وقت الحُزن مش بنحتاج نصايح ولا إجابات منطقية .. ولا عتاب .. لكن بندور علي طبطبة أو حضن .. حد يسمعنا .. وميقللش من زعلنا .. ولا يتجاهله .. مش لازم يكون عنده الحل .. كفاية إن وجوده خفيف .. وبيهون عليك مش بيضغطك ويزود الزعل أكتر♥️🙂
لهفة البدايات مش حُب صادق دايمًا، مينفعش تتأكد من حُب شخص غير لما يشوف عيوبك، حُزنك، تتخانقوا وتتصالحوا ألف مرة وتشوف هيفضل يحبك ولا لأ، ووقتها يا هيحبك كُلك يا هيسيبك كُلك، الحُب بيبدأ لما فترة الحماس بتاعت البدايات دي تنتهي🤎! "
انت مش متاخر ، وإياك تكون فاكر كان المفروض يحصل شىء ومحصلش ، مفيش حاجه مكتوبة ليك فاتتك ، مفيش حاجة اسمها لو كنت عملت كذا كنت وصلت او كان زماني معايا كذا ، مفيش حد كان المفروض يكون ف حياتك وخرج غلط ، ومفيش حد مكتوب ليك وهيمشي مستحيل مستحيل مستحيل حتي لو اتعدمت الأسباب ، لازم تفكر ف كل حاجة حصلت ف حياتك هتلاقي هو دة الصح وأنها مكنتش خير ليك سواء شخص او شغل او مكان ، بطل فرهدة ف نفسك ولومها الدائم ، واهدي خالص ، ربنا بيقول " إنا كل شىء خلقناه بقدر " كل حاجةً محسوبة بالملي ، ربنا القوي وبرده لطيف بيك وخبير بكل امورك ، كل ال مكتوب ليك مش هيفوتك ، انت عمرك ما كنت مع حالك ابدا ربنا احن عليك من نفسك وجبنك وهو مدبر امرك اللي كله خير .. هتتعدل🤎
في فرق كبير جدا بين التجاوز والتعايش! التجاوز: انك تعدي الفتره او الحاله الصعبه الي بتعشيها وتحول تجربتك دي لشئ من الماضي وتكمل حياتك عادي جدا وانته ناسي ومش فاكر اي حاجه. التعايش: انك تشتغل وتخرج وتروح وتيجي وتتصور وتاكل وتنام لكن كل حاجه من دول ناقصه ومابتحسش بأي متعه في اي حاجه بتعملها، عايش ايامك عادي لكن لا قدرت تنسي ولا قدرت تتجاوز.🤎
- مشاعرنا مش بايدينا يا عادل ، وأنا مش هقدر أضحك عليك و لا علي نفسي .. - الوقت بيداوي الجروح ويحل العُقد ، مفيش حد بيفضل عايش علي أطلال علاقة انتهت أي كان السبب اللي خلي العلاقة دي تنتهي .- طريقي .
مين قال : " كلنا بنتعوض ، كلنا فترات " دي جمل حقيرة بيقولها اللي مابيعرفوش يحبوا ولا يحافظوا ع وجود حد فحياتهم ، في ناس مستحيل تتعوض ومبتتكررش ف حياتنا مرتين ، في صاحب لو خسرناه عمرنا ما بنطمن من بعده، و في حد بيخليك تخرج كل الحب والحنية من جواك، وفي ناس فعلا ملهاش بديل أبداً .
أنا طاقتي بتخلص بطريقه مخيفة جدًا ، و مبقاش فارق معايا أي حاجة أو أي حد ، ومش معنى كده إني بارد و مبحسش ، بس كل موقف اتعرضت فيه لخذلان أو قلة تقدير أو عدم اهتمام كان بياخد من طاقتي و تفكيري ، وحرفياً التعامل مع الناس بقى مرهق اوي بالنسبه ليا.