Ask @NedalShamy:

الطلاب يتعاملوا ازاي مع الداخلية في الجامعة ؟

يجهزوا نفسهم ويشتروا الادوات اللي هتلزمهم زي النظارات او المساكات والاسكارفات .. الخ
وياريت كلهم يخبوا وشوشهم
ثم يفهموا البيت ده لعنترة بن شداد :
اذا بليت بظالم فكن ظالما .. واذا لقيت ذوي الجهالة فاجهل
لا تسقني كأس الحياة بذلة .. واسقني بالعز كأس الحنظل
موت الفتي في عزة خير له .. من ان يبيت اسير طرف اكحلِ.....
ده طبعا غير الاعداد الايماني والبدني ... واقرأوا كمان قصيدة المانيفستو لان فيها كام نصيحة في اثناء الاشتباكات 3:)

View more

حدثني عن قهوتك قليلا ..

بدأت قصة الحب من يوم 28 /6/2013 ..مع بداية اعتصام رابعة فى اليوم ده بطلت أشرب شاي
وبعد ما رجعنا من الفض بفترة بدأت أشرب القهوة المظبوطة :)
بنوعيها : التركى أو الفرنساوى :)
كنت دايما بعملها فى البيت او لما سبت البيت وسكنت فى كذا مكان بعدين
كانت الكنكة والقهوة مش بيفارقوا الشنطة :D
حتى فى اليوم اللى اخدنا فيه اخلاء سبيل وكنت متكلبش انا ومحمد "فك الله اسره " والظباط جنبنا
ندهت على المحامى بتاعنا وقولتله عايز اشرب قهوة راح جابلى قهوة مظبوطة والظابط كان عايز يسبلى الدين :D
المهم طريقة التحضير "للفرنساوى " :
كنكة وتحط فيها ملعقتين بن وملعقتين سكر ونص ملعقة كاكاو وملعقة لبن بودرة وربع ملعقة قرفة وبعدين تملأ الكنكة بلبن مش بمية وحطها على نار هادية
وعيييييييييييييش بقى يا معلم :D

View more

أو لست أنت سببا لما فيه محمد بتهورك وعدم ضبطك للأمور وإنك _زياط_ وكثير مثلك عملا بل أكثروولا يعرف عنهم أحد شيئا لأنهم يعملوان في صمت أنت جان على أبيك وأخيك والله لو مكانك لاعتزلت العالم أجمع وجلست أبكي على قلة فهمي وأني أوردت أعز الناس علي المهالك

ولأنك مش مكاني .. مش هتفهم حاجة من اللي احنا فيه .. لانك مش مكاني مش هتفهم يعني ايه ان نفسك واهلك رخاص في سبيل الدين والفكرة والوطن ..
شايف دي مهالك ؟ جهلت والله بل هي رفعة عند الله يوم القيامة
لحنا صابرين ع الابتلاء حتي لو حزننا ..
عموما .. شكرا علي مرورك

View more

بعد 10سنين احمد فراج هيكون ايه وبيتمني ايه ؟ لو كنت عايش ان شاء الله

ان شاء الله من رموز وقادة ورواد العمل الاسلامي .. ساعي لتحرير امته ورفعة دينه ..
ورقم صعب في معادلة الصراع :)
ده بقي لا يمنع اني اكون تزوجت و اسست شغلي الخاص :)

View more

"و لولا أن ثبتناك ، لقد كدت تركن إليهم شيئا قليلا " لولا أن ثبتناك ،، و هذا نبي ، مؤيد بالوحي ، مسدد بالهدى ، معصوم بالصدق ، فماذا عنا نحن و نحن التائهون المبتسرون السذج ، لا ذنب يسلو عنا و لا ندم يردعنا و لا مقام توبة يسقينا . #اللهم_ثبات_لك_ولاخيك =)) مقتبس من احد #كتابات الدكتوره اميره محمد

جزاكم الله خير ... معني جميل جدا :)
الفكرة مش في الثبات حاليا .. وان كنا لا ننقطع عن طلبه
الفكرة هي ثبات احزاننا طول الطريق

View more

كلمة عميقة..

الناس قسمان ..
متكلمون وساكتون !
انا نصف الانسانية الساكت .. قد قضت حكمة الله الازلية ان يختم علي افواه بعض الناس فكانوا بكما .. اما انا فقد ختمت علي فمي بيدي . !!
عرفت لذة الصمت وما عرف الناس مرارة الكلام .. فسكتت والناس يتكلمون :)

View more

لازم تحلق شعرك لانه مش من سمات الشاب الاسلامي استغربت لما شفت شكلك في الفرح ولا انت رايك ايه؟

النبي عليه الصلاة والسلام والصحابة .. كان شعرهم اطول من كدة كمان
وانا هسيبه "سنة عن النبى " :)

View more

كنت عايز اتقدم لوحدة بس مستواها التعليمى اعلى منى ايه رأيك

مش شايف في ده مشكلة ...
لكن للاسف وعلشان ما تتصدمش ..
كتير من الناس في المجتمع المتخلف فكريا ده
لو انت في كلية اقل من بنتهم .. هيرفضوك !!
ويقولوا : دي لازم تتجوز دكتور ع الاقل !
علي اساس الدكاترة لا قيين ياكلوا يعني :)

View more

أقــولـك ســر من أسرارى لما تضيع منك حاجه وتبقى دايخ عليها ومش لقيها اقرا سورة الضحى اكتر من مـــرهحتلقيها ف وقتها حتى لو كنت محتار فى حاجه ربنا هيهديك بيها {مجـــربه} :)

كنت بعمل كده في الامتحانات .. لما بكون مذاكر حاجة ومش فاكرها :)

View more

حضرتك إيه رأيك .عادي إننا ننزل مسيرات بدون علم أهلنا؟ أو اننا نضطر للكدب عشان ننزل؟

لو انت شاب :
امسك العصاية من النص ... يعنى :
مش لازم تقول لأهلك على كل حاجة بس ابدأ ارمى بالونات اختبار .. يعنى مثلا مثلا :
انك كنت واقف قدام الكلية والمسيرة عدت فهتفت معاهم وما كملتش المسيرة .. وشوف رد أهلك
لو سكتوا يبقى فى مرحلة تانية ان مثلا واحد زميلك وحبيبك اتمسك وانت زعلان جدا فمشيت معاهم شوية وهتفت ليه
وهكذا وهلم جرا وجرجريرا :D
لو رد الفعل سلبى :
ممكن تنزل المسيرات بس متعرضش نفسك للخطر ..
يعنى مش لازم تكون قدام فى الاشتباكات وتكتفى بطرق أخرى من الدعم "بالتنسيق مع المنظمين "
زى حماية الاخوات او انك تقدم دعم طبى او يكون معاك خل وبيبسى
لو حضرتك بنت بقى :
الافضل انك تقولى لأهلك ... لو انتى فى جامعة المنيا عندنا يعنى فأظنك تعرفى ان البنات بنسبة 99 % مش بيتعرضوا لخطر
فممكن تنزلى من غير علمهم
باقى الجامعات او مسيرات الشارع تتقدر بحسب المنطقة ..
ودى مش فتوى .. ده رأي :)

View more

حاول تغير نمط بوستاتك كلها بقت توحى بالانكسار والحزن :( الله يرحم البوستات الرومانسية والسعيدة

انزل ازاي بوستات رومانسية في الجو البلاك اللي عايشينه ده .. !!
الواحد اينما يولي وجهه فثَم وجه شهيد او معتقل

View more

انت قلت انك ممكن تحكى عن موقف يدل انك لست مطرق الجبين

اليوم اللي اتمسكنا فيه انا ومحمد .. كان الوقت متأخر بالليل وكانت علدتنا اننا ننام بعد الفجر ..المهم كانوا بيحققوا معانا واستمر التحقيق وقت كبير
وكانوا رابطين عينينا .. وكنا نعسانين جدا وتعبانين .. فمحمد بدأ ينام " كنا قاعدين علي الارض " وحط راسه علي ركبته
قولتله اوعي تنام او تميل راسك واستحمل بدل ما يفتكرونا خايفين او مذلولين او منكسرين .. وفضلنا رافعين راسنا
الموقف التاني كنا قاغدين في طرقة وكان احد كبار كلاب المباحث بيعدي والناس بتقف له .. الا انا ومحمد كنل بنقعد ونرفع راسنا بشكل غاظه جدا وكان هيضربنا :)
ما عاش ولا اتخلق لسة اللي يخلينا ننكس رؤوسنا .. الله عز وجل اعزنا بالدين واننا من السائرين في درب الجهاد والنضال ومنه وحده نستمد القوة .. ولا كبر ولا فخر

View more

Next