Ask @MyadaAlaa:

-

لا تحزن إن طال عليك الكرب وأثابك الله غمًا بغم وإن مررت بسنين عِجاف .. سيرسل الله لك مايجبر به خاطرك ويرفع به قدرك ويُعطيك سُؤلك لاتحزن سيُحدث الله بعد ذلك أمرًا و يُنجيك و يهديك و يُلهمك رشدك
لاتحزن واصبر على ما أصابك فسيجعل الله ربك الرحيم الكريم بعد هذا العسر يُسرًا ثمَّ تأتي إرادة الله فَـ تتيسر مُعسراتك .. وتتمهد الطُرق، وتفتح مغالِيقها وتُهيئ أسبابها، وتتجمّل لتأتيك كاملةً تامةً مصحوبةً بجميلِ عطاء ربك فـ لا يَغُرَّنك تشتُّتها الآن ولا تهتزُّ لاستحالتها فـ والله لو كان بينك وبينها عوامق البحار وشواهق الجِبال يأتِ بها الله ..!!
{ثُم يأتي من بعد ذلك عامٌ فيه يُغاث الناس}أيامنا العجاف هذه ستمضي وسيمطرنا الله بغيث الفرح، وسيقر أعيننا جميعا بالفرج سترتوي قلوبنا سعادة .. بعد أيام ثقيلة تجرعنا مرارتها جميعًا .. ليرى الله صبرنا وتضرعنا تشتد لتفرج .. وغدًا ستمطر وسيكون أجمل بإذن الله

View more

سمعت كوكو ،عروسة المقابر ده قصته ايه من غير حرق

هي قصته كئيبة شويتين تلاتة 💔💔😭 بس حلوة 😂😂😂 وانا يا احكي يا ماحكيش لكن احكي من غير حرق معرفش 😂😂
https://www.facebook.com/groups/255561835650646/permalink/267613697778793/
اتمنالك مشاهدة جميلة ظريفة كلها عياط كتير هههههههههههه

View more

+4 answers in: “عبارة كرتونيّة .. ✨”

عبارة كرتونيّة .. ✨

ْكَانَت ..
- الظروف رمتك هنا يافليمنج رايدر .. سميها أي حاجة حظ أو نصيب ....
= حصان
- وأنا اتخدت قرار اثق فيك ..
= قرار متهور بصراحة
- بس لازم تصدق اللي هقولهولك ده، حتى لو حاولت تفك البرج ده طوبة ورا طوبة من غير مساعدتي عمرك ما هتلاقي شنطتك الغالية ..
”بوعدك وأنا لما بوعد بحاجة عمري أبدًا أبدًا أبدًا ما أخلف وعدي .. أبدًا“
أكتر مشهد بحبه اوي اوي اوي من فيلم ريبونزل 💙 و لما بفتكر طريقتها في آخر الفيلم خالص وهي بتقوله يووووجييييين 🙄 بفضل اضحك بجد 😂😂😂😂

View more

+4 answers Read more

احكيلنا عن يوم نتيجتك في الثانوية 🤓🤑

كنت نايمة 🙆🙋 ولقيت واحدة صحبتي بتوصل تتطمن عليا فبقولها بكل ثقة لا لسة ماظهرتش وتقولي لأ ظهرت وأنا أقولها يابنتي لسة و وأنا بكلمها لقيت اختي داخلة عشان تباركلي أتاريهم جابولي النتيجة وحسبوها وهيصوا وبلغوا كل العيلة وسايبني نايمة عادي جدا خالص 😂😂
وبعدها روحنا اتجمعنا عند واحدة مننا وبعدها نزلنا اتمشينا على البحر 🙈😂
هِه كانت أيااااااااام حلوة والله الحمد لله :)

View more

.

يا شيخ صِف لي عِوَضَ الله 💔؟!
ج/ هو أن ترى الأرزاقَ مِن حولك فـ تظن أن نصيبك منها محدودًا، أو أنك لن تنالَ مقامًا يُرضيك فيما تتمنى، فـ إذا بك بعد صبرك تنال رزقك المُخبئ، الذي كان في غيبِ الله مُدّخّرًا خصيصًا لـ أجلِ قلبك، والذي هو أعظم بـ كثيرٍ مما فقدت 💙🌸.

View more

ممكن نصيحه خطيبي ملتزم مش بيسمع اغاني ولا يشوف افلام انا الحمد لله ملتزمة بس بسمع وبتفرج عادي وعاوزاه يشاركني ف حاجه زي دي هل دي مشكله فعلا ولا اكبر دماغي

كبري دماغك لأن خطيبك هو الصح ومن واجبك اتجاهه إنك تشجعيه على كدة وتساعديه لكدة وتدعيله ربنا يثبته مش انتي اللي توجهيه للعكس !!
ولو حد فيكم مقصر في حاجة وده طبيعي وكلنا عندنا نقط ضعف معينة ونقط تقصير في أمور معينة و و و و ... وكلنا بشر ودي طبيعتنا ومش مطلوب مننا نهائي إننا نسيب بشريتنا ونبقى ملائكة يعني .. بس مطلوب مننا إننا نجاهد ونقاوم ونساعد بعض إن كل واحد فينا يبقى أحسن في كل حاجة في كل مجال في حياتنا ونحرص أكتر كمان إننا نكون أحسن عند ربنا قبل أي حاجة تانية .. يعني كفاية علينا أوي تقصيرنا ومجاهدتنا في مواضع اختبار ربنا لنا في حياتنا عمومًا فـ ليه نفتح لبعض أبواب تقصير جديدة !!
في حاجات أهم بكتير أوي الفترة دي تهتموا إنكم تشاركوا بعض فيها وتتعلموها مع بعض زي دورات تأهيل الزواج وتربية الأبناء والمعاملة مع الأبناء خصوصًا في المراهقة وحل المشاكل وأنماط الشخصية و و و .... ودي كلها حاجات دلوقتى بقت متوفرة سواء دورات أون لاين مع محاضرين ودكاترة متخصصين أو مساقات على منصات أو حتى كتب .. وضروري إنكم أنتوا الاتنين تتشاركوا في دراستها وتتناقشوا فيها وتحددوا من دلوقتي عاوزين شكل حياتكم ونظام بيتكم وتربية ولادكم يمشي إزاي وتحطوا كمان الخطط اللي هتنفذوها وتمشوا عليها وتكون خطة واضحة تعرفوا فعلًا تطبقوها .. وتعرفوا شخصيات بعض بكل طباعها ومميزاتها وعيوبها وكل شخص فيكم بيعرف يتعامل مع التاني في كل حالة من حالاته إزاي وإيه اللي في شخصيتكم مختلف أو إيه حابين تغيروه أو تعدلوا منه أو كل طرف منكم محتاج من التاني يعينه في إيه وإزاي وإيه شكل ونوع الدعم اللي كل واحد فيكم محتاجه وعاوزه من التاني ..
الطبيعي إن أي شخص بياخد قرار الزواج فهو داخله وهو بيبني عليه حياة .. حياة كاملة هعيشها إلى أن يلقى الله عليها وفيها .. فهي دي حياتنا اللي على أساسها إحنا هنكمل مع بعض للجنة ولا كل واحد مننا هيهرب من التاني في الآخرة لأنه عارف إنه بنى حياة غلط واتساهل فيها ووقع كتير من غير ما التاني يقومه واتنازل حتى بدينه أو اهتم بدنيته بس !! ساعدوا بعض إنكم تعيشوا حياتكم وهي جنة الله على أرضه قبل جنة الآخرة ..
ربنا يتمملكم على خير ويصلح ما بينكم ويآلف بين قلوبكم ويجعلكم خيرًا لبعض في دينكم ودنياكم وآخرتكم وعاقبة أمركم كله ويرزقكم جنة قبل الجنة يارب 💙🌸

View more

Next