@NabeelBoshnaq

Nabeel boshnaq

Ask @NabeelBoshnaq

Sort by:

LatestTop

Previous

post ur pk

12 سنه مرت اسرع منها ما في ياااه زي كأنه مبارح اول يوم الي وهي امي بتوصلني عالمدرسه وبتحكيلي انتا زلمه اوعى تعيط وكل سندويشتك وخليك مؤدب !
12 سنه مرت اسرع منها ما في يااه كل لحظة هبل وضحك ولعب وركض وصراخ وعقاب ودراسه ومشاكل وامتحانات كلها مرت سريعه كثير ما حسيت فيها !
12 سنه مرت اسرع منها ما في ياااه اصحاب معلمين اخوان خوات صفوف دروج ساحات صوت الاذاعه والسلام الملكي واشكالنا بالطوابير واماما عاليا و البهدله الصباحيه كل هالاشياء رح نشتاقلها وما نلاقيها !
12 سنه مرت اسرع منها ما في ياااه اصحابي طلعاتنا مع بعض رحلاتنا هبلنا ومشاغبتنا وغشنا بالامتحانات وهروبنا من حصصنا ومشاكلنا مع الصفوف الثانيه خصوصا صف الي ب اخر الممر ههه وحججنا للمعلمين مشان الواجبات ونومنا بالحصص ولعبة الطابه بالساحه والسرقه من المقصف ههه كلها اشياء رح نتمنى ترجع !
12 سنه مرت اسرع منها ما في ياااه دراسه نسخ حفظ جدول الضرب سهر دراسه امتحانات املاء تسميع انشاء تعبير كتابه كلها اشياء ما رح تنعاد !
12 سنه مرت اسرع منها ما في ياااه كل شخصيتي تكونت بهال12 سنه وكل حياتي رح تعتمد عهال12 سنه اللي رح يجي يوم واصير اعيط واشتاق واتمنى ارجع بس لو يوم واحد ع صفي ودرجي ومدرستي وطابوري واذاعتي ومعلميني وهبلي وضحكي وعياطي وعلاقاتي !
12 سنه مرت اسرع منها ما في ياااه بس لو ما تخلص هال12 سنه..،!♥

View more

People you may like

SamaSemo656’s Profile Photo Sama
also likes
Yosef
also likes
Want to make more friends? Try this: Tell us what you like and find people with the same interests. Try this: + add more interests + add your interests

احكي عن موقف بضحك ✋

هههه تخيلي معي
-واحد نايم نروح نجيب فاين نحط بين اصابع اجريه ونحرقه هههه
-نلقط صبار ب بلوزة حد من الشباب هههه بتضل اسبوع امه لاحقيته ب ملقط الحواجب !
-نعبي مي مغليه من الكولر ونديرها ع حد من فوق باب الحمام ههههه
-نجيب شنينه ونخلطها مع هايبكس ونعطيها ل شب عزيز علينا هههه زاكيه بتعمل حرقه هيك
-ارن ع ابو صاحبي واحكيله عمه شو صار مع ابنك طلع من المغفر؟؟ ههه
-نطلع مع صاحب تاكسي نلف فيه الاردن وبس نوصل ننزل ونحكيله كش م فش ههههه محسوبك بقلب عداء
-اكون فايت انا واعز صحابي عالصف اول ما افوت امسكه من ايده واحكي للاستاذ هيني جبتلك اياه كان مشلف ههههه
-اخبط ع كتف صاحبي اللي قدامي وبس يلف وجهه احكي ب صوت عالي ولك خلص بكفي حكي لف بدنا نفهم ههه
-ارن ع مطعم ديليفري وادله ع بيت صاحبي لما اعرف انه لحاله وما معه مصاري ههههه
طبعا يا خوان كل اشي فوق صار فيي انا هههههه
سلام :')

--

..z
بتشتري موبايل جديد بتفتحه بتلاقي فيه بطاريتين شاحن سماعات واخيرا "كاتالوج" صح؟؟! بتمسك البطارية بتتطلع عالخطوط الصفر الثلاثة اللي عليها وبتحط هالبطارية وبتشغله بترمي "الكاتالوج" وممكن يضل معك يوم ويمكن 10 سنين وممكن تنبسط فيه وممكن لأ وممكن تستفيد منه وممكن لأ ومع هيك اذا ضل معك هالعشر سنين وشو ما صرت تعرف عنه لو بس مره فتحت "الكاتالوج" رح تلاقي اشياء انتا ما بتعرفها عنه وفي اشياء بتفيدك وبتندم انك كنت ما بتعرفها من قبل !
وزي هيك حياتنا في ناس ممكن تنبسط فيها وفي ناس ممكن تكون اتعس خلق الله بس مجرد انها ما فتحت "كاتالوج" هالحياه وفهمته يعني صح ممكن تنبسط فيها بس مستحيل تعيشها صح دون "كاتالوج"

-

الحمدلله..،!♥
كذاب اللي بحكي انه ما في احلى من فرحة النجاح لا في !
انك تكون انتا واقرب الناس الك ناجحين مع بعض ههه شوف اول ما شافني ايهاب -اخوي الكبير- بعد ما عرفنا انه احنا الثنين ناجحين جد شعور ما بينوصف
والحمدلله هيو هسا دخل الجامعة الاردنية و بجاكر فيي لاني لسا بسهر وبنهلك دراسة وهو خلص :')
بس انا لاحقه والله لاحرقه هو وجامعته بس اصبروا علي هالكم شهر ههه

وااال يزم قشعر بدني والله ههههههههه! جد مبروك ومنها للاعلى الله يسعدك :")

سـارّه النقطه
هههه تسلمي سارة بس صدقا كل هالكلام مش زي الشعور !
ولا لما اجى اخوي علي حضني وبحكيلي ولك انا كمان ناجح -اخوي معيد معي- الفرحة صارر الضعف ورحنا جبنا حلو وبلشنا نرمي وطلعنا بالسيارات واغاني ورقص عالاشارات وتزمير وصراخ وزغريت ويسعد الله هههه ♥

كيييف تلقيت نتيجتك ؟؟ و شو كان شعورك ؟

هههه اسمع يومها ما كنت نايم لاني كنت حالم اني راسب مادتين وصحيت وما رجعت نمت ورحت عالمدرسة مسطل المهم لما حكولنا انه النتائج اليوم بلش فلم الرعب وبلش مسلسل السب عالذنيبات والفيزيا وبلشوا الشباب اللي يعيط اللي روح عالببت اللي برجف اللي مرض وكلنا هيك وانا متأكد اني حامل فيزيا ف كنت متشنج لحتى ما اجا وقت الحسم !
الساعه 12 و3د الاستاذ بحكي فتح فتح فتح ! طبعا قلبي صار يلعب مع اصابع اجري :')
انا اول حد بالمدرسة حكولي شو رقم جلوسك وامي معي عالموبايل عالخط بحكيلهم سبعة سته سبعه راحو الشباب كملوه كلهم مع بعض ههه كبست المس ع زر الماوس وامي معي عالخط صوت نفسها مش طبيعي و اشارة التحميل بتلف مع انها 5 ثواني بس مرو علي سنه اقسم لو اتأخر ثانيه كان متت !
فجأة اتغير لون الصفحة وطلع مربع العلامات بتطلع فوقه لقيت جملة ما قرأت الا اول كلمة منهى اللي هي "انهى" وعينك ما تشوف الا النور اكلت بوكس ع وجهي من اعز صحابي وصوت كل المدرسة صراااخ وانا عالارض والشبااب فوقي والموبايل وقع وامي سامعة بس صوت صراخ وصحابي يبلشوا فيي ضرب لفينا وجهنا الا هي بتحكي وفراس ناجح رجعنا بلشنا ضرب ووقعنا وصراخ وضحك وصرااااخ للسما وقفنا لفيت وجهي لقيت انس بعيط بحيكيلو شو راح نط علي حضني وصوت المعلمة بتحكي احلى انوووس ف عرفت انه نجح ويباااااب الفرح الا هو اجى حد بصوت واطي بحكيلي مصطفى وعبود ما عملوها !
بلينا نحكي معهم الا امي بترن بتحكيلي شووو بحكيلها شووو يمما بتحكيلي طلعت؟؟ بحكييلها نعم ولك ناااجح بلشت عياط وزغريت ودعاء وشكر للرب وبالنسبة لشعوري اكيد ما رح اوصفه بكلمات الحمدلله..،!♥
وانشالله الفصل الجاي بوفق الكلل واولهم عبود ومصطفى ♥

View more

أكتب/ي شيئا عن المرأه الفلسطينيه .

المرأة الفلسطينية مش محتاجة كلام من حد او وصف الها هي غنية عن التعريف !
ولك هاي اكثر حد تحمل وجع وظلم وقهر وذلل وما شفنا منها الا ابتسامتها اللي كلها وجع وامل !
ولك هاي هي اللي ربت زلام ♥

شو بتعمل؟

والله بدرس !
يخرب بيت التوجيهي
يعني امي وابوي واخواني وايهاب وسولين كلهم طالعين ع عمان وانا ؟؟؟ مش منطق ئي
رايحين يلعبوا ويطشوا ويتعشوا والبرجر؟؟!
هسا من كل نفسي اهد التربيه ئي
وبوجه هالكلام ل الذنيبات -.-
وزاره زي قاع الكيله :')
وانتهينا خلص ههههه

متى نتائج التوجيهي عندكم في الاردن ؟

نتائج التوجيهي عنا ما بنعرف انها طلعت الا لما تسمع صوت جارتكو بتبهدل ببنتها هههه
يزم ما بحكولنا متى النتائج واحنا سارحة والرب راعيها !
بس احتمال بهالاسبوع :')

ان كنا نعلم ان النمص فيه لعن لماذا نرى اغلب الفتيات نامصات !!

Rahaf yaseen ★
اذا بنعرف انه الاغاني حرام ليش كلنا مدمنين اغاني !
اذا كلنا بنعرف حديث الرسول عن وصف اهل النار للبنت اللي بترفع حجابها ابصر كيف ليش نص بناتنا هيك !
اذا كلنا بنعرف انه الصلاة فرض ليش نصنا بصليش الا الجمعه !
اذا كلنا بنعرف انه النميمه حرام ليش ثمنا ما بتسكر !
اذا كلنا بنعرف انه الكذب حرااام ليش يدوب تشوف ناس صادقه !
اذا كلنا بنعرف انه تشبه البنت بالشب وتشبه البنت بالشب بخليهم ملعونين ليش بنشوف نص الشعب هيك !
ياخي بعدين انتا بتحكي "فتيات" ؟؟ شكلك مش عايش هون وك والله برضو كثير من الشباب بعملو حواجبهم متخيل؟؟!

طيب احكيلنا نكته ؟ :p

ههه طيب بس اللي بضحكش بشله :')
هأظ بحكيلك في 2 محششين الاول بسأل الثاني لو بشرب عرق بسكر؟؟ رد عليه اه اكيد لو تشرب عرق رح تسكر رد رجع سأله الاول طب لو اشرب مزيل عرق بروح مفعوله؟ :')
اسمع اذا زنخه احكيلي بسرعه عشان اشطبها قبل ما حد يشوفها ههههه

شو هو شعور نبيل بهالتوجيهي و رأيه فيه !

..z
احكيلك شي بس تتحمليني؟ ههه انا فعلا كنت مستمتع بالتوجيهي فعلا مبسوط اني قاعد بنجز وبتعب ﻹشي الي بالنهايه لاشي الي وبس لمستقبلي !
يعني ما بنكر اني تعبت وما صار اخر الفصل الا وانا مهلوك وايام صدقا ما كنت انام بالمره وصح رح اصير البس نظارات لاني انحولت و في ساعات كنت اسب والعن التوجيهي والذنيبات بس ياخي اول ما يجي ببالي لحظة النجاح ودمعة امي وصراخ ابوي و حضن اخوي ورنات صحابي كنت ارجع انشحن من اول و جديد
وكنت واثق بحالي ثقه عالية وما بفكر ابدا بالنجاح بس بالمعدل وبخطط لقدام وكل شي تمام لحتى ما وصلت لامتحان الفيزيا انهدت كل هالافكار ورجعت نبيل اللي بكره التوجيهي واللي دايما قلقان وصرت ما الي نفس اكمل الفصل الثاني..،!
بس اجمالا التوجيهي يعني تحدي النا وانا بحب التحديات وان شا الله كلنا بنفوز بهالتحدي..،!♥

Next

Language: English