یہ جو ویرانی ہے
دل میں اداسی ہے
بے سبب یونہی
ایک اکتاہٹ ہے
ہے سبب اسکا بھی کچھ
کبھی جب سوچوں تو سو جواب ملتے ہیں
کبھی گھر کبھی بار
کبھی کاروبار ملتے ہیں
ایک جواب کے جسے میں اکثر چھپاتا ہوں
جواب کے جس پہ کبھی میں ٹیوب ویل کا پانی بہاتا ہوں
کبھی جامن کے درخت کی چھاوں کہتا ہوں
کبھی کہتا ہوں کے بچپن کی یاد ہے شائد
کے اکثر دوری خلیل سے لکھتا ہوں
کبھی اداسی کو نام دیتا ہوں کسی سرد موسم کا
کبھی لکھتا ہوں کے اداسی ہے یونہی بس شام کی
دل مگر چپکے سے کرتا ہے تسبیح جو تیرے نام کی
تو سمجھتا ہوں میں اسے اصلی سبب
سبب میری تمام اداس راتوں کا
باتوں کا
بس فقط ایک نام
تیرا نام
نیلی مچھلی
نئے سال کی پہلی ڈرائیو۔
خدا ہمیں ہمیشہ اپنا متلاشی بنائے رکھے۔
+ 2 💬 messages
read all
گمشدگی بھی ایک مشغلہ ہے۔
یا شائد گمشدہ عمارتوں کی تلاش
ان میں چھپی کہانیاں جو کسی نے نا سنی ہوں۔ ان دیواروں سے لگ کے بیٹھنا جن سے قہقہے و سسکیاں بیک وقت سنی جاسکتی ہوں۔ جہاں دیوار کے اس پار صدیاں گزر چکی ہوں جہاں گھوڑوں کی ٹاپ انجن کی کھڑ کھڑ میں بدل چکی ہو
جہاں ظاہری طور پر تو کوئی نا ہو مگر سننے پہ بےشمار کردار سامنے آجائیں جہاں بس آپ ہوں اور ایک گزرا جہاں۔دن کا تھکا ہارا مزدور ٹوٹی چارپائی پہ آگرتا ہےجب
تو سب سے بہترین اور پرکشش آواز اس کے لیے پنکھےہی کی ہوتی ہے۔ اس کی گرچ گرچ یا گراریوں کی چوں چڑاک۔ پنڈی ہمارے ریلوے والے گھر کے چھت اونچے ہوا کرتے، پنکھا لمبے راڈ سے لٹکا ہوا نیچے تک آتا۔ میرے کمرے کا پرانا پنکھا بٹن دبانے پہ کھٹ کی آواز سے چلتا اور ایک دیھمے سے ردھم میں چوں چوں کرتا بھاگتا رہتا۔
اونچے چھت کے روشندان بھی اونچے جو گرمیوں میں کھول دیتا اگرچہ رات چاند تونظر نہیں آتا مگر چاندنی رہتی تھی۔ عجب معاملہ ہے کے تب پوری رات میں چاندنی اور پنکھا مستقبل کی باتیں کرتے۔ کبھی اگر چاندنی کا دل ہوتا تو وہ ہمیں کہانیاں سناتی۔ پرانی بہت پرانی کہانیاں قافلوں، مسافروں کی محبت بھرے دو پیار کرنے والوں کے قصے تو کبھی کسی قافلے پہ لٹیروں کی یلغار میں لٹتی عصمتوں کو بچاتے جوانوں کے لہوں کی کہانیاں، پنکھا جب کسی بات پہ آنسوں بہاتا تو اس آواز میں شدت آ جاتی۔ اس کی چوں چوں سسکیوں میں بدلتی تو میرا دل بہت نمناک و اداس ہو جاتا ہمارا یہ ساتھ بہت عرصے تک رہتا لیکن آہستہ آہستہ گرمیاں جانا شروع ہوتی تو سردیوں کا پہرا شروع ہوتے ہی کمرے میں پنکھا راج کم ہوتا جاتا اور دیوار پہ سجی گھڑی مہمان بن آ بیٹھتی، چاندنی اور میں کبھی اس کی آواز سے خوش نہیں ہوتے، اس کی ٹک ٹک میں ایک عجب خوف ہوتا ایک ڈر کے ابھی نقاب پہنے چند لوگ آ ٹپکیں شائد، میں اور چاندنی ہاتھ پکڑے چپ خاموش بیٹھے رہتے، سردیاں ہمیشہ اداس اور مشکل ہوتی تھیں۔ ہماری اداس رات پہ ہمیشہ گھڑی کا راج رہا اس کے دو ہاتھ دو لٹکتی تلواروں کے جیسے پوری رات ٹک ٹک ٹک۔
نیلی مچھلی ریلوے کا مکان
صدر، راولپنڈی۔View more
Behtreen
ایک پرانی بات یاد آئی،
ہمارے گاؤں کے چار چفیرے برگد کے تقریبا صدی پرانے درخت ہیں، دن بھر وہاں کھیلتے تھے مگر شام کے بعد وہاں جانے سے جان جاتی تھی کیونکہ ان پر جن اور چڑیلیں ہوتی تھیں۔جمعرات کی رات وہاں آدھی رات کو چراغاں بھی ہوتا، شائد جنات مل کے کوئی جشن مناتے لیکن کوئی بھی اگر اس چراغاں کو دیکھ لیتا تو یا اس کی نظر چلی جاتی یاں اسکو جن چمٹ جاتے۔ اس لیے شام کے بعد بوہڑ والے کلے(کھیت ) جانے پر سخت پاپندی تھی۔ بابا فضل الہی مرحوم تو ایک دفعہ پکڑا بھی گیا جب وہ کھوں(کنواں) سے پانی لیے مڑ رہا تھا تو بوہڑ کے نیچے بیٹھے جن اسے آواز دے کر بولے فضل الہی آ جا حقہ پی لے، فضل الہی نے جب انکے الٹے پاوں دیکھے تو اپنے پاوں تلے زمین نا رہی مگر تھا عقلمند اور فورا لوہے کا سنگل نکال کے سامنے کیا تو جن گھبرا کے بولے نا فضلو تو جا آج، فضل الہی نے اگلی شام حویلی بیٹھ کے پورے محلے کو یہ بات سنائی اور رج کے اپنی بہادری کی داد لی۔ کچھ سال پہلے شام دادا جی کے ساتھ ٹیوب ویل سے واپسی پیدل آتے میں نے سوال کیا
ابا جی بچپن میں یہاں بوہڑ نیچے جن ہوتے تھے، اب کہاں گئے؟
مختصرا کہا
" کسی اور کے بچپن میں"View more
+ 2 💬 messages
read all
And indeed He is the best artist.
آسماں کے چہرے پر بے شمار آنکھیں ہیں
بے شمار آنکھوں میں بے حساب منظر ہیں
منظروں کے آئینے اپنے اپنے چہروں کو خود ہی دیکھ سکتے ہیں
خود ہی جان سکتے ہیں اپنی بے نوائی کو
وسعتوں کی چادر پر سلوٹیں بہت سی ہیں
اس خموش دنیا میں آہٹیں بہت سی ہیں
آتی جاتی لہروں کا ازدحام رہتا ہے
وقت ایک خنجر ہے
بے نیام رہتا ہے
یہ عجیب دنیا ہے جس میں کچھ نہیں ملتا
پھر بھی ایک لمحے میں بے شمار تاریخیں
یوں بدلتی رہتی ہیں
جیسے خشک پتوں کا ڈھیر اڑتا پھرتا ہے
بے کنار سمتوں میں
بے شمار سمتوں میں بے شمار آنکھیں ہیں
کچھ نہیں ہے تکنے کو اور ہزار آنکھیں ہیں
راستوں کے دھاگے سے ہر طرف لٹکتے ہیں
خاک کے جزیرے سے
ہر طرف بھٹکتے ہیں
پھر بھی آسمانوں پر رات کے اندھیرے میں
صبح کے سویرے ہیں
یہ عجب معمہ ہے
جس طرف بھی ہم دیکھیں
ٹوٹتے ہوئے لمحے بھاگتے ہوئے رستے جاگتے ہوئے منظر
آئنوں کے اندر بھی آئنوں کے باہر بھی
ایک شور برپا ہے
جس کو ہم نہیں سنتے
اور وہ ہم سے کہتا ہے
تم بھی میرے جیسے ہو
میں بھی مٹنے والا ہوں تم بھی مٹنے والے ہو
آسماں کے چہرے پر بے شمار آنکھیں ہیں
بے شمار آنکھوں میں بے حساب منظر ہیں
منظروں کے آئینے
رنگ رنگ آئینے کے جواب منظر ہیں
منظروں کے اندر بھی صد ہزار منظر ہیں
وہ بھی مٹنے والے ہیں
ہم بھی مٹنے والے ہیں
شہزاد احمدView more
+ 1 💬 message
read all
جہاں اسے جگہ ملے۔
+ 2 💬 messages
read all
جی اچھا
+ 4 💬 messages
read all
