نادرًا ما تلاقي حد يقرب منك من غير ما يفتح في الماضي بتاعك ، ناضج بما فيه الكفاية انه يتمسك بيك حتى في حالة انه عرف ماضيك . لإنه عارف انك أفضل نسخة من ذاتك وانت معاه ، لإنه بيحبك من غير شروط وقيود واستثناءات.
سُئل ابن تيمية : أيهمـا أفضـل في قيـام الليل أن تكثر السجـود والركوع أو تكثـر قـراءة القـرآن؟ قال : انظر أين تجد قلبـك ، إن كان خشوعـك وحضور قلبـك يكون بالقـرآن، فـأكثر منـه، وإن كان في الدعـاء وقت السجـود، فأكثر منـه، فهـذا الدين مبتغـاه أن يكون قلبـك مع اللَّـه، وليس مجرد حركـات ظاهريـة تؤديه
متحكيش لحد سلبياتك ولا نقطة ضعفك علشان هتلاقيه فى مره بيرمهالك فى وقت هزار هتضايق وهتتوجع من جواك اوي، ولو جيت اتكلمت فيها معاه هيشوفك عقلك صغير ومكبر الموضوع ويقولك ده هزار ياعم فيها اى ، رغم انك ولا عقلك صغير ولا مكبر الموضوع ببساطة هو قاصدها فعلاً ..♠️
الحياة ممكن تكون أبسط لو عرفت كويس إنك وارد تكون عادي فـ حياة ناس كتير، وعرفت تحط نفسك في المكان المناسب في حياة اللي حواليك وتحط الناس اللي حواليك في المكان الصح عندك، وإنه عادي ناس تحبك وناس لا، وتفهم ان مش شرط علشان في حد مش بيحبك انك تبقا وحش..وفي الاخر كلنا عابرون.
بتفضل تقول انك لوحدك و محدش جنبك بس انت عايز شخص معين اللي يبقى جنبك و كل مره بتستناه بس متنكرش ان فيه حاجه جواك بتقولك انه مش هيبقى جنبك المرادي بردو في كل مره بتحصل حاجه عارفين ان الشخص ده مش هيبقى موجود و كل مره بنتفاجئ ليه بنتعب نفسنا؟
مهم جداً إنك تلاقي حد فاهمك ومتوافق معاك في حاجات كتير ومتقبلك علي أي حال انتَ فيه ومش عاوز يغير فيك طباعك ولا أساليب حياتك اللي هي المفروض بديهيه، بس الأهم من كل ده إنه يتقبل تغيراتك في كل مرحله هتمر بيها وانتوا سَوا وبحُب من غير عقد وإن زي ما ملامحنا بتتغير مع الوقت، تفكيرنا وطريقتنا ناحية كل حاجه كمان بتتغير، الأبلكيشنز والموبايلات وكل شيء موجود تقريباً بقي بيتعمله أبديت، فأكيد إحنا كمان لينا أبديت ومش هنفضل طول حياتنا متسستمين علي شيء معين وإلا كان زمانا دلوقتي بننزل الجامعه أو الشغل بيونيفورم ابتدائي.
تخيل إن مجرد علاقة سويه واحده تقدر تخلى الانسان يتعافى من مشاكل نفسيه كتير جدا، بل ممكن يتعافى تماما، علاقه صحية فيها تقبل وحب غير مشروط فيها، كل طرف بيدى الطرف التانى وضعه ويحسسه إنه طول الوقت مقبول، وان الغلط بيتعالج بالحب والتفاهم، علاقه واحده من دى تغنى عن الدنيا كلها بجد.
تخيل تلاقي شخص على مقاس أٌمنياتك بالظبط.. هدوءه، صوته، مواساته اللي بتخليك تنسى همومك، طريقة سماعه ليك، أخلاقه وطريقة كلامه معاك، صبره على مزاجك المتقلب، إمتصاصه لغضبك، ذوقه في الأكل واللبس، كل حاجة بتصدر منه شبه مطابقة ومناسبة ليك، شخص تقاسمهُ خوفك فـ يقاسمك الطمأنينة ويطمنك.♠️
العتاب والزعل بيبقى ليهم مُدة صلاحية يعني الموضوع مش سايب وعمّال على بطّال أگيد هييجي وقت وهتلاقي الشخص اللي قدامگ دا فعّل وضع الصامت لا بيعاتب ولا بيجادل ولا حتى بيقول إنه زعلان منگ هو خلاص گدا إتقفل وإتعوّد على لامبالاتگ وشاف إن الجُهد المبذول فـ النِقاش أو دمه اللي هيتحرق فـ الزعل خسارة فـ اللي قُدامه والأفضل إنه يوفر طاقته وجُهده لـ نفسه أحسن ..