Ask @MotazIbrahim:

لو انت رئيس الجمهوريه دلوقتي ايه اول تلت قرارت ليك؟

- فرض ضرائب على الي بيملك أراضي ومش بيعمل بيها حاجة
- الناس اللي بتتسجن والدولة مفكراهم انهم كدة خلصو على نشاطهم الإجرامي مع إن نشاطاتهم شغالة برة
ممكن نخليه يشتري حرية ونستفيد منه
يقلل كل سنة سجن مثلا ب 5 مليون ولما يطلع يشتغل في خدمة عامة للدولة لمدة معينة
- حل للبطالة بس محتاج اقتصاد قوي وموارد كتيرة ومعتمد على الاشتراكية أكتر :
نعمل جهاز خدمة عامة للبلد أي حد ممكن يشتغل فيه مقابل أجر
الخدمات العامة تشمل :
بناء - صيانة شوارع وتنظيف - توعية مواطنين - ممكن يشتغلو في الداخلية
أنا حاسس إن الداخلية مفيهاش ظباط كتير، مفيش أمن أو ظباط بلاقيهم في الشوارع غير في الكمين
ممكن يشتغلوا في مصانع خاصة بالجهاز ده
( مثلا مصانع ملابس - مصانع لعب أطفال - مصانع منتجات بلاستيك بدل ما نستورد من الصين - مصانع أدوات مكتبية (
طبعا الشغل في الحاجات دي لازم يكون واخد الأول كورسات أو دورات بسيطة تفيده في الشغل
ممكن نعمل شركة كبيرة خاصة بتشييد المنشآت ويكون فيها عمال كتير بحيث أي منشأة ممكن تخلص بسرعة ( تقريبا يعني )
أكيد فيه مجالات محتاجة عمال كتير ممكن يشتغلو فيها

View more

What is one thing you will never do again?

إني أروح شط أبو هيف ده تاني
نزلت وكان الموج مسحوب وأنا ما أخدتش بالي وفي خلال 4 دقايق ببص ورايا لقيتني بعيد أوي عن الشط وفجأة الموج رجع تاني وإذا بنفسي أرتفع عن الأرض وفي خلال دقيقتين حصل سحب تاني وبدأت أرجع ورا أكتر حاولت أقاوم مفيش
والموج عمال يغطسني
هديت شوية وحاول أعوم لحتة مفيهاش موج لحد *سبحان الله* لقيت منطقة عالية في وسط البحر مشيت عليها لحد ما وصلت للشاطئ
ربنا كتبلي عمر جديد
-أغسطس 2012-

View more

Next