگنّنا لا نُريد رُؤية وُجُوه أساءتْ لنا يوماً..!? تكلمي عن مايجول بخاطرك

مافي أحد يحب يقابل شخص أساء له وضرّه
لكن نسامح عشان انفسنا لأن شعور الضغينه جداً مرهق ، نسامح لأننا نستحق نكمل حياتنا بنفوس راضية بدون شي يشوبها مو لأنهم يستحقون .
وصباح الخير ?

View more

كيف برنامجك اليومي

أقوم الساعه ٥ اجهز ملابس عيالي وشنطهم وفطورهم
يطلعون للمدرسة ، اطلع بعدهم للدوام
ارجع الساعه ٣ نسولف شوي عن يومهم واش صار معاهم بعدين نبتدي دراسة عشان يجي ابوهم وهم مخلصين ويمديهم يلعبون
هم ينامون بعد صلاة العشا بعدها تكون لي ساعه لنفسي
اتقهوا ، اقرا كتاب ، اسمع سنابات احبها
وبالكثير ١٠ انا نايمه وبس ?

View more

Next