Ask @Moon733:

🌸..

•||هذيآن||•رآيونيس❀.
فى طرق فى حياتنا بنمشى فيها من غير ما نقدر نقررهل احنا اخترنا فعلا
بإرادتنا و لا فجأة بنلاقى نفسنا فى طريق ممنوع الخروج منه ، مش ممنوع
لأسباب خارجة عن إرادتنا .. لا ..
ممنوع لأن إحنا عايزين نكمل ، عايزين نعيش كُل لحظة فى الطريق دَا ايا كانت
النهاية ايه .. متمسكين بكل حاجة فى حتى لحظات القلق اللى بتكون مختلفة ،
حتى الخوف بيكون على خسارته أو على فقدانه مش منه ..
بنعيش مشاعر لأول مرة بنمر بتفاصيل جديدة بنلاقى سبب نصحى و نعافر و
نصبر و نكمل عشانه ، مع العلم و الإدراك إن مفيش شئ أو قاعدة تأكد ضمان
و بقاء أى طريق .. و مع ذلك مستمرين و بنحلم و نسعى و ننتظر .. ❤️❤️
لأن محدش فينا عارف أى يوم هنقابل الفرح فى ، بس المشكلة و الخوف أن يوم
ما نقابل الفرح من خوفنا عليه نفقده أو من خوفنا من الطريق نضيعه و نتوه ..
الحياه أيامها مش بتتعاد و لا تفاصيلها بتكرر و لا كلها سهلة و الأحلام فيها
ممكنة و لا كلها صعبة و الأحلام مستحيلة .. الحياه وسطية بين كل اللحظات
و كل الأحلام بين الأمل و بين الأحباط و اليأس اللى احيانا بيتخلل حياتنا
بس فى الأخر ربنا بيعوضنا ، بيعوضنا و بيبدل أحزانَ فرح بيرضينا
و بيراضى قلوبنا و بيجبر بخاطرنا .. ❤️❤️
#بقلمى
#منال_السيد

View more

إِروِ إحكِ وبُحْ بمَا فِيْ قلبِكْ . .

آرِنْ الفَآتح☽﮼أَثرٌ ﮼وَضَّآء✨
يمكن أحيانا بنفقد البدايات و بنفقد معاها أحلام نفسنا نعيشها لأن مش عارفين نبدأ
أو جايز خايفين نبدأ بنفقد الشغف تجاه كل شئ و فى نفس الوقت بيكون فى قوة
مضادة بتعاكس كل دا فى شغف جوانا فى احلام فى تفاصيل لبدايات ، جايز
مشوشة و مليانة تفاصيل بس بنقف عند الخطوة الأولى ..
و رغم كل دا بنلاقى إن ربنا بيسبب الأسباب بيحطنا فى أماكن فى الأول
بنفكر إن ليه احنا بس بنعرف بعد فترة كان ليه كل دا ، اه مش دايما
بنعرف حكمة ربنا من كل شئ بيحصلنا بس المهم إن نكون على يقين
إن كل شئ لى حكمة و قدر ..
حتى الأشخاص اللى بنعرفها فى حياتنا مفيش حد وجوده صدفة ، كل
حد لى رسالة فى حياتنا ، لى أثر ، و مش شرط أثر الأشخاص بوجودها
أحيانا بيكون فى أشخاص أطياف من بعيد صورة ليهم بتظهر و بتغير
شئ حياتنا ، شئ يمكن محدش يقدر يلمسه أو يحسه غيرنا بس الأكيد ،
إن كل شخص لى أثر باقى لى ذكرى و تفاصيل ، كل شخص صورته
مرسومة فى خيالنا و لو من بعيد ليها سبب ..
ساعات بيكون خيالنا شغال أكتر من اللازم بيرسم 100 ألف حاجة
حواديت و قصص و سفر و أشخاص و رحالة بيرسم أدق التفاصيل ،
اللى لسة متعاشتش ، بس فى مقابل كل دا بيسرق منك كل لحظة
بتضيع فى التفكير و الخوف بيسرق منك لحظة البداية الواقعية اللى
بتعيشها فى خيالك فبتتجنب حدوثها رغم إنك انت اللى بترسم الحوار
و بتختار السيناريو و هو فى الأساس لو بدأته نتيجته فى علم الغيب ..
بنتعب نفسنا اكتر من الازم بنرهق نفسنا لأبعد حد و كل دا ليه عشان
احنا أشخاص بترهق نفسها و كأنه نوع من عقاب النفس و لو أنه فى
الأساس بيكون خوف من الفشل فبيضيع الفشل و النجاح و بتبقا حالة
من الثبات و الركود ..
أحيانا أو دايما فى وقت ما بنكون محتاجين حد يطمنا حد يكمل معانا
الطريق و يمشى معانا لأخره ، حد يستحمل كل الخوف حد يشاركنا
كل حاجة بحلوها و مرها ، حد يعيشنا اللحظة بجنونها من غير ما
نحسبها و لو حسبناها نحل معادلاتها سوى ..
بس فى الأخر الحياه بتتعاش مرة واحدة بكل تفاصيلها و ذكرياتها ،
العمر بيبدأ من جديد بس مش هنموت لحد ما نعيش و لا ينفع
نخاف لحد ما ننجح ، مفيش مستحيل و كل شئ يجوز و ممكن ..
#دعواتكم
#بقلمى
#منال_السيد

View more

مساحه...

ءاية عماد الدين ^_^
#على_الهامش ..
لو حد حابب يغير شئ فى حياته او فى شكله فهو بيغيره عشان نفسه و عشان
هو هيكون احسن لو عمل دا ، لكن مش عشان يعجب اى حد او عشان يبان
حلو فى عيون حد .
الانسان لو مش واثق فى نفسه و مش شايف جماله سواء الداخلى او الخارجى فالناس اصلا طبيعى متشفش جماله ، جمال الانسان بيوصل لما يكون هو واثق
فى نفسه اصلا ..
محدش مضطر يغير من نفسه عشان خاطر اى حد إلا نفسه ، يعنى اللى عايز
يحب حد هيحبه زى ما هو من غير ما يغير فى شئ عشان يحبه اكتر او عشان
يشوفه احسن .. و طبعا كلامى مقصدش بى كل حاجة بس انا بتكلم على الشكل
على الشخصية بغض النظر إن كل شخص بيكون عنده عيوب و لما بيكون فى طرف تانى .. بيبقا لازم كل طرف يتنازل شوية و يفكر ازاى يقدر يصلح
من نفسه عشان الحياه تكمل لان مفيش حد خالى من العيوب و لا فى حياه من
غير مشاكل .. و لا فى حب لى شروط .. ❤❤
#بقلمى
#منال_السيد

View more

_💙

أحمد ..
يمكن أحيانا بيكون جوانا كلام كتير و مشاعر مبنعرفش نوصفها أو نعبر عنها ،
دا غير إن أحيانا بيكون فى مرحلة ما فى حياتنا بنمر بيها بيكون كل شئ فيها
ملغبط ، كل السكك بتكون ملامحها مش واضحة و تفاصيلها مش مرسومة ،
بس بالرغم من كل دا بيكون عندنا يقين إن فى بصيص نور قدامنا جايز
مش عارفين نحدده أو نختار طريقه و جايز طاقتنا مش كافية نعافر و نختار
و جايز العكس..
بس خايفين نضيع الطاقة اللى باقية جوانا فى طريق ممكن فى الأخر ميكونش
لينا ، فى مرحلة ما عشناها كن بنصدق الأشارات اللى بتحصل فى حياتنا و الصدف و بنمشى على خطاها بس لما بنمر بمواقف و ننضج بنكتشف إن
احيانا الأشارات كانت أشياء عادية و لأن الانسان بيكون بيتمنى شئ معين
بيتوهم و بيفهم الأشارات زى ما يحب ..
فعشان كدا حاليا بقا كل شئ بنعيشه بنحلله و نحسبه و عشان كدا مش عايشين ،
بس بنتمنى نعيش ، بنتمنى نلاقى الحلم اللى حلمناه و يتجدد شغفنا من تانى
و يتولد الأمل الحقيقى جوانا بنتمنى نفضل نتمسك بالحلم مهما طال ، و مهما
بعد عننا ..
بنتمنى نعيش زي ما حلمنا و ينتهى الخوف اللى جوانا و التفكير فى بكرا
لأنه مش بأيدينا و نرجع نعيش من غير حسابات مرهقة و من غير دايرة
الروتين المملة اللى بندخلها غصب عننا و ساعات بنستسلملها فبننسى
نعيش ..
الحياه زحمة و ساعاتها بتجرى ، و العمر عداد بيحسب كل خطواتنا و لو
فضلنا فى نفس المكان هيعد سنين و ينسى خطواتنا ..
الأحزان زى الأفراح مش مؤقتة و لا دايمة .. اليأس وارد أحيانا بس
مش لازم يكمل ، و المستحيل جايز يبقا ممكن لو ربنا راد .. <3
مفيش شئ ثابت و مفيش حياه بتتعاش مرتتين ..
#بقلمى
#منال_السيد ..

View more

_⭐️

يَارَا
الشئ اللى بحس ان المفروض أن يكون متفق عليه رغم احيانا بنخالفه كلنا
بكلامنا اتعودنا عليه إلى أن الواقع غير ، أن مفيش حاجة اسمها السنة كلها
كانت صعبة أو متعبة اى كان المسميات ..
365 يوم مكنوش كلهم أسود و لا هيكونوا كلهم أبيض ، بس الفرق إن فى أحدأث
بتسرق أحداث و أن الأشياء الحزينة و الأحداث المفرحة مش بتكون بقدر واحد
و إن انجازاتنا كلها مش متعادلة و لا أحلامنا كلها بتحقق فى نفس السنة
الأكيد إن كل واحد بيكون عنده حاجة عدت حاجة و كفتها وقعت فعلى مدار السنة
فى الختام بيكون الحصاد ، و الحصاد عادة اعتقد بيختلف من حد لحد فى ناس بتحسب
على حسب إنجازاتها و فى على الخسارة و المكسب ، و فى بيحسب حقق
كام هدف و كام حلم و وصل لايه ، و فى بيحسب على التغير اللى وعد نفسه بى
الحسابات كتيرة و متغيرة لان كل شئ حصل كان من سنة فى علم الغيب ، الخطة
مش دايما بتمشى زى ما احنا عايزين و لا احنا دايما بنعرف نمشى على خط المسار
اللى كن رسمينوا من الأول لما بنوصل للنهاية و نشوف كل دا بنقع
و يبدأ الحكم على السنة كلها من خلال كام حاجة و من خلال النتيجة النهائية
اشبه بامتحانات اللى كن بندخلها نحل كم كبير بس ياعالم كام منه ممكن ينجينا
و يجيب النسبة اللى تعدينا ..
كمان العيب مبيكونش على السنة مقارنة باللى قبلها طبيعى اننا بنكبر فطيعى تطلعاتنا
بتزيد فطبيعى بنضج و بيبدأ الحكم على كل شئ من منظور مختلف فصدمتنا من النهاية
بتكون كل سنة أشد لأن الوجع أشد و اكبر على شئ مختلف و مهم عندنا ..
#يوميات_من_الحصاد
#بقلمى
#منال_السيد

View more

هتم ال18 اول السنه معملتش اي حاجه في حياتي لا لغه ولا مهاره ولا اي كورس ولا اي حاجه السن مخوفني جدا حرفياً والمدرسه والتواصل الإجتماعي واخد وقتي كله حرفيا نفسيتي زفت في حين ان في ناس اقل مني سنا وماشاء الله مبدعين ف رسم ومهاره واالخ

كلامك لمسنى و الله
بس عايزة اقولك انى 23 و اتخرجت
احيانا بفكر نفس التفكير بس مش بالطريقة دى
لانى بحاول اتغير حاليا و اعمل حاجات جديدة
مهارات دى مش كلها عندنا واحدة بس كل واحد عنده شئ
مميز غير تانى و بعدين 18 اعتقد لسة هتبدئى كليةاو
سنة اولى يعنى معاكى كل الوقت تعملى كل اللى
عيزاه و تتعلمى حاجات كتير الناس لحد ما تموت
بتتعلم و انت 18 و يائسة كدا ليه

View more

Next