Ask @NancyyHatem:

انا مش مسيحية على فكرا انا مسلمة هو عشان بسأل يبقى لازم اكون مش مسلمة يعني ! ههههه بتكرهو الناس في الدين

طب انا مقولتش انك مسيحية أصلًا 😅
عمومًا مفيش في كلامي حاجة تضايق، مش لازم نقلب الطرابيزة وخلاص يعني.
صلي على النبي، الدنيا بسيطة.

View more

+2 answers in: “لية بنقول على المسيحين عندهم شرك مع ان احنا نفسنا عندنا اول اركان الاسلام شرك اصلن ؟ولو هتقولي مش شرك يبقا لما هما يقولوا بسم الاب والابن والروح القدس اله واحد امين ازاي هنقول عليهم شرك وهما بيقولوا اله واحد ؟ ليه يكون عندنا ازدواجية ؟؟”

واننا نعبد الحجر الاسود ده مش عبادة اصنام وشرك ؟

شكلك مش عارفة حاجة خالص عن الإسلام ..
طيب بصي .. هو يعني ايه نعبد حاجة ؟
عشان نبقى بنعبد حاجة لازم نكون بنقدم له عبادات .. هل المسلمين بيقدموا للحجر الأسود -اللي أصلا أغلب المسلمين مش بيشوفوه في حياتهم عشان صعوبة الحج دلوقتي ولا بيجيبوا سيرته أصلا في كلامهم غير لو اتكلموا عن الحج-.. هل بيقدموا له أي عبادة ؟؟ طب هل مثلا بيحلفوا به ؟ طب هل بيسألوه نفع أو حاجة ؟ هل بيعاملوه على أنه أكتر من حجر مكرم في الإسلام .. هل تكريم الحاجة معناها العبادة ؟ يعني لما نقول تكريم المرأة في الإسلام يبقى عبادة المرأة في الإسلام ؟؟؟ 👀
حجر وله قصة مع سيدنا إبراهيم وسيدنا جبريل عليهما الصلاة والسلام ونكرمه نحن .. لكن مفيش أي شكل من أشكال العبادة أصلا.
المسلمين عندهم في العقيدة ٣ محاور للتوحيد أولهم "توحيد الألوهية" يعني لا إله إلا الله ولا أحد غير الله مستحق للعبادة .. تاني محور "توحيد الربوبية" يعني الله هو فقط الذي بيده الخير، هو بس اللي بيرزق وهو بس اللي يعافينا ..
ف مستحيل أصلا بعد كل ده المسلم يروح للحجر اللي لا ينفع ولا يضر ويعبده .. سيدنا عمر رضي الله عنه قال: "إنما أنت حجر، ولولا أني رأيت رسول الله -صلى الله عليه وسلم- قبَّلك ما قبَّلتك"..
مجرد تكريم لا عبادة ..
والمسلمين واعيين ب ده.

View more

+2 answers in: “لية بنقول على المسيحين عندهم شرك مع ان احنا نفسنا عندنا اول اركان الاسلام شرك اصلن ؟ولو هتقولي مش شرك يبقا لما هما يقولوا بسم الاب والابن والروح القدس اله واحد امين ازاي هنقول عليهم شرك وهما بيقولوا اله واحد ؟ ليه يكون عندنا ازدواجية ؟؟”

لية بنقول على المسيحين عندهم شرك مع ان احنا نفسنا عندنا اول اركان الاسلام شرك اصلن ؟ولو هتقولي مش شرك يبقا لما هما يقولوا بسم الاب والابن والروح القدس اله واحد امين ازاي هنقول عليهم شرك وهما بيقولوا اله واحد ؟ ليه يكون عندنا ازدواجية ؟؟

ليه المسيحيين عندهم شرك ؟ عشان عندهم الله متعدد الأقانيم، وأقنوم يعني شخص -كلمة سريانية-. فلما نقول ربنا ٣ أشخاص الشرك هيكون أوضح .. هما بيقولوا اه "آب وإبن وروح قدس إله واحد آمين" لكن هما مش واحد بالمعنى المطلق .. لا، هما واحد في جوهرهم بس، لكن مش مش هما التلاتة نفس الشخص .. يعني مينفعش تقولي أن الآب هو اللي اتصلب، لأن الآب مش هو الإبن .. ومينفعش تقولي أن الإبن هو اللي بيوحي للأنبياء، عشان الإبن مش هو الروح القدس .. هما يؤمنوا أن الآب هو الله والإبن هو الله والروح القدس هو الله والتلاتة مشتركين في الجوهر الألوهي .. لكن هما التلاتة مش واحد .. وإلا يبقى لما "الله" -وسبحانه عما يصفون- اتصلب، ف ال٣ أقانيم اتصلبوا .. لكن لا ده غلط طبعا، لأن اللي اتصلب عندهم أقنوم واحد بس .. ف ال ٣ مش واحد في الحقيقة .. هما جوهرهم واحد مش اكتر .. مشيئتهم واحدة ورغباتهم واحدة واللاهوت واحد .. لكن هما مش نفس الشخص .. ف كدة هما ٣ .. يبقى شرك ولا مش شرك ؟
زود بقى أنهم أصلا بيعبدوا "الإبن" المسيح عليه الصلاة والسلام على أنه هو الله، وبيعبدوا "الروح القدس" جبريل عليه الصلاة والسلام على أنه هو الله. يبقى شرك ولا مش شرك ؟
نخش بقى للعك الكبير .. اول اركان الإسلام ايه اللي فيها شرك ؟ لا صلي على النبي كدة..
اول اركان الاسلام ايه ؟ أن تشهد أن لا إله إلا الله وأن محمدًا رسول الله.
هتشهد أن لا إله إلا الله، يعني مفيش إله غيره ! يعني واحد أحد، ملوش شريك، الله لا إله إلا هو.. تمام ؟ فين الشرك بقى ؟؟؟ نفي صريح لأي نوع من أنواع الشرك .. قولنا "الله" فقط، ولا إله غيره .. مش تعدد أقانيم وأشخاص .. اين الشرك انا لا أراه !
طيب الجزء التاني .. أن محمدًا رسول الله .. فين الشرك برضو !
بتشهد أن محمد رسول ليس أكثر .. ده كدة شرك ؟ وبعدين في بتتقال برضو "وأن محمدًا عبدالله ورسوله" .. فين الشرك ؟!! بنقول اننا بنشهد أن محمد عليه الصلاة والسلام ده عبدالله ورسوله .. أو حتى لو قولنا رسول الله بس مفهومة ! لأننا قبلها على طول قولنا لا إله إلا الله .. لا قولنا بقى "إله واحد آمين" .. ولا قولنا ربنا حل في جسده .. ولا قولنا جوهرهم واحد .. ولا الكلام ده خالص .. الكلام ده شرك صريح ومش عندنا تمامًا .. احنا عندنا توحيد صريح ديمًا..
لا إله إلا الله ..
محمد رسول الله ..
الله لا إله غيره، ومحمد ليس أكثر من رسول ❤

View more

+2 answers Read more

اذا صديق قريب منكم طلب مساعدتكم بشي غلط يريد يسوي حتساعدوا ؟

النبي عليه الصلاة والسلام قال: "انصر أخاك ظالمًا أو مظلومًا"، فقال رجل "يا رسول الله، أنصره مظلومًا.. فكيف أنصره ظالمًا؟"
قال "تمنعه من الظلم، فذلك نصرك إياه". ❤🌸

View more

لو كان لك أن تلتقي بشخصية مشهورة ، من تود أن نكون تلك الشخصية؟

النبي عليه الصلاة والسلام ❤
خيرُ خلق الله مطلقًا ❤
أحد التابعين كان مع صحابي فقال له:
"طوبى لهاتين العينين اللتين رأتا رسول الله، والله لوددنا أنَّا رأينا ما رأيت وشهدنا ما شهدت." 🌸
والله لوددنا أنَّا رأينا ما رأيت وشهدنا ما شهدت. ❤

View more

مشكلتك الابدية ؟

حالي يوم القيامة .. أرجو أن يتغمدني الله برحمته.
-وديه طبعًا مش مشكلة "أبدية" لأنها تنتهي مع مجيء يوم القيامة .. لكن هو في الحقيقة مفيش حاجة اسمها "مشكلة أبدية" بالمعنى الحرفي أصلا وإنما تؤخذ بالمعنى البلاغي لإستحالة "أبدية" أي مشكلة-

View more

هل قدمت فى أكاديمية صناعة المحاور؟! عشان كان عندى سؤال بخصوص التسجيل

للأسف الشديد لا لسة ..
قفلوا باب التسجيل للدفعة الخامسة في آخر شهر واحد تقريبًا وأنا كنت لسة يادوبك هبدأ الترم التاني من أبجديات أونلاين.
أتمنى يفتحوا باب التقديم للدفعة الجديدة قريب.

View more

أحــتــقــر الــشــخــص اذا .... ؟ 🤔🔥

يا الله ..
أرجو ألا يدخل في قلبي إحتقار لشخص أبدًا والله !
النبي عليه الصلاة والسلام قال: "بحسب امرئٍ من الشرِ أن يَحقِرَ أخاهُ المسلم"
وقال عليه الصلاة والسلام: "إن ربكم واحد، وإن أباكم واحد، كلكم لآدم، وآدم من تراب" .. فهنحتقر الناس على أساس ايه ..
ربنا يعفو عنا.

View more

"‏- هل توافق العيش في كوكب آخر

حتى الآن يعني معرفناش اي كوكب غير كوكب الأرض يكون فيه مقاومات الحياة واتزان بيئي بالدقة دي بحيث يقدر يعيش عليها الإنسان دون عناء.
يبقى اييييييه ؟؟
يبقى نحترم الكوكب ده ونقدره ونبطل نبهدل فيه ونبوس ايدينا وش وظهر على النعمة دي .. الكوكب فيه ضبط شديد لكل حاجة فعلًا.
ده غير ان مفيش اي جمال في انك تضطر تسيب وطنك -كوكب الأرض- وتروح تعيش على كوكب تاني بائس لسة محتاج يتظبط عشان يلائم البشر .. يكفي انك هنا تقدر تاخد قرار بالإنعزال عن الحياة الحضرية وتروح تعيش في الطبيعة وهتعيش حياة مستقرة جدًا ! مصادر الأكل والشرب مش بس متوافرة وبكثرة ! لكن كمان متنوعة جدًا .. تنفسك مش بس سهل ونقي إلى درجة كبيرة جدًا ! لكن كمان نسب الغازات في الهواء مظبوطة بدقة عالية بشكل يلائم رئة سعادتك وجسمك يعني من غير عناء. ده غير ان العناصر الطبيعية والمواد الصلبة موجودة ومتاحة لحضرتك.
على الصعيد الآخر، تخيل كدة تعمل كدة على كوكب غير كوكب الأرض وتروح تعيش حياة بدائية هناك ؟ مش هتقدر أصلًا .. عشان حتى لو جهزوا أماكن في الكوكب للحياة هتكون مدن مش أماكن فاضية لناس عاوزة تعيش وسط الطبيعة .. (ما هو معلش يعني عاوز طبيعة يبقى خليك في بيتك -الأرض- ومتتعبناش)
كوكب الأرض هو الكوكب الوحيد اللي عليه الإتزان البيئي ده .. هو الوحيد اللي عليه كمية الأجناس المختلفة دي من البشر والحيوانات والطيور والأسماك والنباتات والحشرات والبكتريا والفطريات .. مستحيل يقدروا ينقلوا كل المخلوقات دي عشان يعملوا إتزان بيئي في كوكب آخر !! في حاجات أصلًا احنا منعرفش انها موجودة .. هننقلها ازاي ؟ .. ساعتها هنبدأ في مرحلة "مين يستحق ينتقل إلى الكوكب الجديد" ومش هتيجي غير على دماغنا في الآخر .. إختفاء أي كائن من الحياة بيعمل خلل بيئي وبيشكل خطر حقيقي على كائنات أخرى وبيهدد حياة حضرتك بالتدريج .. ومهما اتشقلبنا .. عمرنا ما هنعرف نضبط كوكب بالدقة اللي مضبوط بيها كوكب الأرض دي.
بالنسبة ليا الفكرة عبثية جدًا ..
اه حلو الخيال والتطلع ... لكن هتظل الإجابة النموذجية لسؤال "نعيش فين" هي "الأرض" 🌍❤
"هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ ۖ وَإِلَيْهِ النُّشُور"
فـالحمد لله 🌸💕

View more

بوستاتك علي الفيس بتبقي طويلة اوي وساعات بزهق وانا بقراها مع انها حلوة بس انتي لو قصرتيها تبقي احلي

انا مش بكتب بوستات كتير .. ف لما بكتب بيكون الموضوع عادتًا حوار فعلًا .. ببقى شايفة أنه يستاهل يتكتب فيه بذمة ويتجاب له أمثلة ولو في أدلة يبقى اجيب أدلة ولو في نصوص معينة اجيبها برضو .. ف هتلاقي البوست نافش .. بس في الآخر بقرأه بعد ما بخلص كتابة وبلاقيه مياخدش سبع دقايق قراءة .. اه سبع دقايق دي مش مدة قليلة بس بالنسبة لحجم الموضوع اللي بكون بتكلم فيه ف الموضوع يستاهل .. وانا مش هقدر اوصل المعلومة بتاعة موضوع كبير في بوست مكون من ٦ سطور خالص يعني ..
ف معلش والله يا جماعة انا بحاول اختصر في الكلام كتير فعلًا .. وبعدين أنا اصلًا بنزل بوست كل اربع شهور مرة يعني نستحمل بعضنا 😅

View more

+1 answer Read more

بيبقى عندك فضول تعرفى اللى بيسأل ولا مش بيفرق معاكى ؟

ساعات اه .. بس أغلب الأحيان لا.
خصوصًا اني عارفة ان أغلب اللي بيبعتوا اسألة بيكونوا عابري سبيل يعني مش قاصدين يسألوني انا لشخصي .. ف تمام يعني ..
وده لا ينفي اني بيبقى عندي فضول ساعات اني اعرف مين اللي سأل لو السؤال فعلا مختلف.

View more

وهل الحبُ لا يكتمل إلا حين رؤية الشخص ؟

مش يكتمل بس انت بدل ما بتتعرف على جانبين من عشرة للشخص ده ..
لما تشوفه وتتعامل معاه بشكل مباشر هتتعرف على أربع إلى ست جوانب من العشرة لنفس الشخص.
ف الصورة هتكون أوضح والمحبة هتكون أقوى لأنك عرفت الشخص بشكل احسن ف عندك اسباب فعلا على انك تحبه أو لا.

View more

Next