Ask @NehalNashat:

اللي ابوهم ميت عرفتو ازاي انه مات وامتي وكنتو عندكوو كام سنه ؟ ويمثلكو ايه باباكو الله يرحكه ؟

بابا مات بعد عيد ميلادي بخمس ايام؛ كان حاسس قبلها ف جابلي هدايا كتير اوي مافيش اب يشتريها لعياله؛ يومها كان راجع من سفر وكان لسه هيسافر لابها عشان شغل تاني؛ كالعادة قبل ما نروح المدزسة لبسته الشراب عشان كان عنده الكبد وما كانش بيعرف يوطي ونزل سابني بس رن ع ماما قالها انه نسى اللاب ف انا خدته ونزلتهوله؛ يومها قالي لا الله الا الله كتير اوي وانا كنت ارد عليه وزعلانه وحاسة انه مش هيرجع تاني؛ كنت اتمني لو يقف الوقت ف اللحظة دي وما يسافرش؛ روحت المدرسة كنت ف ٥ ابتدائي وراجعة بالباص مع اخواتي؛ سمعت السواق بيقول 'إنا لله وإنا اليه راجعون' ف زعلت وعملت حسابي اني لما اوصل البيت هقول لماما وبابا ان حد مات للسواق عشان نزوره نواسيه وما كنتش اعرف ان ابويا انا اللي مات ف حادثه؛ وصلت البيت لقيت ناس ما اعرفهاش وعمري ما شوفتهم قبل كدا لابسين اسود وبيعيطو وامي معاهم شبه ميته؛ لاول مرة ف حياتي ما سالتش ف ايه لان قلبي اتقبض لاول مرة ف حياتي كطفله صغيرة؛ قالولي بابا تعبان بس انا كنت عارفة انه اكتر من كدا بس ما كنتش عارفة افسر لاني ما حضرتش الموت قبل كدا ولا حسيت بتقله ف حياتي؛ عدى كذا ساعة واتفرش الاكل عشان الاطفال اللي زينا ياكلو؛ ماكنش ليا نفس اكل ولسه هقوم م اوضة الاكل سمعت واحدة من الناس بتكلم قرايبنا ف الاوضة التانيه بتقولهم انه مات؛ ماحدش ركز اني سمعت حتي؛ جريت ونمت تحت السرير وماحدش سال او شاف؛ ما عيطش حتي لاني ما كنتش فاهمة؛ مشهد تاني بعدها بكذا ساعة لما خافو يقولو لاخواتي وبقيت انا افهمهم واحد واحد ان ابوهم مات واعاني من غير عياط اني اهديهم وهما بيقعوا ويعيطوا ويسرخوا؛ بعدها باختصار سافرنا لمكان الحادثة 'ابها' من الرياض وكان لازم ماما تروح المشرحة تشوفه عشان نخلص الورق ويسافر ويندفن ف مصر؛ نزلت من وراها وانا واختي الكبيرة استخبيت ف العربية عشان كنت عايزة اشوفه وماحدش عرف يطلعني منها وروحت معاهم المشرحة؛ كان سليم مافيش فيه حاجة عشان مات بنزيف داخلي وما اتعورش وملفوف ف كفن ابيض؛ بوسته من راسه وكانت متلجة عشان طالع من تلاجة لسه وحواليه اموات كتير بردو ملفوفين زيه؛ فضلنا ف المشرحة يومها من الظهر للعصر قدام مشرحة فيها جثة ابويا؛ ومن يومها نزلنا مصر ودوقنا الهم فعلا؛ عرفت يعني ايه نصب وهم وشيالة مسؤلية وظهر مكسور وان الفرحة ما بتكملش زي ما ابويا مات بعد عيد ميلادي؛ ربنا يرحمه.

View more

انا معرفكيش ودخلت البروفايل عشان انتي ثانويه زي 😂بس اول ماشوفت الانسرز دي افتكرت أن اذا احب الله عبده حبب فيه خلقه علطول فأنتي خليقي واثقه في ربنا وان شاء الله هيجبر خاطرك وخاطري ونخش هندسه 😅

ربنا يكرمك.💕

View more

Next