البت اللي حبتها شكلها بتروح مني وهتتخطب وانا حبتها بجد ومينفعش خطوبه دلوقتي اقولها والا اعمل ايه?
مش هتلاقي وضع احسن من نهاية العالم تعترفلها فيه ❤
قولها
لو انت فعلا بتحبها و عايز تتجوزها بجد روح قولها و عارفها ظروفك و هى لو بتحبك هتستناك...
حل من إتنين يا تروح ل باباها و تشرحله ظروفك و هو لو شايفك مسؤل و يُعتمد عليك أكيد هيساعدك و يصبر عليك و الحل التاني تبعد عنها خالص و تسيبها للي دخل البيت من بابه
خليك صريح أو جرئ بمعنى أصح و لو انت جد هتكلم أهلها ع طول بغض النظر عن النتيجة وهما هيقولوا ايه...
وأهم حاجة لما انت متأكد اوي من حبك ليها ليه مستني كل ده وانت عارف انها ممكن تروح ف اي لحظة!
كلم أهلها و عرفهم ظروفك لو طلعوا ماديين يبقوا بيدوروا على عريس لبنتهم و ده هتلاقي أكبر منك و مخلص ومجهز نفسه و رايح يرتبط و خلاص..
و بعد الشر هتبقى دي حياتك يوما ما لو محاولتش في اللي انت عاوزه.
هتستني لما تكون نفسك اللي هو بعد ٢٨ و تخطب اي واحدة شايفاك عريس مع فلوس و هكذا و هكذا 💔
.
و البنت بتكون في موقف محرج اكتر منك لو هي عارفة مشاعرك و انت ساكت. خليك شجاع وزي ما تيجي تيجي