Ask @MostafaBardisy:

مين اقرب واحد ليك من اصحابك

ف المنيا سند ومحمد مصطفى
في السعودية كان الدسوقي
في البلد ايام ثانوي واعدادي كان مروان .. ودلوقتي اغلب اللي اعرفهم بشوفهم ف الاجازات والاعياد زي فتحي وصفوت وياسين .. للاسف بينا تليفونات بس ..
وكلهم رجالة وكل واحد فيهم احسن من التاني .. وغالبا اللي سأل السؤال مايعرفش الا كام واحد فيهم .. :)

View more

What does the World know about the country you live in?

يعرفوا عنها انها بلد مليانة فقر وجهل .. بلد متخلفة في اغلب المجالات .. مشهورة جدا بالروتين والكوسة والرشوة .. شعبها متخلف عملوا ثورة وقال عايزين يشيلوا نظام فاشل وديكتاتوري وحرامي و و الخ .. ورجعوا مسحوا كل اللي عملوه في 3 سنين ورجعوا العن من الاول .. مش دي المصيبة .. المصيبة انهم فرحانين بكدة .. وبيقولوا مش احسن ما نبقى زي معرفش مين ولا مين .. بلد تياراتها السياسية فيها كبر مش طبيعي .. محدش بيعترف بغلطه .. مسكوا قطعوا في بعض وفشخوا بعض وباعوا بعض وفي الاخر وصلنا لحيطة سد زي دي !! بلد ممكن يتقتل فيها الاف وشعبها فرحان وراضي وبيكرم اللي قتلهم .. بلد اتخدعت في نفسها لما قالوا عليها شعبها متدين واصلا نص مفاهيم الدين عندهم غلط !! بلد السياح اللي بيدخلوها بيتسرقوا في المطار .. والمصري اللي بيطلع منها بيسرق ولو في الحج .. !! وشعبها بيقطع في بعضه ف للغربة .. بلد مقرفة وظالم اهلها ومفيش شاب فيها الا وبيدعي انه يطلع منها على خير .. طلعنا منها على خير يارب ..

View more

How much time per day do you spend on the internet?

ايام ماكنش ورايا حاجة -قبل رمضان بالتحديد- كنت بقعد كتير شوية .. في رمضان وبعد العيد اتشغلت جدا بظروف في البيت .. قليت جدا اني افتح النت .. مع ان موبايلي اغلب الوقت متوصل بالويرليس او بالداتا وان برة البيت .. بس راحة كبيرة صراحة ان الواحد يبعد عن النت ..

View more

How would you describe your perfect sandwich?

سخن جدا كدة .. والعيش في سمسم .. مممم .. وحشو الساندوتش نفسع بقى (ايا كان بقى) لازم يقرمش .. وفيه خس .. ومافيهوش مايونيز ولا مسطردة ولا اي حاجة .. حاجات ملعبكة وتمهي النفس .. اه وربنا .. شوية كاتشب لو الطعم بتاعه مش قوي وعايز تديله طعم .. اما لو فول او طعمية فالكلام دا ما يتوصفش يا باشا .. دا يتاكل ع طول من غير ما تسأل اية المكونات بالظبط ولا اتعملا ازاي .. احسنلك برده :D

View more

Which celebrity you would follow on Ask.fm?

لو اعتبرنا سعيد الهوا سليبرتي فانا محتاج بروفايله ضروري .. ولو صاحب مقولة ايام سودة موجود ع الآسك وش هعمله فولو .. احنا محتاجين نصايحه في الايام دي اكتر من اي وقت ..

View more

r u n love ??? since when ?

تاني !!
دا فيرس بقى ..
انا متسألتش في البتاع دا الا 6 اسئلة منهم واحد بنفس التلت حروف دول ..
هو البتاع دا مثلا ما بيسألش أكلت اية .. من أمتى .. بتحب البامية ولا لاء .. كدة ..
تجديد يعني .. وبعدين حب اية .. بقولك ايام سودة :D

View more

من امتى وانت عندك فوزى .....كرش يعنى

مش عارف بالظبط .. بس احنا نعرف بعض من زمان ..
انا كنت رفيع وانا في تانية .. وامي كان عندها نظرية غريبة في الحوار دا ..
كانت بتقولي كل ما ترفع وشك يخس ومناخيرك تكبر !!
مش فاهم بصراحة بس انا تحصلي اي حاجة الا ان مناخيري تكبر .. لا
فاتعرفت ع فوزي واتصحابنا وبقينا حبايب ..
حالي بفكر اطلعله كارنية واخدله غياب وحضور واجيبله بيشنتات وكدة ..
وان جيت للحق وللجد بقى ..
ما ملأ ابن آدم وعاء شراً من بطنه، بحسب ابن آدم لقيمات يقمن صلبه، فإن كان لابد فاعلاً فثلث لطعامه وثلث لشرابه وثلث لنفسه - رواه الترمذي
ان شاء الله هتخلص منه قريب ..
-متقولوش بقى عشان بيقفش وبيزعل D: -

View more

Next